一木小料理 (已結業)

灣仔lunch試極都有新野😂，呢次去左遠少少試呢間一木。平時同事話都要排隊，但可能呢期多人wfh少左人食lunch，都係等左一陣就入得。Menu八款小料理揀三款，附有飯/沙律加埋茶，$80午市免加一。🔅豚肉生薑燒(微辣)平時幾鐘意食生薑燒，豚肉都唔鞋唔會太肥，幾鐘意洋蔥夠晒入味🤤。🔅紙藏雞槌(微辣)雞槌幾嫩，孜然味幾香👍🏻。🔅辛味番茄流心蛋(微辣)戳穿左流心蛋撈埋番茄蓉唔錯，有好微既辣味幾特別。平時唔太食番茄既我倒黎撈飯都可以食晒！💬叫完5min都唔使食物就到，雖然快不過都係暖暖地，如果熱辣辣上好啲。性價比唔算高，叫外賣便當會平啲，不過一次食到三款日式小料理都唔錯。