鮨政

營業中

休息中

今日去咗上環一間叫「鮨政」嘅餐廳食晚餐，呢間餐廳嘅座位唔多，有一半嘅座位係望住師傅嘅吧枱位，另一半座位係卡位，建議想食嘅朋友提前預訂。吧枱位可以望住師傅製造壽司嘅過程，亦都可以同師傅有互動，非常有人情味。🍊 真鯛魚頭麵豉湯麵豉湯用咗原個真鯛魚嘅魚頭去熬製，味道除咗有麵豉湯嘅鹹味之外，仲帶有好重嘅魚鮮味，配埋幾件煲湯嘅鯛魚魚頭，啖啖嘅魚肉煲完之後肉質仍然非常嫩滑，非常推薦鍾意飲魚湯嘅朋友🍊 大吞拿魚腩 大吞拿魚腩嘅肉質肥美，入口即溶，粉嫩嘅外表望落好新鮮，食落都好重魚脂嘅香味，上面配咗醬油蘿蔔蓉調味，可以更加突出吞拿魚腩嘅鮮味🍊 中吞拿魚腩中吞拿魚腩嘅顏色比赤身深色，魚肉嘅味道較為濃郁，食到魚肉嘅質感之餘又唔會太膩🍊 海膽軍艦海膽嘅顏色呈橙黃色，口感軟綿，食落去好重鮮甜味，一啲腥味都冇，食完口腔仍然充滿着濃郁嘅海膽味🍊 三文魚籽軍艦三文魚籽嘅份量好多，每一粒都好脆口，咬落去口腔會爆滿濃郁嘅鮮甜味，配埋白飯同紫菜一齊食又唔會太鹹，係我最鍾意食嘅壽司之一🍊 火灸帶子原粒帶子嘅味道非常清甜，食得出食材好新鮮，而且肉質厚身，一粒開半之後放喺壽司飯上面仍然好有口感，用火炙燒過之後帶子嘅甜味更突出🍊