影片
更多
2022-10-16
108 瀏覽
位於銅鑼灣告士打道嘅地舖 「amis 」，一餐靚嘅 Fine Dining 吸引之處，就係一食就食咗三個幾四個鐘，而每一道菜每一啖都係享受，今晚之後又多一間慶祝，聚會，節日餐廳之 bookmark 選擇！Menu 可以選擇 7 Course $1,180 // 9 Course $1,480，有前菜、小食、生蠔、刺身、主菜、甜品！➽ 法式麵包 - 上枱都已經見到餐廳心思，兩款麵包分別係 小麥粉麵包 (配煙燻香草沖繩海鹽牛油) ，酸種混合麵包 (配焦糖海鹽牛油)，各有特色。➽ STARTER (AMUSE BOUCHE) 共四款，富山灣甜蝦 (配紫菜絲及芥末籽醬)，鮮甜蝦肉，芥末帶出層次感；蜜瓜汁分子料理，連埋風乾 12 個月火腿，再加莓果醬，舊配搭新口感；原生日本蕃茄加軟芝士同酸汁啫喱，仲有羅勒葉增添香味；又一分子料理新作，鵝肝配無花果醬，新體驗。➽ 法國生蠔 - 生蠔用 10秒滾水燙一燙，飽滿鮮甜，加上柚子酸汁，上面仲有三文魚籽 & 箱根馬糞海膽，鮮到不得了。➽ 季節限定: 東京灣槍烏賊 - 鱘魚子醬、海膽慕絲、長野縣白粟米、洋蔥忌廉汁，店員提示拌勻同吃更有層次感，五星推介。➽ 鹿
Menu 可以選擇 7 Course $1,180 // 9 Course $1,480，有前菜、小食、生蠔、刺身、主菜、甜品！
➽ 法式麵包 - 上枱都已經見到餐廳心思，兩款麵包分別係 小麥粉麵包 (配煙燻香草沖繩海鹽牛油) ，酸種混合麵包 (配焦糖海鹽牛油)，各有特色。
➽ STARTER (AMUSE BOUCHE) 共四款，富山灣甜蝦 (配紫菜絲及芥末籽醬)，鮮甜蝦肉，芥末帶出層次感；蜜瓜汁分子料理，連埋風乾 12 個月火腿，再加莓果醬，舊配搭新口感；原生日本蕃茄加軟芝士同酸汁啫喱，仲有羅勒葉增添香味；又一分子料理新作，鵝肝配無花果醬，新體驗。
➽ 法國生蠔 - 生蠔用 10秒滾水燙一燙，飽滿鮮甜，加上柚子酸汁，上面仲有三文魚籽 & 箱根馬糞海膽，鮮到不得了。
➽ 季節限定: 東京灣槍烏賊 - 鱘魚子醬、海膽慕絲、長野縣白粟米、洋蔥忌廉汁，店員提示拌勻同吃更有層次感，五星推介。
➽ 鹿兒島赤身吞拿魚他他- 醬油醃漬配黑白芝麻、紫菜、牛油果辣椒醬，好清新！
➽ 日本金鯛立鱗燒 - 特登唔去魚鱗，垂直淋油令到外層卜卜脆，配日本春菊同小紫蘇花，倒入鰹魚高湯魚鮮味 (附昆布紫菜)，魚肉好嫩滑！
➽ 牛肚菌燉飯 - 以薏米做飯底，注入雞湯而煮成， 加入唔油膩嘅三黃雞皮，牛肚菌及靈芝菇，好邪惡😫
➽ 波士頓龍蝦湯 - 以智利鱈魚，夢美人米飯，最後噴上干邑 (有乾橙 & 堅果香)，蝦湯有蝦以蝦頭和蝦膏熬煮，香濃味道下仲有彈牙蝦肉，噴酒似噴香水咁玩。
➽ 青蘋果 Sorbet - 過場時竟然有青蘋果雪葩，少少甜酸去中和之前濃味菜式，再去享受正餐。
➽ MAIN COURSE 鹿兒島A4 和牛 & 澳洲牛面頰肉 - 店員成 SET Laguide 刀拎出嚟比我地揀色，因為本身成餐飯都好好味，我都唔知有無因為把刀面令啲牛更好味，但心思真係抵讚！牛肉分別配以日本 wasabi 同 冷黑椒汁，突顯肉味，好正。
➽ MAIN COURSE 西班牙紅蝦意粉 - 另一款，紅蝦蝦身表皮輕燒，保持蝦肉鮮嫩，而意粉用蝦頭、蝦膏炒香入味，配以乾蕃茄蔥花，食到連汁都唔想放過！
➽ DESSERT (De Chef: Summer forest, Petite four) - 北海道 3.7 牛乳雪糕 // 抹茶蛋糕+焙茶慕絲 // 貝殼蛋糕 檸檬味 // 水果組合: 網紋蜜瓜、白肉火龍果、無花果，仲有柚子啫喱，勁豐富甜品，令到呢餐好滿足！
張貼
