泰拍耶

營業中

休息中

叫咗二人餐，前菜嗌咗酥炸皮蛋，上到嚟係成粒皮蛋切開一半，切多一下都懶。未食過咁大舊夾都夾唔起。主菜黃咖哩雞全部都係勁碎嘅白色連皮雞肉，大約手撕雞大細咁加埋total得5-7件，3塊薯仔口感差，成碗都係硬崩崩嘅洋蔥蘿蔔青椒，份量少之餘雞同蔬菜都完全唔入味，懷疑係煮完咖喱汁就咁劈落去。而啲咖喱都煮得唔夠杰，水到好似湯咁。冬陰公湯得個辣字，蝦完全唔入味。成個set得泰式奶茶+$12同前菜酥炸皮蛋味道幾好。整體不推薦。

不齊人不能入坐，入坐起計90分鐘計，4人餐份量不太夠，4人餐有點貴。只有90分鐘進食時間，沒有足夠時間食嘢和傾下計。額外點菜又貴。蝶豆花椰汁，完全沒有味道，冰又多。不夠人招呼，沒有提供公匙羹和公筷。

今日係黃埔Aeon買野，買完之後就係入面呢間泰國菜到食晚飯😋，佢係正aeon入面超級方便，舖入面空間好闊落坐得好舒服👍🏻姐姐們嘅服務態度都好好、好主動幫手，十分推薦🌟＊＊＊＊＊🐷燒蜜汁豬頸肉 $95🐬汁燒大鱔（2串） $78叫左兩份燒物，佢地係即叫即燒、上枱熱辣辣架，燒大鱔嘅肉質彈牙好新鮮，不過有少量魚刺要小心食～豬頸肉沾佢個蜜汁好正😍😍🍝蛋包大蝦炒金邊粉 $88🥬馬拉盞炒通菜 $78炒金邊粉比想像中淡味啲，不過呢個價錢仲有咁足料嘅大蝦🍤同配料已經超抵食啦😍🍻泰國象啤 $28 / 瓶＊＊＊＊＊更多食評資訊：IG🔎litcloud_

🚩黃埔天地🚩估唔到Aeon隱藏左間抵食CP值極高既泰國菜🇹🇭🇹🇭辦年貨行到攰就坐左入去食好西😋😋見到有套餐，咩都唔洗諗，即刻選擇咗個二人套餐🙂✌🏻二人海鮮精選套餐 $388🍤雜錦拼盤（細）炸蝦餅、炸春卷、炸雞卷、炸魚餅餐廳即叫即打，上枱個陣熱辣辣，口感彈牙，唔會太多炸粉，沾埋泰式辣醬超級好味😙😙🐷家傳泰式滷水豬手原隻巨型豬手以泰式滷水炆，旁邊配有酸菜，口感超淋且份量相當多🍲泰式冬蔭公湯（+$10）味道唔會太辣且椰奶味重😋😋配料相對地多，大蝦🦐、魷魚🦑、菇等，都可以有3-4碗🔥濕炒海鮮河有大量魷魚、有蝦🦐，西蘭花同芥蘭🧋泰式奶茶配合了香港人口味😍😍唔會好甜，但又有泰國既味道，超鐘意呢杯Thai Tea💡整體呢個套餐真係超抵食，絕對係足夠3-4人一齊食，餐廳環境舒服，坐位寬敞，最重要係佢價錢親民，CP值高😌😉📍 泰拍耶 (紅磡)🗺️ 紅磡黃埔天地第5及6期地庫AEON StyleB02號舖

黃埔有間泰菜，有個泰式餐廳精選2人套餐好抵食，份量又多，唔錯唔錯。酥炸皮蛋油炸至金黃酥脆，皮蛋的香氣和鹹味與外層的酥脆口感形成對比，配上甜辣醬，更加開胃開泰式燒雞烤至外皮焦香，肉質嫩滑多汁。帶有濃郁的焦香味，能夠提升雞肉的風味。冬蔭功湯幾正宗，用鮮蝦，香茅，檸檬葉，辣椒，檸檬汁，魚露和椰奶熬製而成，湯汁清爽酸辣，蝦肉彈牙，香草的香氣四溢，能夠解膩和暖胃。香茅味令成件事好突出。泰式菠蘿炒飯色彩繽紛，蝦仁，蛋，蔥，腰果和菠蘿粒拌勻，增加視覺效果。菠蘿炒飯的味道鹹甜適中，米飯鬆軟，菠蘿的酸甜和腰果的香脆，給人一種清新的感覺。椰汁西米糕清新香甜，濃濃既椰汁香好開胃又解膩！非常正既飯後甜品

放工去超市買野，順便食個飯，本想去food court，但經過泰拍耶又想食下泰國野，即刻問下朋友黎唔黎先。一出黃埔站口就到，正正在Aeon超市的生果部旁，交通十分方便😆前廳坐滿，店員帶左去後面卡位，好快就送上水同餐牌，睇下食咩好先。二人餐有兩款，揀左2人海鮮精選套餐，因為想食個軟殼蟹🦀⭐泰式燒牛肉沙律前菜揀咗燒牛肉沙律，牛柳肉味十足有咬口，沙律有芹菜、洋蔥、青瓜等，個沙律汁調得好好味，辣辣酸酸勁開胃👍⭐泰式冬蔭功湯湯品要咗冬陰功，因為另外兩款真係唔多吸引🤣食泰國嘢梗係要飲冬陰功湯啦，呢度個冬陰功湯落咗少許椰奶，酸辣味較重，除咗香料，仲有好濃嘅海鮮味，入面有蝦、香茅、雜菇等好足料㗎🤤⭐泰拍耶招牌黃咖喱麵包軟殼蟹農夫包入面放咗黃咖哩，上面仲有一隻軟殼蟹，賣相真係唔錯😋軟殼蟹炸得香脆，鮮味多汁，農夫包吸了咖哩醬香口好食，可惜黃咖哩不辣，個人都係鍾意食辣少少嘅咖哩，雖然佢唔辣但其實都好好味嘅🤤大大個包都好快食曬。⭐泰式菠蘿炒飯最後個主食就要咗菠蘿炒飯，鍾意佢有菠蘿同提子乾，甜甜地嘅口味，其他配料仲有蝦、魷魚、三色豆、腰果同豬肉鬆，炒得香口乾身唔油膩，足料好味😋⭐泰式奶茶&青檸疏打個餐唔包餐飲，

今日放工去左黃埔Aeon 買野路經見到有泰國菜，順便食晚飯2人餐好抵，但無我想食既野，最後散叫海南雞半隻👍🏻👍🏻👍🏻👌🏻雞都算大雞，雞肉好滑另外叫左一碗油飯，好香好好味豬頸肉生菜包👍🏻👍🏻👍🏻👍🏻豬頸肉燒得好香，微微燒焦，肉質爽彈生菜都夠多夠翠綠青咖喱雞👍🏻👍🏻👍🏻👍🏻👍🏻青咖喱好多泰式茄子，泰式豆，配白飯食好開胃火山骨👍🏻👍🏻👍🏻超大份，好多肉，肉質好嫩滑，配埋酸酸地醬汁，好開胃，好滿足原本想食芒果糯米飯，但太飽最後都食唔落

🐽 炸蝦餅炸到外脆入面咬落好彈牙，蝦嘅鮮味好濃郁，點埋辣醬一齊食好出色✨🐽 燒蜜汁豬頸肉真係好juicy同好香，豬頸肉燒到啱啱好，一片片甘上碟食落好方便，入面唔會好乾身，啖啖肉好正🐽 燒雞配蝦片雞肉嫩滑多汁，雞皮香脆，食落肉質亦保持到嫩滑。蝦片好脆口，兩者一齊食真係好搭配🐽 蝦醬炒飯飯粒乾身彈牙，炒得好香好味，份量亦都好大碟，胃口唔太大2個人一齊食都好夠食，啲蝦醬味道濃郁，同埋面頭既炒蛋一齊食真係令人回味無窮

今日同老公去咗黃埔AEON辦年貨，買咗好多嘢準備過年，買完開始有啲肚餓，一行出超市就見到呢間裝修精緻嘅泰國餐廳，又有好多菜式選擇。我哋叫咗2人海鮮精選套餐，有頭盤、主菜、湯、主食，埋單都係$388加一，嗌埋泰式奶茶都係加$12，好抵食！ 泰式燒牛肉沙律沙律份量都算多，牛肉燒完唔會乾爭爭，調味係有少少辣嘅，好惹味香口，總共有差唔多十塊燒牛肉，每一塊都算厚肉，性價比高泰拍耶招牌黃咖喱麵包軟殼蟹一上枱見到個份量都有嚇親，原來係咁大碟嘅！ 軟殼蟹大大嚿，炸粉唔會好厚，黃咖喱調味適中，唔會過咸或者好辣，配埋麵包真係好好食，個麵包有烤到卜卜脆再吸晒啲咖喱汁真係好正😆😆泰式椰汁雞湯平時嗌冬陰功湯就試得多，泰式椰汁雞湯我都係第一次飲，味道好好味，既有泰式嘅酸辣味，但又有椰汁煲雞嘅滋潤，配料有好多雞肉、菇同埋蕃茄仔，好多料。上枱時熱辣辣好適合今日咁凍嘅天氣飲，飲完個身都暖晒，好推介😋😋👍🏻泰拍耶招牌泰式牛肉船河船河味道好正宗，完全係我之前去曼谷食嘅一模一樣，好回味😆牛肉片唔會老，份量都有好多片，河粉唔會煮到爛晒，鍾意食湯麵嘅一定要嗌嚟試吓！另外+$25有是日精選泰式甜品，今日甜品係椰汁西米糕，一份有四嚿

泰拍耶 (紅磡)紅磡黃埔天地第5及6期地庫AEON StyleB02號味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：火山排骨(小) $98，蝦醬炒飯 $80，椰汁西米糕 $45，蝶豆花椰汁冰 $32泰拍耶位於港鐵黃埔站D1出口隔離，行幾步就到，交通非常方便！😄😄😄火山排骨：這個火山排骨是食店的廚師推介之一，超大件的排骨用泰式清湯炆煮，點餐時店員特別趕醒這個菜式份量頗大，所以只點了一個小的，但上枱後見到的size依然比想像中大，進食時會有愚公移山的感覺，最後都還是要打包帶走，建議可兩人共享！泰式清湯可選大中小辣，不大吃辣的朋友可選小辣，口味會相對較清淡，但能更好地保留肉質的鮮嫩和原汁原味！👍👍👍蝦醬炒飯：蝦醬味濃香噴噴，炒飯亦火喉十足，所以很入味，配料方便還有臘腸、炒滑蛋和肉鬆。臘腸切粒後炒至香口好味道，蛋只炒至剛熟依然保持嫩滑，肉鬆帶來一點肉香和酥脆，各種食材互相配合，口感豐富！😍😍😍椰汁西米糕：這款甜品口感綿密細膩，非常柔軟順滑，散發出香濃椰奶味，西米濕潤而有彈性，入口時會覺得非常香甜軟滑！😋😋😋蝶豆花椰汁冰：外觀是奶白色而帶有微微的一點藍，非

經過好多次但係都冇諗過入去食，亦都冇留意呢間餐廳。今日行完AEON極度肚餓，所以就入咗去啦。但係估唔到有驚喜‼️，雖然唔係好平，但係野食好味（不過唔知係咪我太肚餓呢🤣）。叫咗個二人👫精選套餐$328，有頭盤，主菜，湯同埋一個飯/麵/菜。🌟 泰式燒雞鍾意食呢個，雞皮燒到脆脆地，加埋泰國香料👍🏻👍🏻👍🏻，仲有蝦片🦐食🌟 菠蘿炒飯好難唔好食，不過純粹個人喜好，我每次食泰國嘢都要食🍍🌟椰汁雞湯呢個又係覺得好飲，好香椰奶味，份量大碗。食曬成個二人餐，最後食到超級飽。#hkfood #hkfoodie #foodphotography #foodblogger

菠蘿炒飯 4/5好食👍🏻傳統海鮮冬陰功清湯 2/5👎🏻落左好多魚漿蟹柳招牌馬沙文咖喱牛筋腩鍋 2/5牛腩好鞋口，牛筋好少原個椰青焗海鮮飯 3/5幾細個下，都ok但有食過更加香既

去到黃埔Shopping順便同媽子食個飯 😄聚一聚 天氣凍易搵方便🤣2人精選套餐A頭盤Appetizers📌炸蝦餅 Thai Prawn Cakes主菜 Main Course📌泰式海南雞(半隻) Hainanese Chicken (Half)湯（二選一）📌泰式椰汁雞湯📌濕炒海鮮河粉飯/麵/菜類Rice/Noodles/Vegetables📌蛋包大蝦炒金邊粉🏷️泰拍耶 (紅磡)📍紅磡黃埔天地第5及6期地庫AEON StyleB02號舖 #黃埔 #泰國菜

今日嚟到黃埔食泰國菜，路過見到門面幾靚。見到入面都有幾多卡位。餐牌好多選擇，唔想左諗又諗之下就揀咗個二人海鮮套餐，有頭盤，主菜，粉麵仲有個湯。另外我哋仲加錢要咗個是日甜品。頭盤-雜錦拼盤（細）拼盤有四款小食。每款兩件，有蝦餅，魚餅，春捲等。全部都係啱啱炸起，新鮮滾熱辣，好脆口。係個魚餅會有少少辣，其他都唔辣。湯-椰汁雞湯，完全唔辣嘅。好重椰子味同埋有嗰啲香料嘅味道，另外我相信可能係有少少青檸，所以有嗰啲泰國嗰啲酸酸哋嘅味道，好開胃。材料方面都好足，有菇有雞。主菜-咖哩麵包軟殼蟹呢個真係好啱打卡。原個麵包入面裝住咖哩上，上面擺住一隻炸好嘅軟殼蟹。食嘅時候可以拆咗個麵包點咖哩食。麵包做到外面脆身嘅，入面咖哩加咗蛋花再有少少配料，蔬菜。呢個汁呢真係好好撈飯，點麵包食都一流！個軟殼蟹唔係平時食嗰啲淨係得炸漿嘅，你直情見到有隻蟹係入面，仲要有蟹膏，真係好好食。飯麵-海鮮濕炒河粉。其實河粉炒得幾夠鑊氣，不過配料就普通野，都係魷魚，蝦仁&蟹柳。最後是日甜品係泰式椰汁糕（加25蚊）有四件，上面嗰層係椰汁，下面呢就係綠色嘅糕點。我平時都好鍾意食呢個甜品。2人餐份量好足，我覺得女仔來食，3個都夠食！另外值

今日約左朋友黃埔行街，想食泰菜，近近地地鐵一出Aeon超市對面就有！舖頭睇落好有泰國feel，我地每人叫左個lunch set ，有一個主餐，一份小食同一杯飲品飲品上先一試不得了...個龍眼冰超好味！個侍應聽到我地勁讚佢都話個龍眼冰係佢地煲出嚟，唔係出面啲沖劑！唔怪得咁好味！龍眼又大粒又好肉，食午餐都係加$10咋大家記住試另一杯珍多冰又係正野！ 濃濃的椰汁🥥配上啫喱條，仲好飲過係泰國果啲馬沙文咖喱牛筋腩飯非常足料！用洋蔥青椒馬鈴薯🥔加入馬沙文咖喱和牛筋腩，最後在咖喱上加上了椰奶！濃郁惹味！配上了一大碟白飯伴著吃！海鮮冬陰公湯河又係超足料！有魷魚，鮮蝦，雞旦等，最特別是上邊舖了一張雲吞皮，索滿了冬蔭公湯！超讚！看得出店舖非常有誠意開餐廳！食香味俱全炸蝦餅非常厚肉，香脆，充滿蝦味！蒜蓉炒雜菜滿滿一大盤！有西蘭花有椰菜菜心，紅蘿蔔🥕等...用蒜蓉炒到非常可口，亦很鮮甜！大家也要多吃蔬菜喔❤️