炯記餐室

營業中

休息中

之前去過深水埗嗰間，所以今次路過長沙灣就順便去食，估唔到呢間有啲新意喎！鴛鴦手撕雞撈麵因為上次食過撈麵好好食，所以今次再叫！佢個鴛鴦手撕雞份量都幾多，可以一次過食晒原味同埋麻辣味，唔錯！個撈麵好香，好彈牙，水準keep到。香茅雞扒米線上次嗰間就冇呢一款，我哋揀咗酸辣蕃茄湯，蕃茄味好濃郁，唔會太辣，我覺得辣都對我嚟講啱啱好。香茅雞扒煎得好香脆，但係啲雞肉唔會鞋，呢個有啲驚喜。我另外加咗個龍蝦湯，雖然唔算平，但我覺得都幾值！佢個龍蝦湯好杰好，超重龍蝦鮮甜味，勁好飲，鍾意龍蝦湯嘅朋友可以試吓。令我朋友叫咗杯梳打，我就鍾意老火湯，味道都唔錯，同埋呢間環境坐得再舒服啲，今次食得好滿足。