添添

營業中

休息中

平時食開佢地雙餸飯多，而家轉戰去佢哋對面餐廳度食吓小菜🙈小菜都幾有驚喜，好有鑊氣😎香噴噴咸蛋黃金鮮魷 $95小編就鍾意食呢個黃金鮮魷，佢炸皮好薄，另外佢嘅鹹蛋比起出邊大排檔應該仲要濃味少少！送飯食一流！魷魚炸完中保持到水份濕潤爽脆！呢個真係喺大排檔都未必食得到呢個水準！真係值得一試！加$12轉套餐 有飯同湯 招牌黑醋金沙骨 $ 85一樣加$12有飯同湯 金沙骨一嚟到就已經聞到好香濃嘅黑醋味，但係好彩食落口唔會太酸，而且又大嚿，肥瘦均勻 送飯一流 凍飲另外加$3

雞地添添本身係賣2餸飯，之後係對面開埋餐廳，今日同🐷先生睇完戲，黎個early dinner😌🔸啫啫滑雞煲上到枱仲喳喳聲，做法都傳統，有豬潤獨子蒜個d做配菜，雞件目測應該有半隻雞，煮到岩岩好，非常嫩滑🔸西蘭花蝦仁帶子茶餐廳都有精美既擺盆，西蘭花爽脆蝦仁彈牙帶子鮮甜，如果有埋少少蝦醬比我點下就仲開心🤗🔸黑椒牛肉炒意粉意粉彈牙，黑椒味同色澤好靚仔，仲有d芽菜韭黃增加口感，牛肉嫩口唔會過老👍🏻🔸飯餐仲跟左老火湯，今日係合掌瓜煲豬展，適合宜家既天氣2餸飯係餐廳對面，見佢人龍不斷，仲有多款海鮮選擇都好吸引，下次要試🤘🏻

📍添添 ⭐️抵食家常便飯平時夜晚想食中菜/家常菜，除咗去酒樓之外，茶餐廳叫小菜食都係一個選擇。估唔到呢一間新開嘅茶記都幾抵，一個小菜連湯、飯、嘢飲，$100都唔使。同埋要欣賞佢唔係嗰啲超鹹、超濃味茶記，比較貼近屋企嘅味道。見好多街坊都會嚟食！😋✨ 雙檸蒸元朗烏頭 $88 👍🏻👍🏻👍🏻👍🏻我見好多人嚟到一定會叫條烏頭，因為真心好抵！去酒樓食冇百幾蚊都走唔甩。呢一度賣得咁平，仲要包埋湯飯嘢飲😤佢嘅調味都係好出色！怪唔之得咁多回頭客～✨ 黑松露蝦球炒滑蛋 $98 👍🏻👍🏻其實我百思不得其解，點解呢個會貴過條烏頭🤣不過佢嘅蝦係幾新鮮，黑松露味都出。但係就冇魚咁抵食喇🤣✨ 金銀蛋肉碎浸時菜 $75 👍🏻👍🏻👍🏻我出街食中菜慣咗要叫個菜😂到到都係冇咁抵食㗎喇，自己煮一定最平～不過呢個欣賞佢，調味剛剛好，唔會太鹹，個汁仲可以當湯飲，好清甜！☺️👍🏻👍🏻👍🏻👍🏻（最推薦）- 👎🏻（可以唔使試）

是日喺元朗站附近返工，返完工梗係食埋嘢先返屋企啦，本身係比佢對面嗰間添添雙餸飯吸引咗，晚飯時間到係大排長龍，打咗幾個蛇餅。之後見呢間茶餐廳喺佢對面嘅，又有我好想食嘅西蘭花蝦球，就攞飛入去食啦☺️☺️我哋兩個人除咗叫咗碟西蘭花炒蝦球，仲叫咗兩個晚餐，分別係中式牛柳飯和瑤柱蛋白海鮮炒飯。中式牛柳飯瑤柱蛋白海鮮炒飯西蘭花炒蝦球凍檸檬利賓納紅豆冰見到隔離枱食蒸魚同煲仔餸，好吸引🤭🤭添添 (元朗)元朗鳳琴街18號玉龍樓地下3&6號舖

餐廳環境光猛舒適，正常新式茶記裝橫，特別在於有一幅卡通風格描繪餐廳外元朗街道既畫牆，都幾有特色。咖哩牛腩飯（$60）港式咖啡做法，口味較辣，特別香辣惹味，適合重口味人士，牛腩份量算多，肥瘦適中，有少許牛筋，薯仔特別入味，煮得都幾腍下，幾抵食既碟頭飯。常餐（$45）叫左雞扒配米粉、火腿奄列，拼牛角酥，經典常餐組合，牛角酥鬆軟香脆，有一定油香味，奄列以滑蛋包住滿滿既火腿絲，雞扒有用適量黑椒調味，皮薄肉厚，雞肉肉質鮮嫩。凍奶茶熱檸水

添添｜元朗地道茶餐廳元朗雞地新開咗添添茶餐廳，餐廳新式設計風格既茶餐廳：牆上掛有一幅卡通版既元朗街景，坐得舒服得黎都不失港味，晚飯時間都係街坊幫襯黑椒茄子牛仔骨煲是每次到訪茶餐廳心水之選，鍾意佢上枱一定係熱辣辣，牛仔骨份量多，另外配料都索滿香濃嘅黑淑汁，茄子送飯一流另外加咗$12 配例湯白飯飲品，今晚嚟湯係粉葛豬骨湯，店員熱辣辣拎上嚟真係即刻清晒碗湯另外叫咗豉椒鮮魷炒麵，豉椒鮮魷份量好多爽口彈牙，豉椒味都好重非常鍾意，底下金黃脆麵餅啲汁，脆卜卜非常滋味📍添添元朗鳳琴街18號玉龍樓地下3&6號舖

添添廚房嘅兩餸飯簡直係糧尾恩物👍🏻好彩早去唔洗等位👍🏻新開嘅茶餐廳都依然十分抵食👍🏻$118豉汁蒸大鱔🐍落單前見到隔籬枱食得津津有味吸引到我🤤大鱔份量多，印象中有十幾件😋鱔肉爽口非常新鮮🤤豉汁唔會太咸，用黎撈飯一流👍🏻$60福建炒飯🍚超足料！！！滿滿嘅蝦仁、雞髀肉、翠肉瓜、瑤柱、紅蘿蔔、菇菌等等🤤食食下覺得份量太多，先醒起手機落單時揀咗多飯😂😂大滿足！$59馬拉盞炒西蘭花🥦馬拉盞惹味，炒西蘭花都一樣口味☺️套餐有湯有野飲👍🏻Menu上仲見到啲搞怪菜名，例如馬友生死戀😂有機會再來試試佢～食完出去仲見對面添添兩餸飯舖位大排長龍😲人超多

/朝早完咗聚會後番返黎元朗鳳琴街食lunch, 太肚餓所以冇等到對面cafe, 就入咗呢間同樣人山人海嘅茶記!我嗌咗全日常餐: 沙嗲牛出錢一丁, 腸仔蛋奄列, 再配個牛角酥~ 豬生嗌咗咸魚雞粒炒飯, 佢話超大碟, 好有鑊氣, 正合佢心意~ 我哋仲嗌咗碟金銀蛋肉碎浸時菜, 又係大大碟嘅份量, 超多菜, 岩哂我哋要吸收多多營養🤭 跟餐仲包野飲添, 我哋嗌埋檸檬利賓納同鹹檸七後已經好飽.#hkfoodie #foodporn #foodphotography #likesforlike #instalike #followforfollowback #yuenlong #tea #香港文化 #港式茶餐廳 #茶餐廳口味 .📌 添添元朗鳳琴街18號玉龍樓地下3&6號舖

對面添添兩餸飯 晚上長期都會有人龍排隊之後可以喺對面舖開埋茶餐廳👍🏻.週末醒起想試吓佢嘅早餐 基本上全場爆滿 一路有客食完又會一路有客入 坐低用QR code下單.歐陸早餐 $42 可以揀豬/牛/雞 或者吉列豬/魚 可以配我最喜愛的丹麥酥 或者多士/牛角酥 及火腿奄列他的丹麥酥是有蒜蓉在面的 但我個人認為跟甜甜的丹麥酥不太夾 我寧願是普通烘了的丹麥酥火腿奄列不錯 飲品叫了茶走少甜 奶茶好飲😋.另外有一般的粉麵早餐選擇可以選擇加不加配多士及奄列 適合細食人士

下午茶餐供應到6點，嗌左「吉列魚柳配沙律」。下午茶餐奉送熱飲。吉列魚柳好大塊！真係要讚佢係即叫即炸，入口重熱辣辣辣嘴！啖啖魚肉新鮮嫩滑～😋沙律佔左成隻碟嘅一半！除左水果重有紅腰豆🫘。餐廳係用QR code落單。想嗌熱檸茶。見竟然有得揀幾多片檸檬🍋同埋茶可以揀濃啲同淡啲，幾貼心👍🏻。我冇特別揀。上枱時見有三片檸檬，茶香濃唔澀。精選晚餐5點開始供應，奉送白飯、例湯和熱飲。嗌左「沙薑雞」。朋友嗌左熱杏霜。沙薑雞份量比我預期多！😱雞肉嫩滑。湯有粉葛和豬肉，大碗又足料，飲落清甜無味精。

去完隔離打羽毛球好鬼肚餓，個friend就帶左我黎佢嘅飯堂~都真係幾多人食~老闆同啲姐姐好忙，但都好好招呼~好有人情味嘅感覺~🔹鹹蛋黃金蝦🔹 本身想叫黃金鮮魷，不過賣哂…..但黃金蝦才都好有驚喜~超多蝦~同每隻都痴滿哂鹹蛋黃~搞到我地係咁啜，哈哈~啲蝦都新鮮彈牙嘅~最後下面啲脆脆都食埋~真係抗拒唔到”黃金”嘅誘惑~好滋味~🔹西蘭花炒帶子蝦球🔹唔記得左又叫左蝦，不過兩種唔同煮法，同樣好食彈牙~帶子就細粒啲，但都不失鮮味~西蘭花爽得黎夠入味~喺屋企真係煮唔到~🔹餐飲🔹紅豆冰 - 紅豆大大粒，又夠甜味~凍檸賓-唔係間間有得飲，仲要有幾塊厚切檸檬~唔錯~

#20240428 📝📍 添添 元朗鳳琴街18號玉龍樓地下3&6號舖➖➖➖➖➖➖➖➖➖➖➖➖➖➖➖➖➖#精選晚餐 #薯仔洋蔥豬軟骨煲 $88💭 開頭仲以為係用洋蔥汁煮啲豬軟骨🧅估唔到係用蕃茄汁又幾夾，個汁撈飯一流🍅豬軟骨側邊啲肉煮到非常淋，係近乎用筷子都可以夾散既地步，但啲軟骨又保留左啲咬口🐖最欣賞佢啲薯仔有煎香過，煮到好淋但唔會化開晒抵讚🥔.#馬拉盞炒通菜 $59💭 呢個馬拉盞通菜個樣黑瞇擝擝咁唔太討好🏴‍☠️不過正所謂人不可以貌相，餸菜都一樣😂其實佢幾重咸香味，而且仲有啲白飯魚仔感覺有滿滿既鈣質營養豐富🐟.#椒鹽牛仔骨 $85💭 平時係茶餐廳見椒鹽豬扒就見得多，牛仔骨係咁整真係第一次，佢唔係炸到乾晒果隻，本身肉質juicy已經高分，加埋有畫龍點睛作用既炸蒜，勁香口好味😋而且份量係超多，食完數返都有十幾舊骨🐮. 🥢 #例湯 #白飯 🥢 #凍利賓納 +$3💭 晚餐本身已經跟左湯同飯，如果散叫啲小茶都係加$12就可以有湯有飯仲有野飲，見到有童年回憶既利賓納，真係好耐無飲過，加$3相比起出面其他餐廳好似算抵，即刻叫返杯尼飲🫗.#元朗美食 #🐷在元朗 #🐷_食

朝早就好肚餓，所以早咗去食lunch，11:30 就食😂 好在早咗去，因為就算平日，一去到12:00開始就多人，全場坐滿，新開咁快就咁受街坊歡迎。太肚餓，2個人嗌咗咗多嘢食，嘢食選擇方面有好多。嗌咗2杯檸檬柑桔解渴。好推介呢個魚香茄子炆米，好大碟，有鑊氣，個汁好食，都幾多茄子。西蘭花炒鮮魷都好食，啲鮮魷有滑同埋厚身。因為平時喺屋企少食菜，仲嗌咗個馬蘭頭炒菜心，啲菜心超大棵。黑椒薯仔牛柳條啲薯仔好粉好好食。

週末去完大棠行山，竟然喺元朗市中心搵到咪錶，6:00快啲去搵晚飯食。一家四口入座，點小菜蜜椒薯仔雞中翼$85 ，呢碟餸最合我心意，雞翼炸到脆卜卜，又有黑椒粒加埋蜜糖少少微辣甜甜地，薯角沾滿蜜糖汁，夠晒惹味鹹蛋黃金蝦$95 幾十蚊就有交易，蝦好新鮮又彈牙肉絲炒麵$60 個面底炸到脆卜卜，如果以$60嚟講係好抵食嘅添添小炒王$85落足料，韭菜花新鮮，有新鮮魷魚鬚同埋蝦乾，好夠鑊仲有服務員姨姨又好親切送咗幾碗例湯。離開時候七點已經好多人排隊

又去元朗國，帶隻狗仔去寵物店剪頭髮，等的時間去食個早的晚飯，一家大細又唔洗等位。6 點入座，剛剛過咗下午茶時間，見到下午茶餐好抵食呀。單點小炒，肉絲炒麵$60 夠曬鑊氣，麵底係炸過嘅，脆卜卜，真係食唔停口呀。食下啲邪惡餸先，鹹蛋黃金蝦 $95 炸到連蝦頭都可以食埋，蝦肉身又好多汁，每一粒都新鮮，真係好味。添添小炒王$85 一上枱都好驚喜，因為有好多蝦乾，仲有脆魚仔 ，新鮮魷魚鬚，菜脯粒，係非常足料。蜜椒薯仔雞中翼$85 辣辣地甜甜地好正。仲有送例湯。