火間土 (已結業)

我上兩個星期同朋友去完「火間土」食日本野，因為聽講好多人食，所以要去試下有幾好食。但去到，又唔係好多人等姐~~餐廳既間隔幾得意，環境唔太差，而食物都OK既，價錢大約每人$150-200左右，相比下貴了一點。講到服務，就真係好「唔掂！」就講當晚某d本人同朋友遇到既事同網友分享啦！無論高級或低級服務員，全冇笑容可言，成晚走黎走去，可能人手唔夠，我們檯上的茶壺用完了茶，「多次」請服務員加茶，每次聽到我們要求加茶，服務員只會望一望，唔出聲走左去，大佬，幾忙都好，唔得閒都可以講叫「唔好意思，轉頭先加」都好呀！真係當食客死既！直至檯上所有人既杯都冇哂水，本人朋友再以此要求加水，服務員才肯理o下我地！另，我好同意同埋感受到有網友話埋單時，服務員態度唔掂，因替我們埋單的是一位女高級服務員，唔知同唔同一位，佢真係好冇禮貌，放下賬單，粒聲唔出走左去，隔一陣返黎拎返張單，全程黑面，一句多謝都冇！！食客黎食飯都係但求食得開心，出街食，服務都係我們選擇餐廳既條件之一，食完一肚氣既餐廳，就算食物再好食，但服務唔得，我諗我都唔會再去！！一間餐廳有咁多幫老細倒米既服務員，都幾難搵！反而上次去隔離o個間San Fran