影片
更多
2022-10-17
44 瀏覽
《📍新沙洞澡堂食評 by@ihungry.hk》以韓式澡堂為主題嘅Café，您又去過未🤔？位於長沙灣嘅新沙洞澡堂係一間以韓國流行嘅澡堂去設計，內設多個超特別嘅打卡點📸，仲提供多款甜品及韓式美食等，就好似去咗韓國澡堂一樣，滿足晒想去韓國而又冇得去嘅朋友仔😍！🔸『炸韓國午餐肉條 - $58』Café選用韓國人氣午餐肉品牌SPAM，並將午餐肉切成條狀去炸得金黃香脆，炸粉嘅厚度都啱啱好，外酥內軟，而咸香午餐肉再配埋酸酸甜甜嘅醬汁，配啤酒一流🍻！🔸『雪花芝士炸雞 半份- $88』炸雞勁脆可口，香而不膩，充滿肉汁，炸粉嘅厚度都啱啱好；而炸雞上亦灑滿香濃雪花芝士粉，甜甜又不失濃郁芝士味🧀，但小編覺得芝士粉嘅份量有點少，如果可以再多少少就會更加好🤓！🔸『韓式拌飯 - $68』韓式拌飯整體上就比較普通，飯嘅質地比較軟冧，烹飪嘅時間過長！而拌飯上嘅蔬菜又不是十分新鮮，同市面上嘅韓式拌飯感覺大同小異👀！🔸『雪嶽山 - $58』中意打卡嘅您，雪嶽山絕對係必點之一！雪嶽山以雪山為主題🗻，藍藍嘅波子汽水配埋鮮奶，形成雪嶽山嘅顏色，打卡一流！而味道感覺就好似一杯好淡嘅白牛（即係雲呢拿雪糕＋雪碧），確實透心涼🆒，但係
以韓式澡堂為主題嘅Café，您又去過未🤔？位於長沙灣嘅新沙洞澡堂係一間以韓國流行嘅澡堂去設計，內設多個超特別嘅打卡點📸，仲提供多款甜品及韓式美食等，就好似去咗韓國澡堂一樣，滿足晒想去韓國而又冇得去嘅朋友仔😍！
🔸『炸韓國午餐肉條 - $58』
Café選用韓國人氣午餐肉品牌SPAM，並將午餐肉切成條狀去炸得金黃香脆，炸粉嘅厚度都啱啱好，外酥內軟，而咸香午餐肉再配埋酸酸甜甜嘅醬汁，配啤酒一流🍻！
🔸『雪花芝士炸雞 半份- $88』
炸雞勁脆可口，香而不膩，充滿肉汁，炸粉嘅厚度都啱啱好；而炸雞上亦灑滿香濃雪花芝士粉，甜甜又不失濃郁芝士味🧀，但小編覺得芝士粉嘅份量有點少，如果可以再多少少就會更加好🤓！
🔸『韓式拌飯 - $68』
韓式拌飯整體上就比較普通，飯嘅質地比較軟冧，烹飪嘅時間過長！而拌飯上嘅蔬菜又不是十分新鮮，同市面上嘅韓式拌飯感覺大同小異👀！
🔸『雪嶽山 - $58』
中意打卡嘅您，雪嶽山絕對係必點之一！雪嶽山以雪山為主題🗻，藍藍嘅波子汽水配埋鮮奶，形成雪嶽山嘅顏色，打卡一流！而味道感覺就好似一杯好淡嘅白牛（即係雲呢拿雪糕＋雪碧），確實透心涼🆒，但係味道真係太太太淡，要慢慢品嚐先知飲緊乜嘢！
🔸『Oreo味麻糬 - $58』
最令小編失望就係是次甜品！麻糬質地超級超級軟冧，完全無口感可言，加上麻糬溫度仲係暖暖地，入口係十分奇怪🤐！
💬誠實後記：雖然Café嘅裝潢及食物賣相都好特別，但食物質素就有少少普通，有進步空間💪！
🤪 iHungry肚餓指數：6.5/10分
張貼
