Seoul Noodles (加連威老道)

營業中

休息中

呢間嘢傳統韓國麵喺尖沙咀既中心地帶，人流真係超多，好彩嗰日早去，坐低咗一陣，門口已經大排長龍！❤️水冷麵夏天食水冷麵真係超正，佢啲麵呢係好幼好彈牙，同埋有少少辣，好惹味。🔅雞湯麵除咗排骨湯係佢嘅招牌菜之外，呢個雞湯湯麵都係佢嘅招牌菜。我上次去係半隻雞，今次佢都係半隻雞，份量都依然係咁多🤣。朋友眼闊肚窄，諗住自己食得晒，點知最後都係食唔晒。 加蜆‼️如果鍾意食蜆嘅話，可以加多$20就有一大碟蜆！同埋佢唔係就咁白烚，佢係有個湯底俾埋你🥹，呢個價錢真係超級有誠意。大家一定一定要試埋個餃子‼️我揀咗泡菜餃子嘅，佢個皮係真係勁薄勁煙靭，入面超級無敵多餡，無諗過咁好食，我覺得比起紫菜包飯更值得食！