更多
2019-03-01
4814 瀏覽
難得閒日中午可以抖下,拉左老媽子出旺角逛下,通菜街不嬲多平價餐廳,見到呢間門面幾靚,又玩啲中西合璧菜式就入左去。餐廳內外位於「女人街」之稱既通菜街,估唔到餐廳裝修幾有Feel,我覺得設計得唔錯,附合到佢餐廳名「街坊Cafe」。食物選擇十分之多選擇,14:30前來有Lunch Set有Tea Set亦有散叫,平時意粉食得多,呢到配河粉/蝦子麵,好特別。加上叫得自己做「街坊Cafe」,價錢都街坊價啲,鐵板最平$89都有交易。海鮮龍蝦汁蟹籽蝦子麵 $108西式海鮮龍蝦汁 x 中式蝦子麵,幾新穎既配搭,份量唔算多,男士食未必夠飽,岩細食既女士。海鮮有青口、魷魚、蝦,底部有少許龍蝦汁撈勻再食,龍蝦汁味道幾出,蝦子麵本身就咸咸地,整體咸口但咸道可接受,估唔到兩者夾得埋,唔講係蝦子麵,外表睇就如平時食開既西式海鮮寬條意粉。午市套餐—龍蝦汁海鮮意大利飯 $68午市套餐包碗仔翅/忌廉湯、熱飲同免加一,同埋價錢相宜好多,我就揀左個龍蝦汁海鮮意大利飯,後尾先發現其實同老媽子兩個人嗌既一模一樣咁制,只係佢果個係蝦子麵,我果個就係意大利飯,所以個base其實都一模一樣,但唔知係咪因為飯會索汁,以龍蝦汁煮令到意大
餐廳內外 位於「女人街」之稱既通菜街,估唔到餐廳裝修幾有Feel,我覺得設計得唔錯,附合到佢餐廳名「街坊Cafe」。
食物選擇 十分之多選擇,14:30前來有Lunch Set有Tea Set亦有散叫,平時意粉食得多,呢到配河粉/蝦子麵,好特別。加上叫得自己做「街坊Cafe」,價錢都街坊價啲,鐵板最平$89都有交易。
海鮮龍蝦汁蟹籽蝦子麵 $108
$108
20 瀏覽
0 讚好
0 留言
午市套餐—龍蝦汁海鮮意大利飯 $68 午市套餐包碗仔翅/忌廉湯、熱飲同免加一,同埋價錢相宜好多,我就揀左個龍蝦汁海鮮意大利飯,後尾先發現其實同老媽子兩個人嗌既一模一樣咁制,只係佢果個係蝦子麵,我果個就係意大利飯,所以個base其實都一模一樣,但唔知係咪因為飯會索汁,以龍蝦汁煮令到意大利飯入口過咸,但蝦子麵冇呢個咸,意大利飯亦可以再生少少煙韌啲,對比起上黎,同為龍蝦汁及海鮮base,配蝦子麵會更好,不過加左牛油果同少許芝士有微微黏起拉絲既效果。
Tea Set—Tiramisu 吉士雞蛋仔伴忌廉 $68
$68
21 瀏覽
0 讚好
0 留言
$68
16 瀏覽
0 讚好
0 留言
Tea Set同樣包熱飲同免加一,佢既甜品好多花款而且樣樣都好吸引,除左呢款Tiramisu 吉士雞蛋仔,仲有紫薯吉士、阿華田吉士、抹茶吉士,唔想配雞蛋仔,仲有一個系列係配法國西多士!我就試Tiramisu 吉士雞蛋仔伴忌廉,用鐵板上,個鐵板真係微微暖,唔係裝飾,仲有雪糕同棉花糖,面頭係Tiramisu 吉士,食落Tiramisu味唔岀,似普通吉士味但多左少少朱古力味咁,而雞蛋仔熱騰騰,但始終上面於左大量Tiramisu 吉士,已經整淋哂個雞蛋仔,所以雞蛋仔似雞蛋糕,係麵包既口感,係幾得意既配搭,都可一試。
餐飲—街坊蒸餾咖啡、港式奶茶
跟set包飲蒸餾咖啡,平時好少機會飲到蒸餾咖啡,仲要食set就包咁抵,緊係試下!入口偏苦,會回甘,咖啡味係口中久之不散,但呢種回甘偏苦澀,有配奶比你加,但都唔太岩我口味。而港式奶茶茶味太輕,奶味亦唔重,偏水。
套餐抵食,但單點就要睇下叫咩菜式,粉麵類尤其蝦子麵會比較貴,不過呢到多花款揀,菜式又比較新穎,少係岀面食到,不妨試試。
張貼