影片
更多
2018-04-23
346 瀏覽
早前響V city對面開咗一間幾有特色的拉麵店，作為屯門人驚我梗係開心啦！想去幫襯好耐，上星期終於有機會去食。佢嘅店鋪位置唔算好旺，但係佢嘅鋪面和招牌絕對吸引到你嘅眼球，用上好有日本風的木熨門，大大個招牌用燈膽圍著，好似化妝間入面嘅化妝枱咁，中間大大隻字寫住「龍拉麵」好醒目，即使離勁遠都可以望到！一進門店員就非常熱情招待我坐低，又會指示我嘅野可以放在枱下的小籃子，服務態度不錯。👍坐下仲有青瓜檸檬水自助飲，幾淸新😃 講返佢嘅拉麵只有三款，分別係白龍（豚骨濃湯）$68，黑龍（櫻花蝦黑松露醬）$78，同埋赤龍（擔擔面湯底）$78三款，第一次去我決定先試佢最基本嘅白龍。白龍配有一塊超厚叉燒，一隻糖心蛋同埋一啲雲耳，塊厚燒叉燒係重點，佢係將豚肉卷成好厚嘅肉卷再燒再切片，食落去格肥格瘦軟硬適中，大大塊好滿足，而且厚身得來咬落去都仲好juicy, 唔似得坊間一啲叉燒拉麵塊叉燒紙咁薄。佢個湯唔算好濃，個味道唔錯，清清地，飲得出係冇味精，因為我食晒成碗拉麵之後湯飲埋都唔覺得口渴。隻糖心蛋都夠流心，不過唔係好夠入味。拉麵方面係比較幼身，可惜冇粗幼度及軟硬度比客人揀，因我自己喜好適中偏軟身的麵條。雖我個人嘅
早前響V city對面開咗一間幾有特色的拉麵店，作為屯門人驚我梗係開心啦！想去幫襯好耐，上星期終於有機會去食。
佢嘅店鋪位置唔算好旺，但係佢嘅鋪面和招牌絕對吸引到你嘅眼球，用上好有日本風的木熨門，大大個招牌用燈膽圍著，好似化妝間入面嘅化妝枱咁，中間大大隻字寫住「龍拉麵」好醒目，即使離勁遠都可以望到！
一進門店員就非常熱情招待我坐低，又會指示我嘅野可以放在枱下的小籃子，服務態度不錯。👍坐下仲有青瓜檸檬水自助飲，幾淸新😃 講返佢嘅拉麵只有三款，分別係白龍（豚骨濃湯）$68，黑龍（櫻花蝦黑松露醬）$78，同埋赤龍（擔擔面湯底）$78三款，第一次去我決定先試佢最基本嘅白龍。
白龍配有一塊超厚叉燒，一隻糖心蛋同埋一啲雲耳，塊厚燒叉燒係重點，佢係將豚肉卷成好厚嘅肉卷再燒再切片，食落去格肥格瘦軟硬適中，大大塊好滿足，而且厚身得來咬落去都仲好juicy, 唔似得坊間一啲叉燒拉麵塊叉燒紙咁薄。佢個湯唔算好濃，個味道唔錯，清清地，飲得出係冇味精，因為我食晒成碗拉麵之後湯飲埋都唔覺得口渴。隻糖心蛋都夠流心，不過唔係好夠入味。拉麵方面係比較幼身，可惜冇粗幼度及軟硬度比客人揀，因我自己喜好適中偏軟身的麵條。
白龍（豚骨濃湯拉麵）
$68
59 瀏覽
0 讚好
0 留言
雖我個人嘅口味比較喜歡濃啲的湯同重口味，但整體來講整碗拉麵都算唔錯，食得出佢嘅誠意，價錢都算實惠，會有下一次光顧👍😋下次有興趣試佢嘅黑龍（櫻花蝦黑松露醬湯）。
環境：7/10
服務：8/10
價錢：7/10
食物質素： 7.5/10
整體：7.5/10
張貼
