瑞記咖啡

今日和老佛爺西區一天遊，主目的地係西環鐘聲泳棚，去當行行山，拍拍照，因是閒日， 無咩人。

去之前先去上環街市食個早餐，嘆一嘆美食再出發。呢度無餐的，都是散叫。

我們點了樽仔奶茶，滾水蛋，牛肉麵，西多士和蛋牛治烘底。

樽仔奶茶夠香滑，不用冰粒，吾會越飲越淡，滾水蛋好有蛋香，老佛爺話未飲過，好好飲，大鄉里。

牛肉麵牛肉好滑，飲啖湯，該是一丁麵，有驚喜，仲以為一般白光麵。西多老佛爺話好味，但吾夠多花生醬，我就話啱啱好，夠多練奶。

吾夠喉，加多件蛋牛治洪底，老闆加入大量蔥粒，特別香口有風味。

埋單108元，人均54，不錯。
食完坐1號巴士去泳棚影相，偷得浮生半日閒。