四寶食堂 (已搬遷) 新店位置

路過炮台山，見到呢一間餐廳裝修高級✨，以為價格很貴。但誰不知係街坊親民價錢💰，高級版嘅冰室茶記，所以就吸引到我同同事一試啦🤓•蔥油雞扒蛋飯 ($55)🐥🍚蔥油確實唔簡單，首先雞扒煎得好嫩滑🤤，完全唔鞋口，配上特製蔥油既香同甜豉油，一啖食落口真係口感好入味，油香好邪惡😈。白飯上面仲有一隻留心太陽蛋🌞，撈埋蛋汁同啲飯一齊食簡直係回味無窮，平民恩物👍🏻蟲草花荷葉蒸雞飯 ($58)🐔🍲蟲草花荷葉蒸雞飯真係好有驚喜😱，首先佢個飯係以木盆裝住，再都可以包住雞🐔同蟲草花一齊蒸，雞油同雞汁完全滲入飯裡面，亦都有淡淡荷葉嘅香味，一啖食入口濃而不膩🙊，每粒飯粒都有濕潤的口感🤤，值得一試👌🏻。椒鹽豬扒飯（$55）🐷🍛應該仲叫埋邪惡椒鹽豬扒飯🐷，椒鹽外脆內軟，外面嘅辣椒🌶️、炸蒜再加蔥花一齊炒埋一碟，已經有避風塘嘅味道🦀，遠處聞落去已經好香，食落豬扒係好香口鬆軟🐖，不過我就覺得呢個飯有啲乾，如果怕熱氣就唔好揀啦🤦🏻‍♀️。