影片
更多
2022-11-30
506 瀏覽
《 又再‧聚聚 》一早入完大西北做左成日野，本身想出番市區先食餐好，但個肚又頂唔順。行左成個屯市都搵到間心儀，見到「聚聚」招牌，即刻諗起早前有試過土瓜灣舊店，印象中出品質素幾好，二話不說帶4個同事入左去食。「酥炸海苔桶蠔」- 用呢款小食打響頭焗，本身對桶蠔情有獨鍾，食落去卜卜脆，桶蠔亦有鮮味，唔細隻亦啖啖肉，海苔味再重啲就更加出色。「脆皮魚肉茄子」- 第一次食魚肉茄子係好似食緊天婦羅咁，好有新鮮感，口感亦好酥脆，點埋汁又有番魚肉茄子原有既口味！「千島炸蝦皇」-原條大蝦，香脆可口，炸嘅火喉剛剛好！「黑松露櫻花蝦鳳尾蝦炒滑蛋」- 名符其實一份都有約5-6隻蝦，好足料，不過滑蛋就有d過老，再多啲黑松露味道應該會更好。「焦糖菠蘿咕嚕肉」- 咕嚕肉係我最鍾意小菜，酸甜適中、外脆內軟，配埋半條烤焦糖菠蘿，真係口味同賣相都加左分！\「霸皇沙巴仔」- 原來師傅將原條沙巴，起左骨，切成魚片再砌番原條魚嘅型態，配埋花椒、辣豉酒、陳村粉同其他配料，真係嫩滑得嚟又食得出師傅嘅心機！「家鄉窩蛋銀針粉」- 第一次食炒嘅銀針粉，配埋窩蛋，原來係咁好食！「嚐聚酸菜魚」- 好足料，亦都有好多塊無骨魚片，美中不足嘅係唔夠
一早入完大西北做左成日野，本身想出番市區先食餐好，但個肚又頂唔順。行左成個屯市都搵到間心儀，見到「聚聚」招牌，即刻諗起早前有試過土瓜灣舊店，印象中出品質素幾好，二話不說帶4個同事入左去食。
「酥炸海苔桶蠔」- 用呢款小食打響頭焗，本身對桶蠔情有獨鍾，食落去卜卜脆，桶蠔亦有鮮味，唔細隻亦啖啖肉，海苔味再重啲就更加出色。
「脆皮魚肉茄子」- 第一次食魚肉茄子係好似食緊天婦羅咁，好有新鮮感，口感亦好酥脆，點埋汁又有番魚肉茄子原有既口味！
「千島炸蝦皇」-原條大蝦，香脆可口，炸嘅火喉剛剛好！
「黑松露櫻花蝦鳳尾蝦炒滑蛋」- 名符其實一份都有約5-6隻蝦，好足料，不過滑蛋就有d過老，再多啲黑松露味道應該會更好。
「焦糖菠蘿咕嚕肉」- 咕嚕肉係我最鍾意小菜，酸甜適中、外脆內軟，配埋半條烤焦糖菠蘿，真係口味同賣相都加左分！\
「霸皇沙巴仔」- 原來師傅將原條沙巴，起左骨，切成魚片再砌番原條魚嘅型態，配埋花椒、辣豉酒、陳村粉同其他配料，真係嫩滑得嚟又食得出師傅嘅心機！
「家鄉窩蛋銀針粉」- 第一次食炒嘅銀針粉，配埋窩蛋，原來係咁好食！
「嚐聚酸菜魚」- 好足料，亦都有好多塊無骨魚片，美中不足嘅係唔夠酸同辣。
「椒麻鮮菌翡翠苗」- 正常口味，用嚟中和番成餐肥膩都幾唔錯。
想讚下店員嘅服務，幫我地不斷換碟同加水，另外店內都多打卡位仲有霓虹燈，啱晒我呢啲相機人！
屯市有左呢間中菜，確實係多左個好嘅選擇！
張貼
