影片
更多
2023-03-25
352 瀏覽
依間車仔麵店可以話係紅磡區名物，每次去紅館睇演唱會前必食！即使係平日都非常多人，要預鬆啲時間去排隊。鋪頭有唔少規矩要守，睇下店內外貼左唔少告示就知，雖然感覺有啲串（有個性啦），但食物絕對大份夾抵食，湯底同幾個配料同小食都好出色，串得起嘅😝👍🏻🍅🍜 特濃蕃茄薯仔湯蒙麵 $𝟚𝟜 (𝟡/𝟙𝟘)依間最出名蕃茄薯仔湯，薯仔煲到入晒味，個湯好濃郁好清甜，有媽媽煲嘅感覺。自家製嘅蒙麵有少少似幼身啲嘅烏冬，但更加有咬口。🍲 花甲 $𝟛𝟠 (𝟙𝟘/𝟙𝟘)每次來必點，花甲肉嫩又鮮甜，而且完全無沙。份量好多，建議可以兩人share一份，依個價錢抵到爛！🍢 招牌蜜汁叉燒串 $𝟜𝟚/𝟚 (𝟙𝟘/𝟙𝟘)叉燒即叫即整，一來到會比size嚇親，因為真係好大串。燒得剛剛好，又熱辣辣又啖啖肉，一人一串好滿足！🥟 韮菜餃 $𝟙𝟜 (𝟡/𝟙𝟘)餃皮薄餡靚，唯一美中不足係每份得兩隻，有啲唔夠喉！🦑 辣味魷魚 $𝟙𝟞 (𝟟/𝟙𝟘)魷魚另上，非常入味，但個人認為辣左少少，如果唔食得辣建議唔好挑戰。🥚 溏心滷蛋 $𝟙𝟜 (𝟡/𝟙𝟘)最特別之處係用鴨蛋做，蛋味濃郁又大隻！🍡 陳皮魚蛋 $𝟙𝟙 (𝟟/𝟙𝟘)好食同陳皮味濃，不過由於店舖必
🍅🍜 特濃蕃茄薯仔湯蒙麵 $𝟚𝟜 (𝟡/𝟙𝟘)
依間最出名蕃茄薯仔湯，薯仔煲到入晒味，個湯好濃郁好清甜，有媽媽煲嘅感覺。自家製嘅蒙麵有少少似幼身啲嘅烏冬，但更加有咬口。
30 瀏覽
3 讚好
0 留言
每次來必點，花甲肉嫩又鮮甜，而且完全無沙。份量好多，建議可以兩人share一份，依個價錢抵到爛！
花甲
29 瀏覽
3 讚好
0 留言
叉燒即叫即整，一來到會比size嚇親，因為真係好大串。燒得剛剛好，又熱辣辣又啖啖肉，一人一串好滿足！
招牌蜜汁叉燒串
29 瀏覽
1 讚好
0 留言
餃皮薄餡靚，唯一美中不足係每份得兩隻，有啲唔夠喉！
🦑 辣味魷魚 $𝟙𝟞 (𝟟/𝟙𝟘)
魷魚另上，非常入味，但個人認為辣左少少，如果唔食得辣建議唔好挑戰。
🥚 溏心滷蛋 $𝟙𝟜 (𝟡/𝟙𝟘)
最特別之處係用鴨蛋做，蛋味濃郁又大隻！
🍡 陳皮魚蛋 $𝟙𝟙 (𝟟/𝟙𝟘)
好食同陳皮味濃，不過由於店舖必食嘅特色小食好多，份量又大，相較之下魚蛋唔係必點。
🐥 麻辣烤雞翼 $𝟚𝟠/𝟛 (𝟞/𝟙𝟘)
相比其他特色小食較一般，建議留肚食其他。
張貼
