影片
更多
2022-05-28
403 瀏覽
《沖個涼打個卡🫧》——————————————-#新沙洞澡堂 🛁- 呢間位於長沙灣嘅人氣打卡店一直都好想去，早排經過唔算好長龍就入去食啦☺️ 餐廳以韓式澡堂為主題，門口就有個迷你浴池打卡位🛀 超有特色，內邊仲有一幅燒酒牆好啱影相🍾小店係pet pet friendly，見到都有唔少主人帶埋寵物嚟影相嘆下🦮-🙌🏻 二人餐先有前菜嘅韓國人氣麻藥雞蛋，係兩隻好靚嘅溏心蛋，帶點微辣，呢個冷盤夏天食一流☀️再嚟係新沙洞招牌炸物拼盤，雖然餐牌上面就話係細份，但其實一啲都唔細，裡面有餃子、串燒腸仔年糕、炸蕃薯、炸紫菜粉絲同炸芝士，款款都咁吸引，相當豐富😚-嚟到主菜就係韓式豬肉部隊鍋鍋料，超級足料，有豬肉片、午餐肉、芝士腸、年糕、金菇，啱哂食肉獸，仲有大量芝士，原爐咁樣上，睇住佢滾起再溶埋啲芝士嘅樣夠哂邪惡😈佢仲會連埋辛辣麵包辣粉同隻生雞蛋，可以按自己嘅喜好落，更有韓式風味🇰🇷-跟餐會可以嗌兩杯野飲，我地就升級咗做特飲🍹呢杯雪獄山賣相十分吸睛，海藍色嘅梳打上面有層淡淡嘅cream，仲有少少粉紅糖做點綴，飲落有陣陣波子汽水嘅味道🗻而新沙洞槍手其實係薑味梳打，味道清新，夠哂refreshing🧡-小食方面，我
——————————————-
#新沙洞澡堂 🛁
-
呢間位於長沙灣嘅人氣打卡店一直都好想去，早排經過唔算好長龍就入去食啦☺️ 餐廳以韓式澡堂為主題，門口就有個迷你浴池打卡位🛀 超有特色，內邊仲有一幅燒酒牆好啱影相🍾小店係pet pet friendly，見到都有唔少主人帶埋寵物嚟影相嘆下🦮
-
🙌🏻 二人餐
先有前菜嘅韓國人氣麻藥雞蛋，係兩隻好靚嘅溏心蛋，帶點微辣，呢個冷盤夏天食一流☀️再嚟係新沙洞招牌炸物拼盤，雖然餐牌上面就話係細份，但其實一啲都唔細，裡面有餃子、串燒腸仔年糕、炸蕃薯、炸紫菜粉絲同炸芝士，款款都咁吸引，相當豐富😚
-
嚟到主菜就係韓式豬肉部隊鍋鍋料，超級足料，有豬肉片、午餐肉、芝士腸、年糕、金菇，啱哂食肉獸，仲有大量芝士，原爐咁樣上，睇住佢滾起再溶埋啲芝士嘅樣夠哂邪惡😈佢仲會連埋辛辣麵包辣粉同隻生雞蛋，可以按自己嘅喜好落，更有韓式風味🇰🇷
-
跟餐會可以嗌兩杯野飲，我地就升級咗做特飲🍹呢杯雪獄山賣相十分吸睛，海藍色嘅梳打上面有層淡淡嘅cream，仲有少少粉紅糖做點綴，飲落有陣陣波子汽水嘅味道🗻而新沙洞槍手其實係薑味梳打，味道清新，夠哂refreshing🧡
-
小食方面，我地叫咗半份雪花芝士炸雞，份量超多，外層好香脆，雪花芝士粉嘅味道好香，雞肉亦好嫩滑，充滿肉汁🐣另一款嘅炸韓國午餐肉條都好特別，用咗原裝午餐肉罐裝住一條條嘅炸肉條，炸粉都好薄身，充滿鹹香味，十分香口惹味🤤
-
最後到甜品就揀咗兩款唔同口味嘅Croffle，作為窩夫同牛角包嘅合體，蛋香味濃，食落外皮酥脆，內裡充滿牛油香🧇🥐 Tiramisu 好濃郁，中間夾住一塊好淋既手指餅，略帶點酒香🥰而宇治抹茶紅豆亦好有驚喜，抹茶cream厚身幼滑，口感一流🍵
-
⭐ 參考價錢︰（另收加一）
二人餐：$468
雪花芝士炸雞半份：$88
炸韓國午餐肉條：$58
提拉米蘇Croffle：$58
宇治抹茶紅豆Croffle：$58
雪獄山：+$10
新沙洞槍手：+$10
🍌 抵deal 指數：8/10
💰 人均消費：$400
張貼
