螢火

前日同朋友再次回訪螢火，因為實在太掛住佢地嘅美食🥰同朋友相討後今次打算選擇🎀商務特選午餐 2人 ，價錢都相當實惠🫣首先，簡單的沙律，非常爽脆清新又令人更開胃！然後，大大隻嘅澳洲龍蝦，我好鍾意食龍蝦，估唔到呢到嘅質素非常之好！唔單止新鮮，而且龍蝦非常之好肉，入口龍蝦嘅鮮甜味道非常好食。還有，雪白顏色大大粒嘅帆立貝非常吸引，入口鮮甜又有彈性。接下來是清酒煮蜆，清酒令到蜆肉更加有鮮味，少少嘅酒味做點綴，又唔會搶咗蜆肉原先嘅味道。另外，今次選擇嘅美國牛肉薄燒，燒到五成左右，加入唔同嘅香料，牛肉嘅香味非常突出，每一啖嘅肉質口感都非常鮮嫩！數不完的還有櫻花蝦炒飯、漬物、吸物、甜品或咖啡，呢間餐廳太用心啦，每一道料理都做得好好，而且仲要好抵食，真係超高CP！