The Cup (已結業)

中午套餐豐富👍🏻蜜糖炸雞夠脆🍗無左學生優惠👩🏻‍💻星期二中午十二點半，我地七個人黎到就坐中間張大檯。本身諗住吃學生餐，$5x有主菜、前菜同飲品，點知宜家轉左餐牌，剩翻午食套餐定價$68。雖然都係唔加一，但貴左啲。✏️我的食單✅蜜糖雞肉飯（配 溫泉蛋沙律、熱茶） $68✅蜜糖雞肉飯 $68：炸雞皮薄夠脆，肉質夠嫩！蜜糖汁好夾！飯質唔錯，粒粒分明，帶黃色但吃唔出加左啲咩。🏠整潔白綠色👳🏻‍♀️職員幾親切。水係自助飲，檯面有鐵樽同杯。

依間韓式餐廳稱之為The Cup，係因為佢好多時都用個紙盒仔裝食物但唔係樣樣嘢都係咁裝既今次第一次食佢個lunch set，主要係因為行經過見佢賣68蚊，食韓式嘢黎講唔算貴點好餐後冇耐就送上前菜，我專登等埋煮食先一次過影相個lunch set 係包前菜、主食同埋飲品。前菜就係溫泉蛋沙律同埋泡菜，其實有點奇特因為我未見過溫泉蛋會就咁同埋菜一齊食，個味道還可以嘅，至於個泡菜比起出面食開嘅差少少，唔夠正宗，偏乾。飲品主要係韓式汽水或者可口可樂主食我揀咗烤牛肉炒烏冬依個汁味帶點甜，牛肉份量適中，而烏冬夠彈牙，啱啱炒好熱辣辣，整體而言係幾好食既成個餐賣68蚊，唔洗加一，以今時今日食韓國餐黎講算平了，當然亦要考慮到佢可能港式口味化咗啦，但整體性價比係OK嘅

一開張嘅時候仲係好好食架但係呢慢慢啲味道變差左啦，跟住開始啲飯同啲壽司卷嘅飯係相同一嚿嚿好難食。啲飯完全冇味同職員講叫佢換過佢話呢個飯本身都係咁個個都會係咁冇乜大不了。 當時我都表示好無奈不過職員嘅服務態度都幾好都好好態度。但如果講到食物方面我建議大家食有一個Kabana味嘅年糕嗰個真係幾好食每次我去食我都一定會叫這一個餸素質都冇變都係咁好食如果大家下次想去吃建議大家可以試吓一個一口咬嘅炸餃子，夏天的時候有特色飲品其中有個飲品係藍色嘅幾好味！

平時唔多食韓國野 唯獨鍾情於此即叫即整 50-60蚊包哂前菜主菜飲品焗飯燴飯炒烏冬...... 賣相吸引 味道偏濃但惹味 食物以一個個盒（cup) 既大小承載 好適合胃口不大既朋友享用💓😝😝

無論食咩都好，同屋企人撐枱腳總是開心的。當然，食到好野就最好啦。媽媽話想試The Cup呢間韓國餐廳，難得媽媽開到聲，我地梗係異口同聲贊成架啦。我地點了4款食物，味道稱不上好好，但可以接受，最緊要係同邊個一齊食飯！蜜糖雞肉飯 ($52): 味道甜甜的，雞肉有點像麥樂雞的味道，不太合個人口味😅芝士魷魚鐵板套餐 （$78）: 呢個有點辣，不過味道都唔算差，不過不失。海鮮炒年糕 （$62）: 只有辣味，而且無咩配料，食落一般。飛魚籽紫菜飯卷 ($52)： 普通一個紫菜飯卷，平道較淡。4樣野食埋單大陸$250，味道就一般，不過不失甘啦。

自從由新開張到而家基本上每年都會食一次！每次必叫蜜糖雞飯！由第一次食便愛上呢個味道！外脆內軟既雞塊配甜甜既醬！食完第一次一試難忘！今年再食感覺上卻有點失準, 黃飯淡而無味....整體沒有"wow係呢個味道啦!" 既感覺相反抱著一試既磨菇辣忌廉意粉最有驚喜！忌廉汁好滑但唔太漏，辣辣地味道會令你一口接一口咁食！入口三秒辣味先會湧出黎,平時唔食辣既我都接受到

今晩去了黃埔陪朋友吃晚飯，想吃韓國野，但又唔想韓燒，經過呢間野，入去試下。點左牛肉飯同蜜糖雞飯。同名一樣，上飯係用一個好像紙杯的高盒。飯很特別，夠軟熟，粒粒分明。牛肉飯的汁甜，牛肉份量亦算可以，算是抵吃。蜜糖雞，汁甜不過個人不是很喜歡，雞肉一般。

這天來到午餐時間，筆者與寶寶2個在紅磡覓食，來到這間韓食，被開揚的佈局及橘子飯吸引而走進了。店子沒有BB凳，但店員細心地為我們安排到卡座。橘子飯不像油飯般有味道，而是更像普通白飯，咀嚼久了會有橘子味，但還是很淡味，配合濃味的烤牛肉就剛剛好。海帶湯的海帶煮至嫩，入口即溶，小孩也能安心吃。醬菜酸味味很配胃又爽脆，一流的飯前小食，而且是筆者吃過算得上好吃的漬菜。小食拼盤一次過滿足了筆者想吃飯卷、炸雞與薯條的願望。韓式炒麵微辣，飯卷清新，炸雞沾點柚子果醬，會被果醬搶了味兒，炸雞粉糰做得不算理想，但味道尚可。薯條熱辣辣，外脆內軟，筆者BB也吃了很多。藍莓特飲原來是梳打配果汁調配成的，味道不錯，比較特別，但沒有藍莓的酸味。親子小貼士：如要適合較小寶寶喝飲料，店子另有柚子蜜及罐裝芒果汁可點。店內多數食品味濃，飯卷會是一個清淡又適合孩子吃的好選擇。注意有些飯券會加沙律醬，如有需要可要求走醬。

開左咁耐一直都未去試，終於同朋友一齊去食左了，韓國野黎講水準算係咁，不過份量真係少左d ，所以算略貴，唔能夠成為平日無飯一族的好去處😥蘑菇烤牛肉飯：個汁好好味，牛肉不會太硬芝士雞肉飯：雞肉嫩，芝士可以拉絲，不過太辣，破壞左個飯😢試左一次就算，唔食亦無咩損失😂

同事午飯成日都想試新野，尤其是而家黃埔咁多嘢食，因為得壹個鐘頭lunch time，我哋通常都係飛奔過去食完再飛返返公司。The cup 第一次食裝修簡約。同埋午餐都好抵大約都係$70至＄80。小食係紫菜卷，是是但但可以接受。燒牛肉烏冬，完全食唔出 Korean style. 係我錯我唔應該叫冇特別嘅烏冬。跟住補飛嗌多個年糕，你個就似樣啦！無論賣相定味道都OK，辣辣地甜甜地⋯⋯好似大約＄70。加錢跟餐仲可以叫梳打。臨走見到 set dinner 都好抵食，下次加班可以過嚟啦！

今日考完測驗，順便幫同學做生日。我地叫左個牛湯餃子，牛骨味唔太重，係飲到最後先有一陣牛骨味湧來，不過只係一陣，然後餃子係交貨嘅質素，沒太特出。然後就黎左個加$7泡菜，好難食，好似食緊生菜咁又有啲怪味，食唔慣鮮泡菜，本人喜愛食醃泡菜多啲，食了一啖就放棄了。雞翼好好味，即炸再擠醬，嘩好juicy,而已好熱，啲醬又甜甜地，蜜糖芥末醬好食！沙拉係廚師推介，得啲菇食得，其他都好難食。最後食晒菇同車里茄。加左柚子茶汁，不過落得太多了，太甜，食到底都放棄了😭下次要試拌飯😆

呢間韓國菜已經開左一段時間，食物比較新派呢碟蜜糖雞炸雞飯好正！炸雞熱辣辣，不過佢唔係加蜜糖，而係蜜糖芥末醬，略嫌乾身左d，不過都已經好好食！牛肉炒粉絲就冇咩粉絲，反而好多雜菜，唔夠喉餃子湯就係清清地既選擇

之前食過一次呢嘅飯，覺得還可以。今日經過，所以lunch 就黎試下其他未食過嘅野。軟豆腐海鮮燴：$55 呢個唔推介☹️睇圖menu 張圖都好似幾吸引，個湯係跟飯，個飯唔係白飯，應該係炒飯黎嘅。個湯係敗筆，湯既配料有：豆腐、洋蔥、青口、魷魚，但量就唔多，海鮮得幾舊細細嘅。仲有個湯都幾喊下，佢仲加左芝麻、麻油，有d似食公仔面麻油味個湯咁🤔所以個湯我都冇飲晒，食完即刻飲番兩杯水🙄🙄呢間野既野食都幾濃味下，上次食個芝士魷魚飯食完都係要飲番幾杯水。份量方面，望落細細碗，但係係夠飽既。不過我諗應該都唔會再試呢間，因為試左兩次d野都係太喊太濃味，唔係幾岩我☹️☹️

韓風襲港，韓國嘢食越開越多，今日同朋友兩丁友嚟到哩間韓食the cup試一試。餐廳裝潢簡潔，入座後員工推介咗韓牛炒粉絲同炸雞排飯，於是冇主見嘅我哋當然照跟哈哈。除咗粉絲同飯，口痕嘅我哋都叫多咗個紫菜卷。韓牛炒粉絲嘅特別之處就係加上咗一撮魚子作點綴，雖然對整個粉絲冇咩影響，但都值得欣賞。美中不足係牛肉炒得有啲過老，唔係幾好咬...到紫菜卷，實在令我哋大失所望。哩碟原味紫菜卷價錢都成八十幾九十，係全素冇肉，都唔緊要，但味道真係十分平庸...好似食緊普通飯加菜，平心而論，浪費金錢。而炸雞排飯味道就尚算中上，雖然炸雞排冇咩特別，但淋在雞排上的蛋黃醬加wasabi醬為哩個飯增添咗趣味。韓國餐廳入面，the cup味道唔算太好，但員工服務係唔錯，不過對我而言，就真係冇下次。

呢間韓國餐廳裝飾以及用的餐具都引人注意，所以膽粗粗試下。叫左一個雞肉撈飯同一個gimbap，兩樣同其他韓國店的都有所分別。個雞肉好得意，可以話係雞粒黎，加上特制的醬汁，酸酸甜甜，比起傳統的咸味雞肉飯更有新鮮感；另外韓式紫菜卷也不錯，米飯加了特制的料，所以飯看上去是黃色的，帶點甜味，口能幾特別。