62
39
14
港鐵灣仔站 B2 出口, 步行約3分鐘
繼續閱讀
電話號碼
26872080
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
食家推介
菜係唔知咩花茶，隻杯係崩既；面豉湯咸都仲算可以理解；不過個雞軟丸子係一塊勁咸既肉餅……最離譜係個日式芝士蛋糕竟然係生洋蔥味！個店員仲要好平淡咁表示因為個蛋糕同洋蔥係放埋同一個雪櫃？點解呢間野仲可以有人食第二次
繼續閱讀
我最憎食飯啲嘢凍冰冰，真係估唔到啱啱出嚟嘅嘢食係可以凍、好似係放咗喺度半個鐘以上嘅溫度。最恐怖嘅係連個飯都係暖同凍之間🥹🥹以為佢排隊應該都唔會太差…..總體嚟講：黑松露炒雜菇冇黑松露味青魚係凍冰冰、好彩佢肯幫我翻熱最好食係個豚肉生薑燒、但係都係暖、完全冇煙雞軟骨魚丸子冇乜特別、但係都係凍、醬汁偏鹹個南瓜凍湯叫做正常，但係因為其他嘢都係好凍、已經冇乜心機感覺冰凍嘅湯…..講真一餐$100左右的午餐可以咁難食都真係幾難😒😒
繼續閱讀
下午2點先lunch，但驚見隔離一虎都仲要排隊，然後附近又有間門面幾日系嘅餐廳，未望Open Rice，就入左去，跟住見到好多負評，我就知道無期望就無失望。唔緊要，都有正評嘅，比個機會佢，以觀望嘅態度。日式三餸飯，店舖裝修以簡潔為主，座位唔算好多，但因為已經過咗繁忙時間，所以都尚算舒服。點完餐，店員好快就端上一杯跟餐嘅熱八寶茶。八寶茶我問店員八寶茶即係咩野，佢答我有龍眼、杞子etc，不過店員送嚟嘅時候已隔渣，我已經分唔到有邊八寶了…跟住都好快，正餐就嚟了。不過一大一小嘅匙羹，究竟點解有2隻，店員冇講就行開咗了。根據我食嘅次序做食評：首先係微塵南瓜凍湯。真心，應該唔會個個鍾意，我都係貪得意加$12試下。係酸忌廉+南瓜濃湯雪凍咗咁。然後我去試最初吸引我入餐廳嘅馬鈴薯燉牛肉。雖然薯仔好入味，但牛肉似吉x家再鞋口少少啖味少少…嗱～唔係話佢唔好食呀，送飯都還可以，只係CP值低咗少少。跟住係核桃味噌煮大根。記得要先食核桃味噌，唔係大根會冇味。不過我欣賞大根夠腍，而且冇渣。最後係南瓜薯餅。呢個真心欣賞，因為應該係手工製作。但喜歡濃味野嘅人就未必太啱，因為同出面買到嘅南瓜薯餅唔同，呢個味道好天然！
繼續閱讀
外賣$58無野飲。好似好開心咁有幾個餸揀，原來出到來咁既樣。。。。。。。全部食材用濃香料味整（容易呀ma),不過無特別，本來店出來時望住肉，特登反轉睇埋佢個皮，自己買條魚鯖魚叮熟佢加山椒效果一樣，，鯖魚咁平都可以只比手指尾咁短。見到依個已知依間店幾咁有心機製作。紙藏雞槌以為有咩咁勁，肉質煮到好老，加上隻濃味香料但唔算好食，少許孜然粉味，雞槌係手指尾最細個隻size.可能我唔識揀餸啦。其實真係兩餸飯咁，加個日式就乜都貴好多，乜都加孜然粉就好食，成個飯都係食調味料送飯咁，餸名靚d比佢吸引到我試一次。堅無下次。。。點睇都係無心機之作。。失望
繼續閱讀
純粹經過諗住搵啲輕食，一食就後悔。中伏後先諗起睇食評，睇嚟飯餸凍同啲飯一舊舊係個norm。兩個人食咗210。味道方面係：-牛油雜菌係凍同無牛油味，-茶漬飯個茶都係無味、飯係一舊過黐到實，最終係食唔到。-咖喱牛肉都係凍嘅，咖喱係日式咖喱磚味，睇你自己鐘唔鐘意啦。-炸紫薯餅係暖嘅，同埋炸得有啲燶。-茄子田樂燒個茄子本身都係無味，純粹靠個汁。本來本住唔好浪費，盡量食𠹺佢，但係去到個飯真係搞唔掂，無辦法完成。最終前後食咗20分鐘就走啦。食完之後個胃仲覺得有啲悶悶地唔舒服添。早知由佢啦。
繼續閱讀