The Cup (已結業)

韓風襲港，韓國嘢食越開越多，今日同朋友兩丁友嚟到哩間韓食the cup試一試。餐廳裝潢簡潔，入座後員工推介咗韓牛炒粉絲同炸雞排飯，於是冇主見嘅我哋當然照跟哈哈。除咗粉絲同飯，口痕嘅我哋都叫多咗個紫菜卷。韓牛炒粉絲嘅特別之處就係加上咗一撮魚子作點綴，雖然對整個粉絲冇咩影響，但都值得欣賞。美中不足係牛肉炒得有啲過老，唔係幾好咬...到紫菜卷，實在令我哋大失所望。哩碟原味紫菜卷價錢都成八十幾九十，係全素冇肉，都唔緊要，但味道真係十分平庸...好似食緊普通飯加菜，平心而論，浪費金錢。而炸雞排飯味道就尚算中上，雖然炸雞排冇咩特別，但淋在雞排上的蛋黃醬加wasabi醬為哩個飯增添咗趣味。韓國餐廳入面，the cup味道唔算太好，但員工服務係唔錯，不過對我而言，就真係冇下次。