影片
更多
2025-04-28
217 瀏覽
🍧【上環雪糕天堂】The Ice Cream & Cookie Co.熱帶之旅🏝️炎炎夏日，專程去上環歌賦街嘅 The Ice Cream & Cookie Co. (ICC)✨試佢哋新出嘅 「熱帶之旅」夏日系列😻5月1日到6月30日期間限定💝成間舖頭充滿東南亞風情🌴有衝浪板、棕櫚葉等佈置，仲播住輕快嘅熱帶音樂🎵一入去就覺得自己好似去咗度假咁☀️ 🌳環境：型格熱帶風打卡位舖頭以深藍色外牆做主調，樓高兩層，一樓係外賣區，二樓係咖啡廳格局，有舒服嘅梳化位🛋️成個設計走清新路線，白色配海軍藍，影相打卡一流📸 🍨 2025夏日限定系列1️⃣ 熱帶漩渦（粉紅石榴 + 菠蘿雪葩）🌺 味道：一睇個賣相已經贏晒！粉紅色石榴雪葩混搭金黃菠蘿，顏色超靚～入口先係石榴嘅清甜，慢慢滲出菠蘿嘅鮮爽酸甜，仲有微微果肉感，完全唔會膩，清新到爆。🍍 口感：雪葩質地幼滑，帶少少冰沙感，啱晒炎熱夏日消暑。 .2️⃣ 泰式奶茶麻糬雪糕🧋 味道：泰奶迷必試！茶香超濃，帶微微香料味，甜度剛好，一啖食落去真係好似飲緊泰國奶茶咁！值得一贊係裏面加咗麻糬粒，煙韌有咬口，同滑溜雪糕形成絕配。🍡 口感：雪糕質地 creamy，麻糬軟糯，層次感十足，食
炎炎夏日，專程去上環歌賦街嘅 The Ice Cream & Cookie Co. (ICC)✨試佢哋新出嘅 「熱帶之旅」夏日系列😻
5月1日到6月30日期間限定💝成間舖頭充滿東南亞風情🌴有衝浪板、棕櫚葉等佈置，仲播住輕快嘅熱帶音樂🎵一入去就覺得自己好似去咗度假咁☀️
🌳環境：型格熱帶風打卡位
舖頭以深藍色外牆做主調，樓高兩層，一樓係外賣區，二樓係咖啡廳格局，有舒服嘅梳化位🛋️成個設計走清新路線，白色配海軍藍，影相打卡一流📸
🍨 2025夏日限定系列
1️⃣ 熱帶漩渦（粉紅石榴 + 菠蘿雪葩）
🌺 味道：一睇個賣相已經贏晒！粉紅色石榴雪葩混搭金黃菠蘿，顏色超靚～入口先係石榴嘅清甜，慢慢滲出菠蘿嘅鮮爽酸甜，仲有微微果肉感，完全唔會膩，清新到爆。
🍍 口感：雪葩質地幼滑，帶少少冰沙感，啱晒炎熱夏日消暑。
.
2️⃣ 泰式奶茶麻糬雪糕
🧋 味道：泰奶迷必試！茶香超濃，帶微微香料味，甜度剛好，一啖食落去真係好似飲緊泰國奶茶咁！值得一贊係裏面加咗麻糬粒，煙韌有咬口，同滑溜雪糕形成絕配。
🍡 口感：雪糕質地 creamy，麻糬軟糯，層次感十足，食完成杯都唔會覺得滯。
3️⃣ 島嶼雲朵（菠蘿椰奶 + 斑蘭冷泡沫）
🥥 味道：呢杯飲品真心驚豔！菠蘿汁嘅酸甜同椰奶嘅香濃出奇地夾，面頭嘅斑蘭冷泡沫帶淡淡花香，飲落好 refreshing，真係有種喺海島度假嘅感覺🏖️
🍃 口感：斑蘭泡沫好綿密，飲到底仲有菠蘿果肉，口感豐富。
.
4️⃣ 黃金雲朵（木瓜 + 斑蘭冷泡沫）
🍈 味道：比起「島嶼雲朵」，呢款甜度低啲，木瓜自然香甜，斑蘭泡沫帶出優雅花香，飲落好舒服，唔會太heavy。
✨ 口感：泡沫輕盈，木瓜汁順滑，一杯落去清爽解渴。
5️⃣ 日落島嶼之樂（芒果椰子雪葩 + 糖漬西柚）（堂食限定）
🥭 味道：超級豐富嘅甜品！芒果椰子雪葩香甜creamy，配上酸甜鳳梨蜜餞同糖漬西柚，味道層次超多，仲有脆脆餅底增加口感，真係食到停唔到口！
🍊 口感：雪葩軟滑，蜜餞帶少少嚼勁，脆餅增添酥脆感，每一啖都有驚喜。
6️⃣ 邪惡之選！勁厚曲奇雪糕三文治
💖 味道：揀咗開心果同焦糖脆餅曲奇🍪夾茱莉花白古力雪糕🍦曲奇外脆內軟，開心果味香濃，雪糕帶花香同白朱古力脆脆，甜而不膩，邪惡但令人欲罷不能💡
😋 口感：曲奇厚實有咬口，雪糕冰涼綿密，一熱一凍嘅反差感好過癮！
🌟 總評：熱帶風情爆燈，必試夏日系列🌈
今次ICC嘅「熱帶之旅」真係冇令人失望🥳由味道到賣相都充滿心思，尤其係泰式奶茶麻糬雪糕同日落島嶼之樂，絕對係必試之選🚨環境舒服，店員服務又親切，係夏日消暑嘅好去處💕記得趁6月30日前去試啦😚
.
The Ice Cream & Cookie Co.✨
📍上環歌賦街18號地舖
.
#香港美食 #雪糕控 #夏日限定 #上環好去處 #ICC熱帶之旅 🌴🍦
張貼
