犇之食堂 (已結業)

《 深夜放毒之銅鑼灣犇犇犇犇犇犇犇之食堂》雖然話台灣菜對大家黎講已經唔陌生，但畢竟係香港開業都需要迎合香港人口味。今次介紹嘅台式餐廳，係我認為最接近台灣時食到嘅味道。🐷 師大香酥排骨滷肉飯 $82香酥排骨經烹調黎仍保留到裡面肉汁，外皮亦以蜜汁烤過入口帶有甜味。🍚 滷肉飯平平無奇嘅滷肉飯亦成為大驚喜！米飯選用珍珠米，飯粒飽滿而且充滿米香。滷肉亦非常入味充滿全濃厚嘅醬香氣味、肥瘦比例完美、瘦肉夠腍有咬口，肥肉油香亦點綴整個滷肉飯，令到除咗有醬油香味，仲有豬油味道，非常適合送飯。🧋 黑糖珍珠奶茶 （餐+$15）黑糖味十足，珍珠偏軟身。飲品夠大杯，食飽再飲都飲唔曬～