茶里 (淘大商場) (已結業)

今次係第三次用OpenRice落單買飲品同上次買貢茶一樣 冰融哂 杯嘢淡哂唔知係乜事 手機落單特色？😂😂。本身就好中意飲呢間嘅芋頭拿鐵+珍珠仲有西柚泡泡 雪芝火龍果等真係成日幫襯 勁正 真心好好飲。因為朋友話用OpenRice落單有折扣就試咗5:30左右落Order 6:00取 6:05左右到達我自己叫少冰 但一粒冰都冇 連杯嘢都唔凍了如果正常冰 啲冰融哂 仲唔凍肯定更差。呢間分收銀 取餐兩邊我已經買過好多次就知係喺取餐嗰個位攞跟住見到個職員坐喺整飲品位置食飯😥跟住瞬間諗咗一下佢會唔會係一路食飯一路整我杯飲品🤢跟住叫咗佢幾次都唔應人 等咗一陣冇人理我咪行去收銀同另一位講又叫返我過去 究竟想點😑。最慘係 之前用OpenRice落單無論買貢茶 定係小店飲品間間都會俾個OpenRice嘅袋呢間叫做係連鎖嘅竟然冇唔係想貪你個袋 但買幾杯都冇個袋 一個人點攞？。會繼續幫襯 但唔會再提前叫最多係即場撳再等咁樣廢事為咗慳幾蚊 冰融哂 杯哂又唔凍咁

繼上次用OpenRice Apps買珍珠奶茶後，今次繼續透過呢個Apps 落單，仲有全單七五折優惠，真係好方便同好抵！👍🏼今次飲葡萄柚四季春。職員準時預備好飲品。一到店舖就有得攞，完全唔使排隊。飲品方面，葡萄柚唔突出，加上四季春茶底比較淡，基本上只有微微茶味。即使已經要求走冰，但成杯飲品都好淡，有啲似飲葡萄柚溝水😣。真的有點失望。不過可能只是今次失手，沖得唔好，因為之前買同一杯嘢飲都沖得唔錯，所以如果Apps 之後仲有七五折優惠，會比多一次機會買飲品。

放工經過淘大，就周圍行下，咁啱見到呢間叫茶里嘅鋪頭，行去望下，發現收銀哥哥幾靚仔再望下Menu, 見到四季花茶系列好似幾正，平平地24蚊一杯，一於叫一杯嚟試試。呢間嘢原來收銀同埋拎嘢飲嘅位置唔一樣，收銀哥哥有善地告知我四季花茶系列即叫即整，所以要等5分鐘，同埋叫我去轉角位等拎嘢飲，我冇咩所謂，反正5分鐘玩下電話好快就過。沖嘢飲嘅果位都好靚仔，搞到我好想入去做🤣等佢叫到我number, 二話不說立刻試飲。結果味道真係幾唔錯，重點係杯嘢隻色好鬼死靚，淡粉紅色再加上玫瑰花，拎嚟打卡就perfect 池，淡淡嘅花香飲落去非常順口，下次會再飲。

之前都有飲過呢間既仙草蜜桃烏龍奶茶.....覺得都好好飲架，所以今次就諗住試下桂花烏龍，點知係伏黎😖😖...完全飲唔出桂花味！！！！連最基本既烏龍茶底既味道都飲唔出黎杯野望落好淺色，而且飲落真係同水冇分別🙄🙄🙄🙄感覺似係比左十幾蚊買左杯顏色似綠茶既野飲咁😞😔😔😔杯野飲左一半都無就掉左啦，仲諗住今次都會好飲，點知......呢杯野唔會再買！！浪費金錢又浪費飲品☹️☹️☹️唔知全糖會唔會好飲啲啦😒

味道好差 今日經過見到 叫咗一杯西柚泡泡茉莉茶 首先望到負責沖野飲嗰位工作人員竟然冇戴口罩 已經唔太敢飲 但係唔想嘥錢都係飲一啖試咗好唔好味先 點知一飲落去超甜 同一罐幾蚊嘅芬達飲落一樣味 芬達仲好飲過佢少少 加上諗起佢冇戴口罩 越諗越驚唔敢博 最後成杯掉咗落垃圾筒 另外想講 佢外賣袋要加一蚊 杯野已經唔平 仲要賺到盡 唔會再去 好難飲 跟住我嗱嗱臨去隔離附近嗰間再買 人哋好飲過佢幾百倍 唔怪得知次次呢間野都唔使排隊 附近嗰間就永遠都咁多人

CHALI◾#雪芝蜂蜜柚子(中) HK$30看照片飲料好好看 本來有點期待的奶蓋是鹹奶蓋 很滑很順口但起司味比較淡 非常簿的一層！真的很簿 喝一口就沒了這方面感覺很失望蜂蜜柚子方面是冰沙喝下去就是蜂蜜柚子釀開水的那個味道😂有點過濃過甜了感覺像是在喝醬的濃而且這樣中杯也要30元 覺得有點貴了😟-(各項滿分為5分)餐飲分數: 🌕🌕🌗🌑🌑環境分數: 🌕🌕🌕🌑🌑服務分數: 🌕🌕🌕🌑🌑價錢分數: 🌕🌕🌑🌑🌑總分數: 🌕🌕🌕🌑🌑-茶里CHALI (九龍灣)🍴 九龍灣牛頭角道77號淘大花園3期地下📞 2602 2232🕐 11:00-23:00

淘大商場真係好多飲品店，今次就試Chali。嗌左芝士奶蓋配鳳梨。(雪芝鳳梨百香)通當我都會先試一淡奶蓋再連果汁飲。奶蓋味道夠濃，有芝士味。鳳梨沙冰好清新，配埋奶蓋好夾。惟一唔好嘅係其中一位女店員態度好差。

在公司沉悶而又口痕時，同事們都會想起叫外賣台灣茶一般的天仁、清玉等都喝膩了，當天轉試茶里聽說茶里來自國內，雖沒喜茶及奈雪之茶般有名，但亦是網紅喜愛的水果茶之選因此我們都點了雪芝芒果及雪芝草莓雪芝芒果真的芒果肉十足，且芝士味相當濃郁，真是完美配搭，消暑極品而同事點的雪芝草莓同樣芝士味香濃，但草莓雖肉多，但亦有點微酸，不愛草莓的朋友還是別點整體感覺果然是出色，只可惜要$48元一杯實在太貴，偶而嘗嘗就算

今晚食完飯經過這間茶店，見到有我中意飲的水果茶，於是二話不說就買來試下我點了西柚泡泡茉莉綠茶，不過飲到－半才記得影相，哈！其實份量係大大杯的，而且賣相吸引，＄34本人覺得抵飲！西柚泡泡茉莉綠（半甜） - 泡泡即是茶是有汽的，恕我孤陋寡聞，我第一次飲果茶是有汽的，感覺好特別味道方面，西柚肉酸酸甜甜多汁，兼飲到茉莉綠茶的清香，唔太甜好好飲好適合夏天飲，透心涼雖然這間茶店名氣不大，但本人覺得在果茶方面水準勝過其他出名的茶店。

去到九龍灣行下，見到茶里出面有個宣傳板 宣傳佢地店既新口味--「雪芝鳳梨百香」，菠蘿配搭芝士既飲品真係未試過，又見到有試飲價---$10一杯，諗都唔使諗，即試!茶里並唔係台式飲品店，而係用新鮮水果同原茶做既中國茶。唔知有幾多間飲品店係真係會用水果做「水果茶」呢？言歸正傳~冇諗過菠蘿、百香果， 同芝士竟然會咁夾。飲落口，味蕾受到酸、甜、咸既味道刺激，真係好正。見到佢地係放水果落攪拌機，絕對唔係用調味劑架!另外，茶里既芝士奶蓋好creamy咸味適中，抵讚!

📍 Chali 西柚泡泡茉莉綠 @ $28食左個甜甜既下午茶，要去買返杯野飲下，去左淘大行下，見到呢間好似幾好咁，試下佢d茶先。-入面有齊新鮮西柚片同西柚果肉，飲品帶有好重西柚味，但唔會好酸，襯埋香醇嘅茉莉綠茶，都唔算唔錯。加上打入左二氧化碳，多左一層氣，v好似飲緊汽水嘅感覺。唯一既敗筆係d西柚浸得太耐會好苦澀，佢冇氣都好d，連埋佢係有氣會好難飲。-地址：九龍灣牛頭角道77號淘大花園3期地下-推介指數👍🏻👍🏻👍🏻抵食指數👍🏻👍🏻👍🏻(5個👍🏻為滿分)-

話說有一日我經過茶里 見到佢話8點到9點做特價 10蚊一杯試飲 香芋鮮奶之類嘅野 但一個人都無 咪去買黎試 落單個時同個職員講少甜 佢態度好差 話試飲嘜都無得揀 我地沖俾你個杯係幾甜同幾多冰就係幾多 fine 咁我算啦 我落完order 到拎野飲 前後加埋唔夠5秒就拎到野飲 原來佢地沖定放係度 然後三個職員繼續係度傾計 杯野我飲左一啖掉左 甜到飲唔到 但嘜味都無 得個甜字 係真係亂黎 你做特價promotion 都係想吸引啲客 但個幾個職員咁樣沖野飲真係唔怪得無嘜生意

之前飲過佢地嘅芋圓蜜桃烏龍奶茶 真係難飲到爆 😅今次試下飲水果飲 又唔錯wo 雖然茶味就無乜 但果味調校得幾好 有蘋果 橙 西柚 火龍果 青檸 幾清新 又唔太甜😋 22蚊大大杯 抵到爛

第一次試茶里, 見到餐牌有 雪芝紅心火龍果 秒速決定要試 !因為紅心火龍果比普通火龍果貴, 唔係間間茶品店會使用. 雪芝紅心火龍果 ($38 700cc)雪芝即係奶蓋, 質地厚實, 奶味濃, 份量合理, 但個人認為偏咸, 有少少咸到苦 😅紅心火龍果清甜, 飲落個味道唔假, 顏色亦好吸引 ! 整體黎講, 係誠意之作 !茶里水果茶 ($22) 之前飲過幾間出名的茶品店, 水果茶要$30 - $40茶里水果茶只賣 $22, 但絕無將貨就價有幾件水果可以食 ! 茶底有茶味, 係較清的茶底, 可以同時飲到茶同水果的味道  性價比高 ! 職員服務及態度理想 2杯茶等左5分鍾左右, 期間可以係附近商場座位等候試左2杯茶品都覺得唔錯 ! 絕對會再幫襯, 試埋其他茶品 !

屋企附近呢間台式飲品店做緊優惠，指定時段會有一款新飲品做優惠。食完飯經過見到做緊雪芝蜂蜜柚子，500cc只係$10。等左一陣就有得拎，係沙冰黎，唔太甜，柚子味幾清新。