影片
更多
2023-05-11
38 瀏覽
《銅鑼灣新開席前鐵板燒》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧朋友最近想食鐵板燒，帶左佢去呢間新開無耐 @honmei.teppanyaki 鐵板燒食晩餐，地方非常闊落，都有成十幾個位分開兩邊，裝修型格得來有貴氣，而且食鐵板燒，環境一定要夠乾淨，唔可以有太大油煙！晚市套餐有兩個價位，＄588同$788。見兩個set價錢都相差唔遠，就揀個貴啲嘅！以銅鑼灣來講，呢間鐵板燒性價比真系好高。呢到環境闊落，有多個鐵板燒位，我地當日係假期去都坐滿人，唔想摸門釘記得提早訂座！前菜當日既前菜系蘆薈柚子醋沙律 同醋鯖魚。沙律爽口新鮮 柚子醋酸味味，配合埋甜甜嘅蘆薈，好開胃醋鯖魚都係用咗柚子去調鮮，鯖魚一點也不腥，既有濃郁獨特的魚味，口感又軟嫩，加埋柚子的清香，味道頗為討好。焦糖蘋果鵝肝一片青蘋果上面有一層用火槍燒焦左嘅焦糖，再加上厚厚嘅鵝肝，鵝肝嘅外層煎到非常之香脆，配合埋甜醋汁，小桔橘同藍莓粒。一咬落去，有非常豐富嘅口感，油脂喺口入邊爆發出嚟，算係我數一數二食過最好食嘅鵝肝！南非鮑魚成個手掌咁大隻嘅南非鮑魚，煮之前仲非常新鮮，識得郁㗎！師傅將佢香煎切片，平時整鮑魚，最怕整到肉質好韌，但係呢
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
朋友最近想食鐵板燒，帶左佢去呢間新開無耐 @honmei.teppanyaki 鐵板燒食晩餐，地方非常闊落，都有成十幾個位分開兩邊，裝修型格得來有貴氣，而且食鐵板燒，環境一定要夠乾淨，唔可以有太大油煙！
晚市套餐有兩個價位，＄588同$788。見兩個set價錢都相差唔遠，就揀個貴啲嘅！以銅鑼灣來講，呢間鐵板燒性價比真系好高。
呢到環境闊落，有多個鐵板燒位，我地當日係假期去都坐滿人，唔想摸門釘記得提早訂座！
前菜
當日既前菜系蘆薈柚子醋沙律 同醋鯖魚。
沙律爽口新鮮 柚子醋酸味味，配合埋甜甜嘅蘆薈，好開胃
醋鯖魚
都係用咗柚子去調鮮，鯖魚一點也不腥，既有濃郁獨特的魚味，口感又軟嫩，加埋柚子的清香，味道頗為討好。
焦糖蘋果鵝肝
一片青蘋果上面有一層用火槍燒焦左嘅焦糖，再加上厚厚嘅鵝肝，鵝肝嘅外層煎到非常之香脆，配合埋甜醋汁，小桔橘同藍莓粒。一咬落去，有非常豐富嘅口感，油脂喺口入邊爆發出嚟，算係我數一數二食過最好食嘅鵝肝！
南非鮑魚
成個手掌咁大隻嘅南非鮑魚，煮之前仲非常新鮮，識得郁㗎！師傅將佢香煎切片，平時整鮑魚，最怕整到肉質好韌，但係呢個鮑魚非常之鮮嫩，唔使點任何醬汁都已經帶出到鮑魚嘅香氣。
銀鱈魚
賣相非常之靚，師傅特登將銀鱈魚嘅魚皮同埋魚肉分開處理，魚皮煎到非常之香脆，二魚肉又保持到鮮嫩多汁。只係落咗少許鹽調味就帶出咗魚嘅味道。
牛舌心
牛舌蕊是脷尖後的大半截，近脷根的1/3左右，係牛舌中最軟腍最軟滑嘅位置！有濃郁的牛味，越嚼越香。又係加上少少鹽，味道更有層次，比起一般吃到的牛舌更有口感。
日本和牛薄燒
和牛脂香四溢，入口即化，捲住蔥花、洋蔥同炸蒜片，口感更豐富。
鹿兒島和牛
食靚和牛，梗係唔使食太熟，我哋要咗五成熟，切開嚟鮮嫩多汁，外面微焦，入邊仲係淡淡嘅粉紅色，入口即溶，油脂豐富，牛味充足，可以點埋辣醬/燒肉汁/粉紅色岩鹽來配搭。
炒飯
白飯加入各項配料，雞蛋，牛肉粒，米飯軟硬適中，粒粒分明，份量都好大，所以男仔都一定食得飽！
吸物
奶白色嘅魚湯，濃滑厚實，沒有絲毫腥味，營養價值極高，味道又鮮美，
炒野菜
食咗咁多海鮮同埋肉類，當然唔少得要食啲菜。
甜品
焦糖多士，雪糕有兩款選擇柚子味同埋紅豆味。
其實晚市一共兩個套餐一個$788就係上面食嘅嘢，另外一個就$588，唔同之處呢就有帆立貝，大蝦，甘鯛，薩摩赤雞，黑豚薄餅燒！
如果唔想錯過其他好介紹，記得follow我呀😘
多謝大家！！！
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
本命 (銅鑼灣)
銅鑼灣邊寧頓街13號2樓
୨୧┈┈┈┈┈┈┈┈┈┈┈┈┈┈┈┈┈┈┈┈୨୧
張貼
