影片
更多
2022-09-18
116 瀏覽
被Social Media推廣「$6白酒忌廉煮青口」所吸引，見到Non Kitchen嘅Set Dinner幾抵食，所以就Book左枱試下。以為閒日係工廠區應該無咩人，點知黎到發覺近乎全場滿座，就已經知道應該無揀錯地方，因為附近真係零人流，黎得嘅都一定係專程過黎食飯，應該唔會有普通walk-in客。Set Dinner有一個$598嘅二人套餐，包括餐包、凱撒沙律、餐湯、Pasta/Pizza、主菜、甜品及餐飲，另外限時優惠加$6仲多一客regular size嘅白酒忌廉煮青口，抵食指數五粒星滿分。Overall Speaking，撇除環境係工廠大廈，食物質素享可benchmark中高級西餐廳。隨餐奉送餐包，還配松露蛋黃醬，麵包鬆軟美味，仲有不少紅莓粒，感覺及味道都相當high-end 高級西餐的配備，羅馬沙律菜及車厘茄，配以巴馬臣芝士碎、煎煙肉碎及凱撒沙律醬，Refreshing得黎又唔會覺得單調。週年優惠加$6仲有一客白酒忌廉煮青口，一客共有五隻，抵食到唔識講，早兩日自己先用左$50買一盒急凍青口煮白酒青口，對比下本人被完美秒殺。醬汁以白酒、忌廉、洋蔥、蒜、黑椒、鹽等料煮成，Crea
以為閒日係工廠區應該無咩人，點知黎到發覺近乎全場滿座，就已經知道應該無揀錯地方，因為附近真係零人流，黎得嘅都一定係專程過黎食飯，應該唔會有普通walk-in客。
Set Dinner有一個$598嘅二人套餐，包括餐包、凱撒沙律、餐湯、Pasta/Pizza、主菜、甜品及餐飲，另外限時優惠加$6仲多一客regular size嘅白酒忌廉煮青口，抵食指數五粒星滿分。
Overall Speaking，撇除環境係工廠大廈，食物質素享
可benchmark中高級西餐廳。
隨餐奉送餐包，還配松露蛋黃醬，麵包鬆軟美味，仲有不少紅莓粒，感覺及味道都相當high-end
高級西餐的配備，羅馬沙律菜及車厘茄，配以巴馬臣芝士碎、煎煙肉碎及凱撒沙律醬，Refreshing得黎又唔會覺得單調。
週年優惠加$6仲有一客白酒忌廉煮青口，一客共有五隻，抵食到唔識講，早兩日自己先用左$50買一盒急凍青口煮白酒青口，對比下本人被完美秒殺。醬汁以白酒、忌廉、洋蔥、蒜、黑椒、鹽等料煮成，Creamy香甜，忌廉奶滑，酒味亦唔會太濃，但醬汁又夠濃郁，青口入味之餘，仍保持幼嫩嘅質感，$6價錢有著正價嘅享受，十粒星！
餐湯係甘荀忌廉湯，“餐湯”都做到好似食緊法國菜咁，賣相吸引，飲落仲係真。甘荀湯，有大量甘荀蓉，味道鮮甜，加埋忌廉更加香滑。
第一款主菜 (Pasta/Pizza) 揀左意大利辣肉腸薄餅，餅底夠薄脆，幾香口，Pizza有蕃茄醬、芝士、辣肉腸及火箭菜，整體搭配合理，味道唔錯。
第二款主菜 (Main) 揀左炭燒美國安格斯西冷牛扒 (10oz)，牛扒表面嘅網燒紋烤得幾靚，賣相吸引，選擇五成熟，火候掌控得唔錯，肉質嫩滑，肉汁豐富，切落去已知道十分Juicy，而且牛味濃郁，無咩挑剔嘅空間。配菜仲有鮮薯及露筍，新鮮無渣，味道同樣唔錯。
甜品意大利雪糕泡芺，一般Dinner Set嘅泡芺細細件一口就食完，但呢個真係幾大份，泡芺夾心有朱古力雪糕，外層仲有一大件雲呢拿雪糕，味道都唔錯，唔係cheap雪糕。
最後餐飲點左一杯Regular Black Coffee，杯及碟都幾精緻，但咖啡只係一個regular質素嘅咖啡，無咩特別。
張貼
