影片
更多
2017-01-12
937 瀏覽
一直都想試樓上私房菜好耐，但得個講字，新一年前同幾個朋友一心想告別2016，所以的起心肝BOOK左間私房中菜黎食。因為大家時間難就，所以揀左放工時間，就大家放工地點的灣仔名門私房菜。位置都好近地鐵站，行約5分鐘左右就到。 餐廳唔大，單望去大概只有5~6張枱，但都爆左人，估唔到識食的人真的好多。 我地4人，因為係私房菜，所以黎之前，某啲食物已經預先點好左。 點左個18個字的例湯“粉葛鯪魚赤小豆煲豬粉腸豬展豬踭豬橫脷”$428，呢個湯，好清甜，湯底都好清澈，原來係因為所有材料入袋煲，所以啲渣都唔會浮晒出黎，令到啲湯變到濁晒。 最驚喜的係湯渣，係完完整整咁成條鯪魚砌返出黎，十分之神奇，仲要個形係無走樣。 湯渣好足料，煲得好稔，粉腸豬展豬踭豬橫脷全部都好稔，單純點老抽食，已經好好食。平時煲湯，啲渣煲到爛晒，但呢煲湯渣完全可以當一碟餸咁食，好正。 冰鎮鮑魚配燒汁芥辣醬$78/隻 冰鎮鮑魚洗得好乾淨，隻隻都白白滑滑好肥美，普通冰鎮其實沒什麼特別，但呢度的精髓在於其芥辣醬。微微的恭鼻，配上惹味的醬汁，立刻將鮑魚的味道大大提昇，加上鮑魚口感彈牙，整體黎講好配合，帶點f
餐廳唔大，單望去大概只有5~6張枱，但都爆左人，估唔到識食的人真的好多。
我地4人，因為係私房菜，所以黎之前，某啲食物已經預先點好左。點左個18個字的例湯“粉葛鯪魚赤小豆煲豬粉腸豬展豬踭豬橫脷”$428，呢個湯，好清甜，湯底都好清澈，原來係因為所有材料入袋煲，所以啲渣都唔會浮晒出黎，令到啲湯變到濁晒。
最驚喜的係湯渣，係完完整整咁成條鯪魚砌返出黎，十分之神奇，仲要個形係無走樣。
湯渣好足料，煲得好稔，粉腸豬展豬踭豬橫脷全部都好稔，單純點老抽食，已經好好食。平時煲湯，啲渣煲到爛晒，但呢煲湯渣完全可以當一碟餸咁食，好正。
冰鎮鮑魚配燒汁芥辣醬$78/隻
冰鎮鮑魚洗得好乾淨，隻隻都白白滑滑好肥美，普通冰鎮其實沒什麼特別，但呢度的精髓在於其芥辣醬。微微的恭鼻，配上惹味的醬汁，立刻將鮑魚的味道大大提昇，加上鮑魚口感彈牙，整體黎講好配合，帶點fusion的驚喜。
鮮蟹肉洋葱瑤柱焗釀蟹蓋$248/隻(2隻起)呢款餸其實看似平平無奇，但其實好考心思，因為要將蟹拆殼起肉，然後混和一絲絲的乾瑤柱、洋葱粒撈埋一齊拎去焗。食落口啖啖肉，一絲絲的瑤柱同蟹肉，仲有爽口的洋葱粒，口感好多重。有別於平常食到的芝士焗或沙律，沒有醬料的重口味，反而食到蟹肉的鮮味。
蒜片蘑菇牛柳粒配特色芥辣醬$268粒粒牛柳切到細細粒，基本上大小差不多一樣，多汁的牛柳粒外層是一層甜甜地的醬汁，帶點芥末味，好好食。蒜片炸得好香好脆，大啡菇又剛好中和了蒜片的熱氣感。三者配合得宜，送飯一流
大良牛乳炒滑蛋$148不走平常炒蛋的嫩滑路線，淡黃色的它扎實有質感，水份不會太高，因此蛋味及牛乳味都濃，沒有很花巧，是一道平常吃到的家常菜，但卻比平常更富牛乳香，十分地道。
上湯浸白菜仔$128白菜好嫩，以金華火腿及上湯浸煮，簡單又健康，食完牛柳食返個菜可以中和返熱氣之感。
生磨蛋白杳仁茶$48來到尾聲，點埋我的最愛就收工。杏仁好滑，雪白色的，好香好香，質地好幼滑，而且成個蛋白係入面，食完全身暖在心頭，好滿足。
第一次食私房菜，感覺十分不錯，不似一般餐廳咁嘈雜，反而可以靜靜地同好友食一餐。所有菜式都十分用心，而且頗有驚喜，有空真的值得黎試下!!!
張貼
