影片
更多
2017-11-26
277 瀏覽
元朗一直都係食高級日本料理既勝地，同市另外三間比較出名既都試過，今日試一試新開既鮨一心。一直都有follow鮨一心的facebook，他們每天都會貼上新鮮食材既誘人相片，令我垂涎三尺，今次終於可以一訪小店，同屋企人一齊試試佢地既午餐。午餐$120-$300，我地最後要左2個sushi omakase，1個魚生飯，1個鰻魚飯。點餐之後，師傅送上熱烘烘既茶碗蒸。之後有前菜海草莖，食落有少少似黑木耳。我自己就食壽司set，總共10件。第一件--愛女魚。魚肉呈半透明，新鮮肥美，師傅用左綠茶鹽調味，令到食落唔會太膩。第二件--昆布醃左口魚，食太快唔記得影相，個人比較喜歡火炙左口魚，所以覺得呢舊唔算太特別。赤貝，盡顯師傅刀工，賞心悅目既雕花，鮮甜爽口既赤貝，加埋起黎絕對係一大享受。甜蝦，蝦肉唔算特別甜美，但係都好新鮮。不得不提係上面既蝦粉，好多鋪頭都會用蝦醫，而師傅就落左用全身蝦殼打造既自家蝦粉，真係好香口，將味道昇華。鯖魚，第一次食咁肥美既鯖魚，師傅話冬天鯖魚當造。油份真係好足，平時食開都係落薑蓉，或者先用醋醃。今次無用任何調味，成功還原食材既風貌。赤鮭，火炙令魚鮮更突出，油脂更香，柚子胡椒配合
一直都有follow鮨一心的facebook，他們每天都會貼上新鮮食材既誘人相片，令我垂涎三尺，今次終於可以一訪小店，同屋企人一齊試試佢地既午餐。午餐$120-$300，我地最後要左2個sushi omakase，1個魚生飯，1個鰻魚飯。
4 瀏覽
0 讚好
0 留言
海草莖（前菜）
13 瀏覽
0 讚好
0 留言
我自己就食壽司set，總共10件。
愛女魚
13 瀏覽
1 讚好
0 留言
第二件--昆布醃左口魚，食太快唔記得影相，個人比較喜歡火炙左口魚，所以覺得呢舊唔算太特別。
赤貝
3 瀏覽
0 讚好
0 留言
甜蝦
3 瀏覽
0 讚好
0 留言
鯖魚
4 瀏覽
0 讚好
0 留言
赤鮭(柚子胡椒)
6 瀏覽
0 讚好
0 留言
4 瀏覽
0 讚好
0 留言
三文魚子(柚子皮)
2 瀏覽
0 讚好
0 留言
三文魚子，晶瑩剔透，飽滿到好似就爆咁。留意到師傅落左d綠色粉末，原來係柚子皮，清新得黎又可以辟腥，但坦白講呢個三文魚子一d都唔腥，甜得很。
赤海膽
0 瀏覽
0 讚好
0 留言
赤海膽。秋夏都係食馬糞多，今日食既係冬日之選赤海膽。海膽一直都係我至愛，赤海膽呈現淡淡金黃，濃厚肥美，絕對係大滿足！
岡山水蜜桃雪芭
2 瀏覽
0 讚好
0 留言
甜品令人喜出望外既岡山水蜜桃雪糕，自家製，必食！
雜錦魚生飯
13 瀏覽
0 讚好
0 留言
最後附上家父食既魚生飯。
總結：食高級日本料理，唔單止係味覺既同視覺既享受，我更加注重既係師傅同客人既交流，而鮨一心比我既感覺係：「一心一意將最好既食材獻比客人」。
仁師傅做壽司比較淡味，係較江戶前既做法，少用豉油亦可以睇得出小店對食材既信心。師傅好親切咁介紹每一道菜之外，亦都會同我地閒話家常，令我感受最深既係佢話呢間小店真係唔係為左賺錢，希望用心經營等客人可以有難忘既一餐。其實之前訂位既時候已經感覺到，店員無特別規定我地要幾點到，有別於其他壽司店要趕住做兩轉，呢一樣貼心既安排可以睇得出鮨一心更加注重客人而唔係生意，希望佢地可以堅持住唔好商業化，用心做好每一件壽司。佢又話老闆係日本人，會同細既日本酒廠守望相助，所以店內放左好多少見既特色日本酒，價格相宜，叫我地有機會一定要試下！
除左食材既鮮味，我今日仲品嘗到人情味。所以我決定儲一儲錢，就會再黎呢間低調小店試下佢地既晚餐，相信一樣唔會令我失望。
張貼
