影片
更多
2015-05-02
3347 瀏覽
今日工作關係要去尖沙咀，所以終於有機會黎到呢間位於尖沙咀山林道 ,並得到大部份好朋友好評嘅平成二十二日式放題店。一去到呢間餐廳，我地發現原來有好多種唔同嘅收費(如圖)。跟住由於事前我有book到位，所以唔洗等就可以即刻入去。入去之後我發現原來環境比我想象中更加寬闊，完全無平時一般放題店地方狹窄嘅問題，舖頭入面雖然無咩特別嘅裝修，不過我覺得都算幾有日本居酒屋果啲感覺。店入面有張點單紙，唔好以為款式好少呀，其實都好多野食嫁喇。跟住我地就即刻叫晒鐘意食嘅野。過左無幾耐，剌身就黎喇！！個盆雖然細細下咋但係裡面有超多刺身嫁(好似有特大甘海老、油甘魚、北海道帶子、三文魚、吞拿魚、雕魚、馬刀貝、北寄貝。咁多刺身當中就真係唔可以唔提下佢嘅特大甘海老，真心講係我呢個放題達人食咁多次放題入邊看過最大嘅一隻，隻特大甘海老唔單止鮮甜爽牙，而且完全唔會有霉爛嘅感覺，而放題嘅價錢來講食到啲咁嘅質素真係非常唔錯喇！另外吞拿魚，帶子同埋北寄貝嘅質素都唔錯。跟住落黎就係蟹子沙律，霜降牛肉壽司，火炙三文魚壽司同埋松葉蟹腳壽司。沙律都算係正常味，唔會太多醬，不過蟹子唔夠多呀。霜降牛肉壽司嘅牛肉唔會太熟，白色嘅脂肪紋路依然仲
一去到呢間餐廳，我地發現原來有好多種唔同嘅收費(如圖)。跟住由於事前我有book到位，所以唔洗等就可以即刻入去。入去之後我發現原來環境比我想象中更加寬闊，完全無平時一般放題店地方狹窄嘅問題，舖頭入面雖然無咩特別嘅裝修，不過我覺得都算幾有日本居酒屋果啲感覺。
店入面有張點單紙，唔好以為款式好少呀，其實都好多野食嫁喇。跟住我地就即刻叫晒鐘意食嘅野。過左無幾耐，剌身就黎喇！！
個盆雖然細細下咋但係裡面有超多刺身嫁(好似有特大甘海老、油甘魚、北海道帶子、三文魚、吞拿魚、雕魚、馬刀貝、北寄貝。咁多刺身當中就真係唔可以唔提下佢嘅特大甘海老，真心講係我呢個放題達人食咁多次放題入邊看過最大嘅一隻，隻特大甘海老唔單止鮮甜爽牙，而且完全唔會有霉爛嘅感覺，而放題嘅價錢來講食到啲咁嘅質素真係非常唔錯喇！另外吞拿魚，帶子同埋北寄貝嘅質素都唔錯。跟住落黎就係蟹子沙律，霜降牛肉壽司，火炙三文魚壽司同埋松葉蟹腳壽司。沙律都算係正常味，唔會太多醬，不過蟹子唔夠多呀。霜降牛肉壽司嘅牛肉唔會太熟，白色嘅脂肪紋路依然仲可以好清晰咁見到，入口牛肉味有點淡但係非常有口感。火炙三文魚壽司幾香，而且燒得都幾靚，有點入口即溶嘅感覺，另外松葉蟹腳壽司囓蟹棒就相當甜美，絕對值得一試嫁。
之後鹽燒牛舌同鹽燒豬腸就上枱喇，在平時一般放題舖頭食到嘅牛舌一般都超級厚身，但係呢度嘅牛舌就岩岩好唔會太厚同埋爽口，而且非常惹味。
鹽燒豬腸就比較香脆，咬落去會有啲清脆碎裂聲響，就好似平時食果啲烤乳豬咁。
再過無幾耐，其他熱菜就陸續上黎喇。芝士年糕 ，芝士年糕份量唔會太多，不過就好似油左啲，食落無咩口感；
牛油燒帆立貝，帆立貝夾雜住露筍，雖然牛油味唔夠明顯，不過帆立貝無腥味，仲幾有口感，而且露筍真係唔錯，有點牛油香之餘，仲好爽口。
羊鞍，呢度嘅羊鞍唔會太羶而且肉質幾嫩滑，不過脂份有啲多，食得多我怕我變肥仔呀。
天婦羅方面要了炸軟腳蟹，自家制南瓜餅及秋葵。各種天婦羅嘅油份唔算太多，炸粉亦唔算厚身，不過我個人就幾鍾意呢個秋葵天婦羅，一黎秋葵健康喇，二黎秋葵天婦羅真係比較小食到，仲要幾新鮮。
最後甜品方面，呢度有泡芙同雪糕俾客人食。泡芙，餐廳係擺出黎俾客人自己去拎嘅，而且有兩種味道(朱古力同埋忌廉加莓果醬) 忌廉加莓醬泡芙甜甜地又酸酸地咁，朱古力泡芙就有淡淡嘅朱古力味，個人覺得忌廉加莓醬泡芙比較好食，不過只係可惜外層酥皮因為冷藏得太耐變軟左。
總而言之，呢間放題都係我食過比較好嘅一間，因為味道等各方面都係食過嘅日式放題舖頭做得比較上到位嘅，所以不妨黎試下喇。
張貼
