三星台菜食堂 (The L. Square) (已結業)

近排睇飲食男女話傅佩嘉開咗間台灣菜館，叫做三星台菜食堂，之前聽到傅佩嘉個名只係會聯想到佢嗰首絕，嗰時覺得好好聽!🎶🎶什麼叫絕望～抬起眼望望～🎶🎶都算係一首經典歌！好啦講返正題！近排大口同朋友去銅鑼灣行街，跟住就去左L Square間三星台菜食堂度食大口好鍾意嘅台灣菜，真係好掛住台灣嘅美食啊！要等下個Sem Break先可以再去台灣旅行啦😭呢間餐廳裝潢設計係行簡約台灣風，好啱大口呢一類文青～如果坐吧枱仲可以望到銅鑼灣樓景！聽到有店員講普通話，原來係台灣人主理間餐廳架😆雖然選擇唔算太多，但係大口諗到嘅台灣菜佢都有，嗰日我同朋友叫咗牛肉麵，滷肉飯，滷水豆乾，甜不辣，鹽酥雞，黑糖珍珠奶茶同埋仙草奶綠......牛肉麵真係好正宗，湯底好濃，甜甜地咁，仲可以免費加酸菜，同之前係台南試過既差唔多，好似話台南嘅台式菜都係偏甜，大囗就好鍾意啦～其他所有嘢食份量都好足！☝🏻叫咗咁多野埋單都係三百幾～下次如果自己黎可以叫碗牛肉麵再加黑糖珍珠奶茶就夠晒飽😂