越味皇 (已結業)

越味皇，價錢好抵食嘅越南菜餐廳。Lunch menu到6點，$40起好抵。主餐牌都唔貴。越式河內蒸粉包（$42/4件）餡料滿滿，個人覺得個粉皮可以薄些少。香燒迷你蔗蝦（$36/2支）蝦膠好彈牙，食完仲有得咬蔗，好㩒食，哈哈。越味皇牛油蒜蓉雞翼（$45/4隻）越邪惡越要食，雞翼充滿牛油蒜蓉味，係熱氣架喇，但越南小食必食一定係呢樣！越式燒老虎蝦米紙卷（$68）相比頭先的小食，呢個比較清新，賣相美美的，米紙卷點越南魚露汁，酸酸地好開胃。越味皇火車頭湯河（$68）一碗越式湯河內有生熟牛肉、牛筋及牛丸，牛魔王最愛。湯底算清，唔太濃味，可以加青檸汁及辣椒粒，別有一番風味。