影片
更多
2022-08-10
24 瀏覽
今次跟住朋友去食好嘢😆，環境好舒服，一路食一路吹水好鬼正。呢個鐵板燒用咗時令嘅食材去整（$1️⃣6️⃣8️⃣0️⃣），啲海鮮超級新鮮，食到勁飽，依家諗返起都好想食🫠。呢款果凍用咗蟹肉同埋海膽🤤，係咪覺得好正呢。呢個明太子煮蜆個湯幾清甜，加埋明太子一齊煮，帶有少少咸香，辣辣地咁。✅鐵板燒蟶子王大大隻，燒到啱啱好，師傅手勢好好👍，完全唔會過韌，仲係好夠肉汁，輕輕調味已經帶到食材嘅鮮味🥹，好好食呀。✅鐵板燒斑馬瀨尿蝦其實我係第一次食咁大隻嘅瀨尿蝦😆，淨係睇師傅搣蝦殼已經覺得好正，就咁睇都勁多蝦膏！食落口蝦肉好彈牙好鮮甜，又係一道好考師傅功力既菜式。✅鯛魚濃湯其實我唔係好鍾意飲魚湯因為我覺得好腥，但呢個只係得鮮味👻，係忍唔住想一飲再飲。因為佢用咗好多條魚去熬，熬到個湯底呈現奶白色，趁熱飲不得了。✅櫻花蝦炒飯睇到師傅炒飯都覺得好療癒，飯粒粒分明，好香口。睇住啲蛋液包住啲飯，粒粒飯都沾滿蛋漿，我覺得配湯飲最夾。師傅仲用白松露醬炒咗碟菜，好清新仲啖啖松露香。✅香蕉天婦羅配紅豆雪糕其實一開始我唔睇好呢個甜品😂，因為我覺得兩樣嘢好似大欖扯唔埋，但食落去又係另一回事。天婦羅既外皮好香脆，配紅豆雪糕原來幾夾！而且啲香蕉已經
呢個鐵板燒用咗時令嘅食材去整（$1️⃣6️⃣8️⃣0️⃣），啲海鮮超級新鮮，食到勁飽，依家諗返起都好想食🫠。
呢款果凍用咗蟹肉同埋海膽🤤，係咪覺得好正呢。
呢個明太子煮蜆個湯幾清甜，加埋明太子一齊煮，帶有少少咸香，辣辣地咁。
✅鐵板燒蟶子王
大大隻，燒到啱啱好，師傅手勢好好👍，完全唔會過韌，仲係好夠肉汁，輕輕調味已經帶到食材嘅鮮味🥹，好好食呀。
✅鐵板燒斑馬瀨尿蝦
其實我係第一次食咁大隻嘅瀨尿蝦😆，淨係睇師傅搣蝦殼已經覺得好正，就咁睇都勁多蝦膏！食落口蝦肉好彈牙好鮮甜，又係一道好考師傅功力既菜式。
✅鯛魚濃湯
其實我唔係好鍾意飲魚湯因為我覺得好腥，但呢個只係得鮮味👻，係忍唔住想一飲再飲。因為佢用咗好多條魚去熬，熬到個湯底呈現奶白色，趁熱飲不得了。
✅櫻花蝦炒飯
睇到師傅炒飯都覺得好療癒，飯粒粒分明，好香口。睇住啲蛋液包住啲飯，粒粒飯都沾滿蛋漿，我覺得配湯飲最夾。
師傅仲用白松露醬炒咗碟菜，好清新仲啖啖松露香。
✅香蕉天婦羅配紅豆雪糕
其實一開始我唔睇好呢個甜品😂，因為我覺得兩樣嘢好似大欖扯唔埋，但食落去又係另一回事。天婦羅既外皮好香脆，配紅豆雪糕原來幾夾！而且啲香蕉已經係熱到溶咗，同紅豆雪糕係一冷一熱，一齊食口感好豐富。
其他嘢其實我覺得都唔錯嘅，不過呢幾樣我覺得就更加正😆。當日成個用餐體驗都好好，服務幾貼心，鐵板燒嘅師傅好健談，好吹得🤣，除咗會講解每道菜之外，仲教咗我哋煲湯🍲，好有趣！
張貼
