影片
更多
2018-12-17
110 瀏覽
日本的餐廳就好興立食，在日本旅行時都試過立食拉麵🍜和便當，不過香港好似比較少有立食嘅餐廳，上星期我就同朋友去旺角試咗間立食燒肉店。呢間立式燒肉店聽講係鼎爺個仔開嘅，以燒和牛為主打，售賣和牛不同嘅部位，會逐片和牛收費，價錢由10幾蚊到20幾蚊一片，感覺都幾高級同埋奢華。佢嘅和牛由日本空運到香港，務求讓客人食到最新鮮嘅和牛，而且不同嘅部位都會清楚指示燒烤的時間，可以真正食到該部位的原汁原味。我同朋友都係第一次喺香港食立食嘅和牛，於是我就我哋就每樣部位都揀一，兩片嚟試吓，另外揀咗個套餐同埋一啲其他嘅串燒😝店員好快幫我地開左烤爐之後，我哋點好餐，一碟碟牛肉好快送到😍感覺真係幾矜貴，每款牛旁邊都會有一塊塊好似令牌咁嘅木牌，等你知道自己食緊乜嘢。我哋先試不同嘅腹肉，我哋真係好似品嚐家咁逐片去試吓佢有啲乜嘢唔同，原來前胸，後胸，上胸，中胸，後胸嘅腹肉真係有唔同嘅口感同埋味道，上胸中胸肉味蛟濃，而我個人比較喜歡前後胸腹肉，脂肪較多，入口即溶😍但其他嘅胸腹肉一樣係咁香。跟住我哋再試和牛的其他部位好似前胸，後腿，三角肋肉，肩胛和牛舌等等，真係好神奇，每一部分都有佢唔同嘅油脂分布同牛味，加上每一篇都有唔同燒
日本的餐廳就好興立食，在日本旅行時都試過立食拉麵🍜和便當，不過香港好似比較少有立食嘅餐廳，上星期我就同朋友去旺角試咗間立食燒肉店。
呢間立式燒肉店聽講係鼎爺個仔開嘅，以燒和牛為主打，售賣和牛不同嘅部位，會逐片和牛收費，價錢由10幾蚊到20幾蚊一片，感覺都幾高級同埋奢華。
佢嘅和牛由日本空運到香港，務求讓客人食到最新鮮嘅和牛，而且不同嘅部位都會清楚指示燒烤的時間，可以真正食到該部位的原汁原味。
我同朋友都係第一次喺香港食立食嘅和牛，於是我就我哋就每樣部位都揀一，兩片嚟試吓，另外揀咗個套餐同埋一啲其他嘅串燒😝
店員好快幫我地開左烤爐之後，我哋點好餐，一碟碟牛肉好快送到😍感覺真係幾矜貴，每款牛旁邊都會有一塊塊好似令牌咁嘅木牌，等你知道自己食緊乜嘢。
我哋先試不同嘅腹肉，我哋真係好似品嚐家咁逐片去試吓佢有啲乜嘢唔同，原來前胸，後胸，上胸，中胸，後胸嘅腹肉真係有唔同嘅口感同埋味道，上胸中胸肉味蛟濃，而我個人比較喜歡前後胸腹肉，脂肪較多，入口即溶😍但其他嘅胸腹肉一樣係咁香。
4 瀏覽
0 讚好
0 留言
跟住我哋再試和牛的其他部位好似前胸，後腿，三角肋肉，肩胛和牛舌等等，真係好神奇，每一部分都有佢唔同嘅油脂分布同牛味，加上每一篇都有唔同燒烤嘅秒數，好似後腿和三角肋肉係比較有咬口，不過比較厚身，所以要燒多幾秒，肩胛就軟綿綿入口即化，牛舌就有好濃嘅牛味，偏向蘇一點， 薄薄一片佢建議燒5至8秒就ok, 而且口感比較彈牙，口感似象拔蚌多過似牛肉幾特別。而且佢每一肉本身都已經醃咗少少味，所以唔使點佢嘅醬已經好好食😍當然點佢嘅醬又別有一番風味😄
最正莫過於A5西冷同埋肉眼和牛，最正當然價錢係最貴啦，一片西冷和肉眼A5和牛都要$38, 我哋每樣點左一片試吓就夠了😂兩個人分來食，少食多滋味呀嘛！
A5肉眼
9 瀏覽
0 讚好
0 留言
A五級數嘅和牛真係零舍唔同，兩款都係入口即溶，因為要食佢嘅原味，所以事先係冇醃製，亦都係每面輕燒5至10秒小小熟就放入口，點小小佢嘅醬，已經好好味呀！果然A5肉眼和西冷油脂分布係最平均，牛味最濃😍
如果逐片牛肉去點覺得有啲小貴的話，佢仲有套餐，我哋另外點左一個風味和牛定食（$98），入面已經包左兩片胸腹肉，一片肩胛同埋一片A4肉眼，仲有湯，飯同埋沙律添！
風味和牛定食
$98
18 瀏覽
0 讚好
0 留言
我哋還點左其他嘅蔬菜同埋雞肉串等等，當然我哋顧住食靚和牛已經將佢哋冷落左一輪，不過食完和牛之後再食佢哋都係唔錯嘅選擇😝😝
今次嘅立食和牛初體驗都幾特別，重點係佢啲頂級和牛堅正，真係人一世物一世乜都要試吓😋😋———————————————————
店名：阿久根和牛立燒店
環境🏝：7/10
服務💁🏼♀️：7/10
價錢💰：6/10
食物質素🍝：8/10
整體🙆🏻♂️：7/10
地址:
旺角白布街2-24號藝興大廈8號舖
張貼
