影片
更多
2023-03-30
180 瀏覽
《 灣仔fine dining浪漫新派中法菜式 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧食得fine dining當然除左食物本身嘅味道之外，餐廳嘅環境同氣氛都好重要。今次介紹嘅餐廳《Maison ES》係中法fusion菜，將好多中式嘅食材同埋烹調手法融入法國菜入面，務求帶比食客新鮮感。另外餐廳環境亦都別具一格，牆上嘅藝術畫、天花嘅水晶燈、暖色系嘅坐椅，都比我一種高貴又不失法國傳統嘅感覺。一系列菜式帶有法式嘅精緻感，喺每一道菜色都增加辛辣味但味道一啲都唔辣，但將辣椒嘅香味和味道添加少少佢每一個菜式之一，可以做到平衡菜式之餘能令到每一個菜式都有少少驚喜和刺激！另外亦可以平衡身體以中式嘅概念去暖脾胃！Bread with xo sauce butter餐包已經夠吸引，用上XO醬，惹味香口，已經忍唔住食多一片！Sweet Garlic Razor clams平時食法國菜好少見到用到蟶子做材料，平時中式食法多數都係清蒸或者鹽焗。廚師就用矜貴嘅黑魚籽同埋三文魚籽做調味，已凍食嘅方法去保留鮮味，再加上花瓣同埋香草做裝飾，充滿意境！食落又充滿鮮味。Crispy Langoustine
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
食得fine dining當然除左食物本身嘅味道之外，餐廳嘅環境同氣氛都好重要。今次介紹嘅餐廳《Maison ES》係中法fusion菜，將好多中式嘅食材同埋烹調手法融入法國菜入面，務求帶比食客新鮮感。另外餐廳環境亦都別具一格，牆上嘅藝術畫、天花嘅水晶燈、暖色系嘅坐椅，都比我一種高貴又不失法國傳統嘅感覺。一系列菜式帶有法式嘅精緻感，喺每一道菜色都增加辛辣味但味道一啲都唔辣，但將辣椒嘅香味和味道添加少少佢每一個菜式之一，可以做到平衡菜式之餘能令到每一個菜式都有少少驚喜和刺激！另外亦可以平衡身體以中式嘅概念去暖脾胃！
Bread with xo sauce butter
餐包已經夠吸引，用上XO醬，惹味香口，已經忍唔住食多一片！
Sweet Garlic Razor clams
平時食法國菜好少見到用到蟶子做材料，平時中式食法多數都係清蒸或者鹽焗。廚師就用矜貴嘅黑魚籽同埋三文魚籽做調味，已凍食嘅方法去保留鮮味，再加上花瓣同埋香草做裝飾，充滿意境！食落又充滿鮮味。
Crispy Langoustine Wonton
廚師介紹依款靈感來源中式小籠包，但係內餡唔係用豬肉，反而用左挪威小龍蝦做餡。雲吞經過油炸，食落好香脆又多肉汁。醬汁用左毛蟹加蟹膏醬、薑汁啫喱同埋醋，感覺好新穎。
Drunken Chicken Abalone
雞皮經過炙燒至金黃色微脆，但係雞胸肉卻又非常軟腍。唔講真係唔覺得似食緊雞胸，另外鮑魚微微焦香一片片薄切咬下有嚼勁又彈牙，講到醉雞就一定唔少得酒，用左紹興酒、加上富含骨髓嘅雞骨、各種中藥、同埋西蘭花蓉做追味，充滿香濃嘅酒味又唔會覺得太強烈。
Crispy Grouper
用左新鮮石班魚清蒸，配上底層充滿空氣感嘅薯仔蓉，再加上切成一粒粒中式臘腸、煙燻章魚、同埋甜辣椒。魚肉極之鮮嫩，而薯仔蓉好似空氣咁輕身，入口即溶。最後就食到花椒油嘅微辣，一道菜竟然食到由啖到濃咁多層味道，而且每一啖都有唔同嘅口感同特色，實在好有驚喜。
Cherry Chocolate Pebble
石碗上面放左球形黑朱古力，內層係鬆軟嘅栗子蓉海綿蛋糕，配上普洱雪糕和車厘子。朱古力濃郁又有茶香嘅回甘。
Cocktail-ChrYsanthemum
chrysanthemum vodka,
house blend chrysanthemum lea, honey, brown sugar, apple juice
飲落係好清新但好濃郁嘅菊花味,然後有微微嘅蜜糖同紅糖味，然後又有少少蘋果果香同甜味，一啲都唔甜，整體偏向茶味比較濃，都好少飲到菊花味咁濃郁嘅cocktail!非常特別！
張貼
