影片
更多
2016-10-06
3330 瀏覽
因為考試，沉寂了半個多月，無得出去好野的心情是如何的枯燥，其他人未必懂，但當時人就深深體會。終於放監，急不及待約好友去食餐好!!相約銅鑼灣食好西。餐廳唔算近地鐵站，出左地鐵站要行大概5分鐘到恩平道果嗰邊，係Cubus的10樓。Cubus成幢大廈都係餐廳，選擇都唔少，中日韓菜都有，要識食之人先識揾到呢度。朋友話今次食呢間TOWN，係米芝蓮推介餐廳，絕對值得一試~搭上去10樓，一出見到Bar枱區，掛滿高腳酒杯，櫃入面亦放滿不同的紅白酒。侍應帶我地入去入面坐低，環境唔算大，但有情調，昏黃的燈光配上啡色調的裝修，高雅得黎又不失簡潔，幾浪漫。一邊係落地玻璃，出面雖然係地盤景，但夜晚卻仍然燈火通明，望出去很有變型金剛場景的味道。成個格局的combination就是頗具玩味。餐飲先上，朋友點了紅酒好送肉，我就點了蘋果汁。想不到蘋果汁是現搾的，酸味唔強，但好鮮甜。朋友的紅酒也很易入口。麵包上枱仍是熱的，外皮好脆，但入面好鬆軟。有蕃茄包、法式小圓包和核桃提子包，相信係餐廳自家出品。枱上放有橄欖油可以伴麵包食，但因為新鮮，所以唔點橄欖油，單純咁食都好好味。照法國餐的慣例，麵包是可以無限添加，但為了留肚，我
朋友話今次食呢間TOWN，係米芝蓮推介餐廳，絕對值得一試~搭上去10樓，一出見到Bar枱區，掛滿高腳酒杯，櫃入面亦放滿不同的紅白酒。侍應帶我地入去入面坐低，環境唔算大，但有情調，昏黃的燈光配上啡色調的裝修，高雅得黎又不失簡潔，幾浪漫。一邊係落地玻璃，出面雖然係地盤景，但夜晚卻仍然燈火通明，望出去很有變型金剛場景的味道。成個格局的combination就是頗具玩味。
餐飲先上，朋友點了紅酒好送肉，我就點了蘋果汁。想不到蘋果汁是現搾的，酸味唔強，但好鮮甜。朋友的紅酒也很易入口。麵包上枱仍是熱的，外皮好脆，但入面好鬆軟。有蕃茄包、法式小圓包和核桃提子包，相信係餐廳自家出品。枱上放有橄欖油可以伴麵包食，但因為新鮮，所以唔點橄欖油，單純咁食都好好味。照法國餐的慣例，麵包是可以無限添加，但為了留肚，我們還是忍口。
Set dinner並無餐湯，第一道前菜我地選左生牛肉他他，伴烤麵包上。麵包是薄而且香脆的那種。生牛肉上面有鵪鶉蛋，而且鋪有小花，賣相可愛。灑上少許檸檬汁及脆米於他他上，以麵包伴食，食法有啲似平時食吞拿魚配餅乾，但牛肉他他就比前者juicy，呢種食法，令原本唔太好生牛肉的我都接受到，幾好。
另一款前菜帶子是主角。北海道帶子切成薄片配上蔬果粒，紅紅黃黃綠綠的，顏色繽紛，味道酸酸甜甜，感覺清新又輕怡。
接住係西班牙煙燻羊肋骨，蓋住上枱，拎開蓋一刻煙霧彌漫，濃烈的木香飄送。燒烤醬的惹味配上烤得軟稔的肋骨，十分合襯，加淡淡煙燻木香，是嗅覺也是味蕾的一種享受。
另外的夏威夷棕櫚樹芯，淹沒在意大利水牛芝士、紅菜頭、無花果之中。吃肉之餘又來了一點小清新，第一次食樹芯，想不到口感係咁爽脆。
到了主菜部份，因為大家都好羊及牛，所以我們選了All About Lamb及Rib Eye Cap。先講羊肉，無甚羶味，醬汁滲著白楜椒香，也有杏乾及小菜頭伴碟，再插上黃色及紫色小花，賣相已經好靚，而且羊肉煮得好嫩，無筋，好好食。
至於Rib Eye Cap其實是牛肋眼扒中間的油花外頭的的一層嫩肉，所以油脂好夠，食落口油脂四溢，但毫無肥膩感。本身有矮瓜汁及牛骨髓作為伴菜醬汁，但因為牛肉本身牛味充足，柔嫩多汁，所以汁料都成了次要。我們都覺得主菜做得頗出色，因為不論羊肉及牛肉都做得滑嫩，而且肉質仍然keep到juicy。
到了尾聲的甜品，選了輕怡的雪糕及雪葩。雲呢嗱雪糕好creamy，奶味重，好香，配上煮得軟稔的桃駁李及花生脆脆。而雪葩質地就好輕身，配上無花果及紅莓，酸酸咪咪，好開胃，食完感覺好清新。
甜品並不花巧，但是配搭很健康，而且因為set dinner共提供了2款前菜，我地總共食左4款不同的前菜，再加主菜和甜品，感覺食物多款式，一餐飯試左好多唔同食物，好滿足。成餐飯食左大概2個鐘，係一個寧靜的環境下，與佳餚度過了blue Monday，想靜靜地同朋友食餐好dd，呢度係唔錯的選擇，推介。
張貼
