食好西 (已搬遷) 新店位置

有日經過黃埔附近，咁啱又到食飯時間，見到德民街角落找換店附近有間主打焗飯同意粉的外賣店，望落鋪面乾淨企理，見到餐牌好吸引於是就打算試下，但係餐牌好多選擇，不過可惜胃只有一個，想來想去於是試一試主打的椰汁焗葡國雞扒飯，因為即叫即焗所以都等咗差不多10分鐘，食落果然值回票價，味道不錯，師傅用咗炒飯底相當有誠意，加上椰汁能帶出飯的香味，而且葡汁食落唔會太”漏”，雞扒又多汁又夠淋，下次有機會再試埋其他出品。

今日黎開紅磡做野，紅磡出曬名多好野食😋就上openrice搵下有咩好介紹？！Search下見到呢間‘食好西’ 😌🤔 名幾得意🤓 坤哥爆出黎既潮語🤣😂 一於試下佢～去到見有幾個外國學生係門口等緊外賣，問左店員，原來開左半年… 見餐牌 焗飯炒意粉 好似幾得。於是叫左個三文魚蜆肉炒意粉+忌廉蘑菇湯 試下～原來有9折😎👍🏻即叫即炒原因，大約等左10分鐘。返到屋企 洗完手即開黎吃～ 好香三文魚味，色澤都唔錯，魚肉蜆肉都幾多 👍🏻 味道幾好👍🏻 蘑菇湯唔會太濃 蘑菇比例 個人覺得幾平均，熱辣辣 好快飲晒😋呢間外賣店都有用環保餐具，出一分力👏🏻可以encore 😌👍🏻

今日趕住返屋企收貨，都係穩陣啲買外賣返去吃啦！今次就try try 街角呢間小店先，揀咗個煎蛋炒雞肉卡邦尼年糕試吓卡邦尼意粉同韓式炒年糕就食得多，將呢兩個原素擺埋一齊又幾特別喎，打開個餐盒一望都幾足料，年糕配埋d 卡邦尼汁香滑軟糯，再加上雞肉炒過堅香，仲有啲爽甜嘅洋蔥、甘荀同椰菜絲配撘吓咁，食落又多咗種唔同嘅感覺。廚師大佬都應該好細心知道食年糕唔夠汁係好災難性，所以d 汁都好足夠，唔會食到尾乾噌噌咁，差d唔記得提隻煎蛋添，仲有少少流黃㗎，好美味的一餐！

昨天，天氣麻麻地，同事話想試新嘢，咁我地就order左呢間'食好西'。睇menu, 呢間好似主打焗飯，不過，我就吾鐘意食咁多肉，咁我就簡左白汁三文魚，蜆肉意粉。見到樣貌平平，點知食落又幾好味。意粉蓋着濃濃的芝士，蜆肉又多，好有囗感。加$換了個羅宋湯，係我最愛的濃濃蕃茄味。也試食了同事的瑞士汁雞亦炒年榚，年榚汁索了喘士汁，配搭得好好味。

見到呢間小店都開左一段時間，今日放工決定幫襯下。今日order左小店推介的葡汁焗雞扒飯。個飯的味道都幾好，啲雞扒食落嫩滑香口和葡汁極之夾。飯的份量亦足夠。整體來講，我對嗰飯十分滿意，唯一的缺點係啲飯炒得吾夠香，如果可以再炒香少少就好。另外，今日看左小店的menu, 發覺有好多唔同選擇，有焗飯，有意粉，有沙律和撈麵。對小店來話真係吾容易。店鋪雖小，但店員有禮，環境感覺衛生，選擇亦有好多，下次一定要再試多幾款。

原本冇咩期待，因為免治牛應該好普通，所以相都冇影到，係根本冇諗住影，但比想像中好！打開盒飯已經聞到幾香，食落味道仲Ok，唔知落咗咩香料落去，好易入口，勁快就食完，啱晒趕時間果D。肉同飯嘅份量都好足，打開時見到係滿嘅。仲可能係因為行返去時行得太急，搖得勁，盒邊盒頂都沾到少少肉汁...下次真係要慢慢行，因為真係裝得好滿😆！另外仲嗌咗個紅湯，好重蕃茄味，應該幾足料，新鮮嘅。總括嚟講係扺食，下次會再幫襯

今日lunch 就試左一間新既外賣餐廳,叫左個瑞士雞翼炒意粉🍝瑞士雞翼有四隻,仲要每隻既SIZE都好平均 , 58蚊黎講,真係好足料呀!😍😍雞翼煮得十分之入味同埋肉質都好鮮嫩,真係食過返尋味😋😋而瑞士汁就調較得岩岩好喇,味道十分適中,唔會過鹹又唔會過甜,仲要岩岩好咁包住曬每一條意粉, 食曬成個意粉都完全唔會覺得膩💓💓意粉方面煮得比較彈牙,就算拎到番OFFICE(大約10分鐘路程)都唔會軟曬,份量都俾得好足,唔會話用外賣盒裝住而偷工減料 總括黎講瑞士雞翼炒意粉係值得一試👍🏻👍🏻👍🏻除左意粉之外,餐廳仲有好多唔同選擇,例如有咖哩,焗飯同年糕, 下次一定會再試下其他野食😚

去開黃埔做野但又要返公司，經過見到依間外賣店就膽粗粗買返去試下。叫個焗豬扒飯，原本諗住應該都要等一陣先有得拎，已經睇定下一班巴士幾時到。點知落左單之後大概10分鐘左右就有得拎，而且個飯熱辣辣唔似一早整定，我仲可以直接趕到最快嗰班車，超幸運！返到公司即刻食都仲熱，好香！食之前梗係要影張相先啦～原本以為盒飯唔算大份，但原來份量超足！豬扒又大塊又夠厚，食落夠滑唔會鞋口，味道有少許甜味好好食！舊蕃茄加埋醬汁同芝士好juicy，食得出啲材料係靚料，平時食焗飯都會夾走D蔬菜既我都食曬！配埋個炒飯底真係絕呀，成個飯都好高質！而且食左半塊豬扒都飽左7成，淨返3分1個焗飯都留起佢食埋下餐！依間應該新店無乜comment，所以留個食評支持下小店。下次經過會再幫襯，要試下佢個年糕先好似幾吸引咁！！

焗咖喱魚柳飯 $66呢個係佢哋新出冇耐嘅產品～ 上面有大大塊魚柳同咖喱汁鋪面😆食落去少少辣辣地 咖喱味都香 就算唔食得辣嘅人都可以試！經典鮮茄焗豬扒飯 $59個飯食到有大大嚿蕃茄😍 蕃茄食落去酸酸甜甜 而且份量都唔少！ 芝士都好足料🤤 有拉絲嘅效果豬扒肥瘦適中～ 食落唔鞋😙椰汁濃香焗葡國雞扒飯 $59除咗咖喱同埋蕃茄之外 仲有葡汁可以揀🤭聞落去好香 雞扒食落都滑 size 就適中 一個人夠食😝撈勻一齊食 食落口感濕潤 仲有少少椰香😆瑞士雞翼炒意粉 $58呢個意粉嘅汁超好食‼️ 小編好快清晒食碟😂瑞士雞翼就有三隻 食落口味都重😈 鹹鹹甜甜咁 意粉食落都乾身同埋彈牙😻蟹肉大蝦洋蔥炒意粉 $69呢款同瑞士雞翼嘅嗰款小編就私心瑞士雞翼🤫呢一個意粉有一啲蟹肉同大蝦 仲有唔少洋蔥增添口感😋 呢個意粉食落去就較濕潤🥰 鍾意食海鮮嘅可以試吓！挪威煙三文魚沙律 $54呢個沙律都好足料😚 三文魚好大塊😍 仲有唔少沙律菜、麵包粒同芝士粉🌟 減肥啱晒！椒鹽花枝丸 $39花枝丸食落去鹹鹹地 食落去彈牙炸餃子 $23一共有五舊 餡料比例適中 咬落去外脆內軟炸大魚蛋 $23魚蛋冇小編想像中咁大粒🤣 原本以為喺長洲大魚