先點左個白酒煮藍青口，然後點2杯白酒，因為食海鮮點可以唔飲酒？
呢度燈光柔和，感覺舒服，夜晚見情侶或者一家人黎食晚飯，而且原來呢度有2層，可以包場開Party都得，環境好寛敝。
2016年的Satellite易入口得黎幾清醇，配青口好夾，因為點左牛扒，所以紅酒揀左澳洲出品的Chateau，酒味芬芳，但同樣易入口。
先來白酒煮青口，啲青口係新鮮貨色，所以好鮮甜肥美，加上微辣的湯汁，好惹味，食完一隻又一隻。
主菜的燒龍蝦賣相吸引，龍蝦係本地出品，質素一啲都唔比入口貨遜色。肉質爽口彈牙，入口啖啖肉，灑上紙菜，增加口感，本土出品有意料之外的驚喜。
牛扒揀左巴菲牛扒，巴菲係牛腰內被筋膜包裹住的一塊嫩肉，要先去晒啲筋先可以成為一塊扒。5成的它紅艷欲滴，兩邊燒得焦黃，但內裏保持鮮嫩多汁，入口無筋但有咬口，令人食完想再食。
飲一啖紅酒再食一啖牛扒，人生一樂也。因為唔算多人，所以成都可以好悠閒咁傾下計，好舒心。
最後的甜品係朱古力心太軟。新鮮即製的它熱辣辣，切開中間，啲朱古力醬流晒出黎，甜度控制得剛好，配上一口香甜的雲呢嗱雪糕，冰火交融，十分滿足。
呢度仲推出左個任食頭盤、沙律、甜品的和牛套餐，四人同行可以送紅酒或白酒一枝，可惜今日唔夠腳，如果唔係就會試佢，唯有留待下次。
食完有張coupon送，四人同行食lunch可以減$100，可惜公司黎呢邊有啲遠，用唔著，但個和牛套餐約齊腳就可以成事啦。
