天丼

營業中

休息中

來到紅磡看演唱會的朋友，不外乎會選擇隔離場館最近的商場吃個晚飯；而我就會選擇多走十多分鐘來到黃埔區用餐再進場巨星天丼 $89（送麵豉湯）天婦羅冷烏冬 $88久聞這店太久一直未有到訪（基本上平日甚少到訪各分店的所在地故在拖延），最簡單試一下最具人氣的就好了，朋友就選吃冷烏冬啦～ 兩款其實都是以天婦羅作為賣點，前者有黑虎蝦、帆立貝、魷魚、蟹柳、紫菜、本菇跟四季豆；後者就只有黑虎蝦、蟹柳跟幾款蔬菜，非常豐富呢～ 天婦羅炸漿夠薄身加上食材新鮮，味道是挺好的不會感到油膩，黑虎蝦、帆立貝跟魷魚這幾款是比我想像中還要好吃的！加上用超過190年釀製醬油跟鰹魚片熬煮的特調醬汁一同食用，醬汁份量控制得宜，加上軟糯黏口帶飯香的日本青森縣米配食材吃更加相得益彰，個人比較喜歡這個啊這款比另一間連鎖的丼飯店調味沒太重沒有把食材的味道掩蓋，更能吃到食材的本質！至卡烏冬方面也是不錯，麵夠冷也爽彈，鰹魚湯不會死鹹，吃起來都是比較清爽的～ 味噌湯就不過不失啦！店家自2018年起從日本來到香港開業，至今已有6間分店了，感覺是一間不求過度擴張，是先打穩基石再慢慢開展其他店舖的感覺～ 到訪當晚未知因為是有演唱會的關係來吃的都比

以前新開張嘅時候要排隊，但係最近已經唔使排隊好耐啦，所以今晚同屋企人經過見天氣暖暖地就去幫襯吓佢啦。🌟 天婦羅蕎麥麵（冷麵）推薦食呢個，蕎麥麵🍜夠凍夠爽口，配埋蕎麥麵汁好味。另外天婦羅都好食，有兩隻蝦🍤🍤，蟹柳同埋啲蔬菜🥬，食落脆口，仲暖暖地，其實整體都幾好味。另外我屋企人就叫天婦羅烏冬，我都試左一啖都ok，不過覺得蕎麥麵出色啲，有啲蕎麥嘅香味。😋推薦指數：7.5/10@littlefoodie_bb

叫左個巨星天丼，裡面有炸黑虎蝦，炸本菇，炸魷魚，蟹柳等等，全部炸的很卜卜脆，又大件，食材也很新鮮，加埋檯面自帶既豉油一絕，店裡面服務也很好，會時不時過黎加茶，問你用餐體驗，不過凍檸茶對我來講，就貴左小小，要+16元唔係特別大杯，但總體來說實惠又好食的日本餐廳，午市單食巨星天丼100有找，離我屋企又近，下次會再試下其它套餐，一定會帶朋友屋企人再幫襯！大家黎到黃埔千企唔好錯過尼間店，味道一定唔會令你失望

今日又到黃埔返工 Lunch食左天丼朋友就點左巨星丼飯有虎蝦蟹柳魷魚帆立貝紫菜本菇四季豆各一份靚樣 睇到都食慾大增我點左鱚魚冷蕎麥面定食有鱚魚虎蝦蟹柳茄子蓮藕啡菇四季豆天婦羅各一份鱚魚就係細細條嘅白肉魚無腥味 好滑又無骨 啖啖肉但亦相對無咩魚味四季豆 蓮藕同茄子 炸得熟但同時保留到蔬菜嘅脆度同水份非常正👍🏻 蟹柳無雪味👍🏻隻虎蝦好彈牙👍🏻天婦羅粉槳只係薄薄一層包裹住食材鬆脆 入口無多餘嘅油 蘸上拌入左蘿蔔茸同薑茸嘅調味汁一啖接一啖 完全唔想停蕎麥麵正常水準 但要讚個冷麵汁夠凍 加分👍🏻最後係兩位樓面服務員 非常有禮好主動及時添茶👍🏻

去完黃埔奇趣天地 買完玩具比小朋友做生日禮物突然醒起肚餓，就喺隔離條街搵食求其搵間餐廳食，然後快快回家湊女！見到呢間餐廳食天婦羅🍤 諗住都好耐無食過呢類野而又無人排隊 就衝左入去！睇睇餐牌咦？點解天婦羅配烏冬要加錢？仲要價錢唔係平喎！唉！入左去坐低費事又起身走人，加上真係好肚餓，就是但揀一樣食完就走，最多無下次姐！！我揀左帆立貝盛合$148 +$36（烏冬）其實食物味道唔差個天婦羅炸得幾脆！咁嘅價錢加埋一成二百幾 唔怪之得咁冷清下次我都係睇清楚先入餐廳食嘢🤣🤣

今日同一個係外國黎嘅朋友食飯，佢話好耐未食過日式野🇯🇵🇯🇵（佢地個邊個日式餐廳唔多而且唔係好正宗），天丼係一個水準嘅穩定嘅天婦羅餐廳，而且係日本過江龍🤤🤤，所以就帶左佢黎食。🥕海老滑蛋丼啲蝦真係炸得幾脆，咬落去好爽口，食得出啲蝦好鮮美，啲蛋都好滑。個汁非常美味，好有係日本食嗰啲嘅味，而且非常入味。我嘅外國朋友食完都讚不絕口😋😋。

之前一路都食開，一樣既餐，三個月前同而家比加價接近一倍，HKD 170+10% ，之前HKD 8X 雖然幾好食，不過決定冇下次入到去睇到餐牌唔同左，天婦羅同蕎麥麵要分開叫，冇得一個餐咁問職員點解冇左餐，佢地答因為好多女仔細食，所以會分開叫，完全九唔搭八，唔知佢up 乜

第一次出手竟然係負評正正常常舊餐牌，食蕎麥麵食烏冬一個set，我估都應該係招牌菜，但係點估到一間餐廳竟然將自己招牌菜改咗，一坐低睇到個餐牌，已經想起身走人，我真係寧願佢加價，但係用返舊餐牌，起碼可以有天婦羅同冷麵食再去咁落去呢間嘢一定執笠唔係真心想佢好都唔會打呢一篇嘢，當初食呢間嘢嘅時候，我仲係咁介紹俾身邊嘅人話，好食，有性價比，依家入去竟然去食丼飯，味道唔錯，但係份量少到爆，然後想飽啲就要加飯，加飯就係價錢，希望佢哋可以見到依篇野

都有一兩個月無食，見天氣咁熱，就想起去食冷麵。去到仲唔駛排隊，心諗咁lucky ，點知望一望餐牌，就知道點解唔駛排隊了。餐牌改了，以前有三隻蝦的套餐消失了，所有冷熱烏冬，素麵和蕎麥麵都沒有套餐了，要$36單點一碗麵再自己加餸，感覺上貴了很多。明白加價都係無可避免的事，但可以保留舊menu ，在舊價錢加價，而不是把套餐拆開，迫人散叫才可食到麵食，感覺不化算。 走時在收銀看了外賣menu，發現還有舊套餐叫，難度是我眼花了嗎？

夏日炎炎除左正好眠之外就係食冷麵啦🤣。跟友人即興走入紅磡找到了一間著名食天婦羅的專門店食冷面。該店除了冷麵之外仲有丼飯及其它佐酒小食之類的食物。這店比我第一印象是服務質素十分友善親民。 因為當我跟友人諗住在店外等埋朋友才一併進店時店員已安排我們進店內等怕我們熱真是十分貼心。 當進店一陣子跟友人點了啤酒消消暑, 等左一陣店員走近告知該店的老闆娘弄了一點小食供我們佐酒這是額外附送餐牌沒有的😍聽到後跟友人十分開心真是太好了吧👍。（這碟是天婦羅菇面層塗上少許明太子醬, 味道十分夾又好食😋好適合佐酒）這還不夠他們之後也送了迷你版的八爪魚天婦羅給我們食, 她說因為size太細條唔會賣出去見我地飲緊酒所以比我地佐酒食。這店落單方式是手機下單, 以下是跟友人下單的食物：🐚帆立貝盛盒🍱 配蕎麥麵（青森帆立貝、刺身帆立貝、赤鯛、黑虎蝦、啡菇、 蓮藕，四季豆）每件天婦羅食材都好新鮮, 件件炸到金黃色脆卜卜, 店員教路要食左赤鯛先, 之後再食帆立貝, 其他慢慢食都可以。 該店除了天婦羅醬汁外仲有綠茶鹽、海鹽和紫蘇葉鹽。每件天婦羅曬上對應的鹽會令味道仲更上一層樓, 如果沾醬汁仲可以消除油膩感, 真心好食。蕎麥麵

以前最愛的淺草丼冇咗(有三隻大蝦)，其他丼得返一隻蝦，烏冬同面都由兩蝦變到一蝦，價錢就冇變，雖然有比返其他野取代D蝦，但依加唔抵食了，始終炸蝦係最正! 不考慮再光顧。

兩個月沒有光顧，今天再來，店鋪的環境，貼心的服務，美味的天婦羅都沒有改變，但現在的天丼已不是天丼了！餐牌已煥然一新，以往多款定食都消失了，只剩下四款丼飯，其餘的都是單品。以前喜愛的蕎麥麵定食消失了，單點一份蕎麥麥麵是36元，單點天婦羅最便宜的是76元，以往定食的天婦羅如今應是百多元，兩者價錢加起來差不多是以前定食的一倍。於是點了丼飯，天婦羅美味依然，但飯比之前少了大約一半。難怪點餐單加上了加飯一項(5元)，很後悔沒有加飯。用餐後細看，全店原來都一直只有我和另一枱客人，門堪羅雀，與之前的門外多人排隊輪候真有天壤之別。不論在日本或香港，天丼都是以大眾化價錢讓平民階層享用優質的天婦羅，高性價比的形象深入人心。可惜，今天的天丼已不是平民食堂，成了高檔次的天婦羅居酒屋了！究竟是百物騰貴下的求存之道，還是瞄準經濟復常後高檔旅客的營銷策略？或許只有香港的營運商才可解答，只是原來的天丼已隨之前的餐牌消失了。

今晚經過黃埔花園，記得這家天丼初開張時有光顧過，當時門外大排長龍，今晚見人龍不長，所以想再光顧，不到10分鐘已可入座。原來堂食已換上全新餐牌，只餘下四款丼飯給顧客選擇，已沒有跟烏冬的套餐。如要選烏冬或冷麵，則需加$18半份或$36一份。我選了一款丼飯，附麵豉湯。天婦羅有兩隻虎蝦，蟹柳，茄子及蔬菜等，味道較清淡。需要加添調味料才有味道。因想吃熱食，所以最後亦加$36點了一份烏冬。結賬連加一已過$100，感覺已稍稍加價了。

紅磡舊區的那邊一向餐廳眾多，原來開了一間主打天婦羅的日式餐廳，上網查一下見到在不同地區都有分店。餐牌上一般可以選擇跟配烏冬的天婦羅，或者我選擇的其中一款天婦羅丼飯上天丼($72)。丼飯類會跟配一碗味噌湯，但這碗湯沒有甚麼材料味道又很鹹，日式餐廳來說表現參差。天婦羅包括有蝦、蟹柳、豆角、蓮藕和茄子，碗大但白飯少於半碗，份量不算多。不過，想不到樣子平平無奇的天婦羅卻有點驚喜。每一件天婦羅的炸衣都是香脆薄薄的，不會死實厚身，吃起來不會感到很有負擔，炸漿是做得不錯的；天婦羅裡面的材料都不錯，用上的質素以及拿去油炸的時間都是控制得剛好，最後放上白飯面上菜亦不會很油。本身見到白飯的份量比較少還以為食完會覺得剛剛好，但始終是油炸，天婦羅會比較膩，所以吃完一碗丼飯感覺有點撐，因此份量是足夠的。計上加一服務費後這頓午餐大概$80，以地區來說不算是便宜的午餐，但若這個價錢食到有質素的日式天婦羅我覺得是值得的，因香港很多餐廳以便宜或者同樣的價錢也未必做到這個質素，而天丼的天婦羅是有點驚喜的

It was no surprise that the summer in Hong Kong is extremely ho, so what’s better to have a cold noodle! There has been a lot of Tempura Tendon Tenya brunches popping out lately, but I never had the chance to taste it. They are often crowded with a huge line outside, and it’s definitely not a great temperature to queue outdoor.The one located at Hung Hom has a fair amount of wait time, so I recently had the pleasure of trying the Tempura Tendon Tenya and overall to my surprise, it was not bad at