影片
更多
2019-03-05
5084 瀏覽
早前得知兒時好友回港，難得可以兩人傾計，先請咗半日假，中醫針耐咗，遲咗真係好抱歉😔😔。完全唔難搵，係香港站IFC有哂指示點去四季酒店。嚟到四季酒店，感覺舒服。原來有窗口位，打黎預約時可以特別問一聲。有梳化位，眼見好多唔同人嚟幫襯，有啲小酌一下，有啲好似我地咁叫個afternoon tea set😬。一般menu都係好簡單，呢份menu有好多選擇，睇到我地都唔知點揀，都係從心揀起。我地一坐就坐足3個半鐘，我倆實在太耐無咁傾計，從生活談到心裡，好似我地中學個陣咁。坐得舒服，時間都唔覺過得咁快。Savory，一般係咸點同埋簡單嘅小點。每一道我地都食到舐舐脷😋。每樣都配合到，完全無伏味，帶動到胃口大開，只有讚。每樣設計係一小口，但係豐富十足，呢種滿足唔係間間tea set可以做到。唔好睇佢精緻，每一啖都係驚喜連連。Almonds Doughut, mini pumpkin bun, lberico club sandwich, mortadella pine nut and pesto focaccia... 份量唔多，但好似食咗好多嘢咁。Blue corn tacos 好特別，一口鮮味十足，
完全唔難搵，係香港站IFC有哂指示點去四季酒店。嚟到四季酒店，感覺舒服。
原來有窗口位，打黎預約時可以特別問一聲。
有梳化位，眼見好多唔同人嚟幫襯，有啲小酌一下，有啲好似我地咁叫個afternoon tea set😬。
一般menu都係好簡單，呢份menu有好多選擇，睇到我地都唔知點揀，都係從心揀起。
我地一坐就坐足3個半鐘，我倆實在太耐無咁傾計，從生活談到心裡，好似我地中學個陣咁。坐得舒服，時間都唔覺過得咁快。
Savory，一般係咸點同埋簡單嘅小點。每一道我地都食到舐舐脷😋。每樣都配合到，完全無伏味，帶動到胃口大開，只有讚。每樣設計係一小口，但係豐富十足，呢種滿足唔係間間tea set可以做到。唔好睇佢精緻，每一啖都係驚喜連連。Almonds Doughut, mini pumpkin bun, lberico club sandwich, mortadella pine nut and pesto focaccia... 份量唔多，但好似食咗好多嘢咁。
Blue corn tacos 好特別，一口鮮味十足，紫菜脆口，牛油果不但營養多，而且係天然食材。
右邊三款醬係乜？
就係配佢地啦！Baked scones!!! 有成4個，咬落好鬆化，再配個醬，真係好食到不得了，奶油忌廉打到好soft，搽落去唔會感膩。另外兩款似淡淡地，唔會係加咗好多糖個種。
Sweet呢個部分都唔差，每件仍然保持豐富口感，有酸甜口味，有芭芙嘅軟口感，有焗斑蘭葉嘅香味餡餅，真係款款各有特色。
現場偶然會有live music，好有mood。最重要係朋友感到滿意，佢已經好耐無食過British style food，難得佢高興，我請得超值。
Duetto weekday 只係$588，覺得超值。佢cut off time係下午5點半，但基本上唔會趕。我地各人叫咗杯咖啡，好好飲，我杯latte，持續好耐都好暖，正！感覺友人好介紹🤤
張貼
