古今二 (荃灣千色匯I) (已結業)

對『古今二』的印象係，點解成日都咁多人嘅??因此話有朝一日一定要試一次，但當然唔好要我排隊啦。呢日陪屋企人來到『大棧』買嘢，終於等到了唔使排隊的時刻。好多菜式名都好得意，好似『柚想蝦你沙律』你會諗到有柚子，有蝦，而事實係除咗呢樣嘢，呢份沙律仲有蔬菜，蕃茄仔，萍果，牛油果，海草，蟹子……勁豐富，市面都好少見。『金龍卷』和『蜘蛛』都係卷物，一個有蝦，一個有軟殻蟹，買相唔錯;『雜錦天婦羅』有3樣嘢，其中秋葵内仲有餡，幾有驚喜。『蒜香牛油翠肉瓜』和『蒜香牛油紫薯』亦都係唔錯的選擇。