槾悠

營業中

休息中

店裡人不多，一開始等左30分鐘都未出到菜，後來終於等到，我是叫軟殼蝦檬粉加咖啡的（下午茶時間計埋加一$70），但一隻蝦都無，揮手叫店員揮左5分鐘，終於有個店員理我，佢表情露出厭煩樣子一聲不響拎返碗麵入去，2點入去未食午餐，等到2點9已經餓到暈暈地，心諗唔係要重新等多30分鐘呀嘛！？點知真係😂無止境既等待同無助，結果係嬲到勁肚餓都唔想再等，走人。之前食過早餐，並不是這樣的，今次感覺員工優先處理外賣單。😢感覺非常糟糕，真的很離譜。

9位大人叫左兩個4人餐都夠食，埋單畀錢時收銀的奇怪反應令人費解，收銀員見到總共$15XX，望住賬單猶疑左一陣，就話今晚卡機壞咗，但可以畀支付寶alipay八達通同現金，而收銀枱仲放緊東亞銀行信用卡優惠

呢間泰國野喺係荃灣地鐵站行5-10分鐘嘅商場(有Ikea嗰度)，行天橋就到就算落雨都好方便😉 食過幾次lunch，lunch set嘅選擇好多有二十幾款，除咗泰國嘢之外都有西餐嘅選擇，去多幾次都唔驚食厭😛🦐🍝 經典大蝦炒金邊粉 ($75 連餐飲)金邊粉質地好好，帶少少咬口幾正😋 呢度嘅pad thai 係偏重少少茄汁味，酸酸甜甜好開胃，蝦都爽口唔錯~🐽馬拉盞炒通菜豬頸肉配白飯 ($68 連餐飲)份量幾多! 會偏鹹啲但送飯ok😗 豬頸肉冧身唔會過肥幾好🥰📍槾悠荃灣青山公路 - 荃灣段388號中染大廈(8咪半)1樓115號舖🍽️ 8/10

母親節試吓新餐廳提早Book位安排左一間小房自成一角岩哂一家聚會慶祝餐牌上2人/4人套餐性價比好高有餐廳主打嘅菜式供選擇如泰皇咖喱大蝦、鹽燒馬友、冬陰功大蜆煲等特別推介蒜蓉包香脆內軟，配咖喱一絕🤩

班服務員雖然後生，但叫極揮極手都視而不見，尤其女嗰班，有一位女服務員之前雖然已回應，但之後都唔過黎問客戶需要什麼，亦唔去處理跟進，食一餐飯可以錯漏百出，難怪咁多香港人都寧願北上消費，起碼唔需要受氣。

之前去宜家傢俬嘅時候，由外邊路過，覺得呢間餐廳都幾有特色，裝修比較特別，環境都幾令人放鬆，舒服， 係食飯聊天嘅好去處。今日同閨蜜過咗嚟呢邊食午餐，點咗兩個主餐加一個小食，一邊食一邊舒服地坐喺度傾計。小食：泰式雞肉燒賣拼香辣魚餅，燒賣嘅質感比較特別，不同於我哋平時食嘅廣東燒賣或者街邊小食嘅魚肉燒賣，感覺就似用雞胸肉加泰國嘅香茅材料打碎，再整成燒賣。香辣魚餅，配埋個醬汁， 甜甜辣辣比較開胃。椰香白咖哩香茅豬扒配手工薄餅，椰奶味重，豬扒帶有濃鬱嘅香茅味，用手工薄餅點住白咖哩再加少少豬扒超級好食，口感豐富，值得一試。馬拉盞炒通菜豬頸肉配白飯，呢個都係必點嘅菜單之一，馬拉盞炒嘅通菜濃鬱又惹味，鑊氣好足，超配白飯。

是日五一假想嘆番個靚早餐，skip左平日去開既麥記、金鳳、意樂，行多少少去到sloth(有食過晚餐，真心不錯才encore)，結果…有啲失望，會寫呢個食評，希望貴店老闆/管理層睇到，作出改善，食客有口福，店主生意興隆。首先，隊排取票機壞了，入場秩序有點混亂（詳情可問番當天安排入座的員工，想讚一下呢位女員工），不以為然我的票號竟然同另外一家人撞了（是手寫吧？！），但那家人已經入座，我只好告訴該員工，她很快明白及修正錯誤，亦很快安排我入座，其實當時我亦聽到在旁等待入座的客人說票號怎麼怎麼…..入座後，發現在旁兩枱食客的食物都有被耽誤及留單了，其中一枱男食客更火起三丈….（下省二百字），看得出員工盡力配合及安排，雖見到食客食飽離開，但抱著埋怨這埋怨哪走著，真不明白貴店面臨緊急的時候要及時處理，人呢？期間一職員拿來一樣食物好像是要補償給食客，但說的話又很奇怪，就連坐在旁邊的我都覺得很奇怪….中途見到很多人在收銀位（等外賣/等付款…），其中一個似是食客又似送外賣既男人喃喃自語：甘x既店都甘x多人來….我聽後有點唏噓…講番我們點餐經過，自問性子不急的我們略略了解發生什麼事後，找到原先安排入座的員工

光頭經理常帶笑容，店內所有員工都好有禮貌。有要求都會立即幫忙，不會黑面。現在香港嘅餐廳已經好少見這些常帶笑容的職員。野食都很好，推介蒜蓉包，黃咖喱牛舌，海南雞。芥蘭味有啲苦，雞蛋仔唔夠脆，油飯有啲硬

經過呢間舖頭， 諗住門面幾靚就入去試下啦， 點知一坐底， 張登有水漬叫佢抺又唔抺， order時叫佢甜品後上， 同我講唔駛後上， 甜品要半粒鐘後先到， 最後就係甜品10分鐘後就上左，主菜隔20分鐘後先到， 甜品都食完啦， 侍應又成日張啲野食比錯隔離枱， 一餐飯可以比錯四次， 成班侍應唔知做咩成日唔見人， 上菜又慢，叫個哈哈蝦炒飯都可以黎錯個豬頸肉炒飯，換個新既炒飯，只係將黎錯果個飯挑走啲豬頸肉，加幾隻蝦係上面，個飯已經唔熱，櫻花蝦又唔見灑。至於食物質數，真係咸，味道一般，加上服務態度咁差， 請我都唔黎多次， 成班人咁做野法，間野真係等執。

本來想同工人姐姐慶祝生日，想食得好啲，點不知經過老人家話肚餓就唯有入嚟食。餐廳環境唔錯嘅，簡簡單單有我鍾意嘅東南亞風，菜單啲相都好靚，但係上到枱真係一啲都唔似。order左青咖哩牛舌- 啲青咖哩汁啲芡汁都未搞暈。蝦醬炒飯啲飯太林，生菜包啲生菜又唔新鮮，海鮮蝦煲，啲蝦煮得過熟都唔知係唔係翻熱。我煮仲好食過佢，所以點解香港啲餐廳真係冇人再想去，又貴食物質素又唔好。求其出嚟食餐飯都令到個肚唔高興。呢間相信只有中午啲人嚟食快餐。

之前看到這個店新開的時候也已經想吃終於再一次經過這附近 便馬上過來吃個下午茶下午茶的選擇也很多 菜單很大 有西式的全日早餐也有一些很飽的飯類 這次點了一個海南雞飯另外飲品方面也非常多 點了一個每一次看到都必定會點的泰式奶茶 然後朋友點了一個抹茶奶茶食物方面全日早餐就正常吧 但是那個廚師腸有點古怪 覺得這個檔次的餐廳應該會用一點外國的香腸 其他東西也是正常 海南雞飯好吃 值得推介至於服務方面 看得出來店家都是用一些臨時工 問他們食物裡面有什麼他們全都答不出來 訓練有點不到位 但是店的裝修環境是可以的也算是很好拍照的地方

叫咗幾次要杯、水嗰啲都冇人理，有個仲要係佢面前叫佢都扮聽唔到，真係比佢吹脹，等餐都等咗半個鐘以上，冇下次，餐具都唔算乾淨，會有污漬。晚市堂食價錢都唔平，叫咗個炒意粉都要百幾蚊

餐廳叫槾悠位於荃灣中染大廈，係ikea樓下。主打泰西Fusion菜，泰式同西餐都有。用左樹獺logo同植物佈置，環境令人放鬆，幾舒服。海南雞油香飯配迷你肉骨茶海南雞肉質幾嫩滑，配上油飯同甜豉油，唔錯。配搭迷你肉骨茶，有冬菇、排骨等配料，味道係藥材version。唔怕份量太多又可以食兩個款。香茅豬扒撈檬粉豬扒調味唔錯，炸得啱啱好，易咬。撈檬粉正常質素。午餐仲可以加小食，蝦餅、雞翼等等。午餐價錢幾抵食，有機會想試埋西式菜式同甜品。

用餐過程：首先在點餐過程中，侍應表演出極度的不耐煩，而且沒有耐性，及後在上菜時，亦沒有把菜式放好，隨便地放在一個位置，不理會可能會倒掉弄髒客人。除此以外，吃烤魚時更在拿走有熱水的蓋時，沒小心搬走，把客人衣物弄髒。用餐環境：極度，極度，極度窄小（很重要所以說三次）。設計不合理，一張普通的4人枱，在放了烤魚的爐後根本無處可以再放其他食物，配合侍應那愛理不理的態度，若客人不極力閃避，最後只會一物都閃污漬菜式評價：蒜蓉包 - 不熱不脆冬陰公烤魚 - 沒味道，多骨，「孩」大蝦炒金邊粉 - 蝦淋，炒油淋淋咖哩軟腳蟹 - 沒咖哩味，青口腥臭，蜆肉多沙

哩間開左半年的亞洲菜餐廳，每次經過都好吸引，今日去試早餐優點— 兩位waitress真系絕對不像sloth 那麼Stay Lazy，工作快手，很久沒有在香港見到，超贊。— 裝修吸睛舒服—早餐星期一到五，每天有一種早餐只賣$39，改善點— 選擇和預備牛肉要花點功夫。－上菜超快，亦可能太快，有部分野可能整定吾夠熱同吾好食，以咁檔次裝修但食物配合吾到，可惜。沙爹牛肉公仔面($39)3分— 沙爹味帶小甜，吾錯— 湯底話系雞湯，幾好味— 牛肉多但60%有硬筋，咬吾開，選擇和切牛肉的時候要留意—公仔麵彈口，芫茜牛肉麵($42)3分—芫茜只是放系面，無煮過，覺得比較失色，吾通沙爹汁只是放牛肉表面就算系沙爹牛肉？—牛肉一樣多，但好鞋，—公仔麵彈口—有3分系因為湯底同個麵。法國炒忌廉炒滑蛋(2分)—無忌廉味,比其他餐廳什麼鮮奶炒仲差。—滑蛋過老，一d都吾滑多士(2分)－吾香吾脆又靱。咖啡(5分)— 拉花幾靚— 早餐餐茶有咁質數非常好—————