真心泰國菜館 (已結業)

今朝食得太飽，所以睇完戲三點鬆先午餐就岩岩好，我地揀左係朗豪坊隔離既朗晴坊，二樓既「真心泰國菜館」，睇完戲行過去夠曬方便！餐廳佈置真係充滿泰式風味，有置身泰國既感覺下午茶真係超抵食，好多款連埋飲品$50有找，款式又多！另外都有午市餐牌同正價餐牌，一樣可以點小食、甜品、菜等青檸梳打同泰式奶茶，泰式奶茶係泰國少甜版本乾炒牛河雖然下午茶，但份量同平時散點好似差無幾，都好夠份量！河粉好綿滑，好夠鑊氣又夠味海南雞飯雞肉就乾身左少少豬頸肉小食肉質爽口，個汁好正，好夠味芒果糯米飯又幾驚喜，開頭見咁多椰汁有d驚，但食落完全唔漏又唔會過甜，濕潤得岩岩好紫糯米底好好味，芒果又甜食飽重有椰汁西米糕送椰汁配西米，正！