陳黃記 (已結業)

此店開了一年有多，公司午膳總會每星期幫襯至少一次，通常外賣返去影相唔靚，所以遲遲沒有為它寫食評。前日得知小店即將結業，今日決定前來堂食，想為它寫一篇讚文，感謝一年來提供如此美味的藥膳養生魚頭米線。真材實料用料十足，ＣＰ值極高。天麻川芎白芷魚頭湯(藥膳) $45藥膳養生湯注重健康的我首選，幾乎每次來都會叫。有好香的藥材味而且湯味濃不帶苦，入口甘甜相當好飲，我每次會一滴不留飲晒去。米線索晒湯味，和湯一起食非常美味。魚頭半個分成四件，鯇魚頭好滑唔腥，唔多碎骨好多魚雲，喜歡食魚頭的人仕食過一定會愛上。大大碗價錢唔貴，可說是超值抵食好味來形容。招牌三寶 $35有三款小食分別有雞膶、雞腎和雞腳。份量唔算多但同樣美味。好膶脆黃沙雞膶炸得甘香雞膶口感夠沙，食完一口再一口回味無窮；麻香雞腎唔算好特別都爽口有口感；滋味沙薑雞腳相當有驚喜，雞腳整得好淋好腍口，沙薑好入味，堅好食～如此真材實料用心經營小店即將結業，真係覺得可惜，日後掛念時只好去粉嶺總店幫襯好了～在此祝小店早日東山再起捲土重來！

石門這一個工商業小區 (現在也可以叫做生活小區了)，從食物荒地，急速地轉化，現在，已經是一個美食林立的地方。港鐵站旁的京瑚廣場，更可以稱得上是一個美食天地。而這一天的我，找來的是一間易了手的工廠飯堂，由從前的骯髒茶餐廳，搖身一變，變成了一家米線專門店，名字叫《陳黃記》的米線小店，以粵式的口味去配搭，心想有點特別，值得來見識下。好食的店，又近工作地點，我周不時都會來食下。首次來，就看中了他們的豬軟骨。於是，就點下一份豬軟骨米線。米線的湯底很清，配上杞子，冬瓜同木耳，看起來同吃起來，都 feel 到健康的感覺。味道濃郁的豬軟骨看來好邪惡，濃香醬味滲透了整份豬肉，豬骨。浸入湯後，味道中和了少許。這，比起食什麼牛腩麵，豬什麵等等，更加之香口，更加之惹味。第二次來，我點了一份醉雞米線。醉雞的花鵰味很香，而且雞肉十分之嫩。連酒香連雞肉香，連帶有藥膳感覺的湯底一起放入口，感覺可以說是妙極了。南乳炸雞，嫩滑的巨形雞球，沾滿了南乳醬再去炸。入口，連雞肉，連炸粉都充滿了南乳香味。雞件已經有足夠的味道，附上的南乳醬，不點也非常之好味道。他們標榜有自製的飲品，而我就選了他們自製的菊花茶。算是足料，甜美，而且飲

星期日帶住小朋友又唔想出去迫，係屋企附近又再食多次。其實不足一個星期再食第二次，係因為佢哋嘅嘢食真係幾好食，小店值得支持。今日都見到唔少家長帶着小朋友入嚟食，環境都算衛生，坐卡位照顧小朋友都方便。我同老公叫咗兩碗面都係辣嘅，再叫多咗碗魚蛋麵你小朋友。店員放低胡椒豬肚碗面嘅時候好細心咁同我地講，碗麵有啲辣小朋友唔啱食喎，好細心。胡椒豬肚湯底唔算好濃味，鍾意食清淡嘅人都可以試吓，而且食得出係真材實料煲出嚟嘅湯底。麻辣湯底就濃味啲，麻辣味好過癮，少辣都幾夠辣。小朋友食嘅魚蛋麵，一碗有成五粒魚蛋，每粒都唔細而且睇得出唔係一般街邊魚蛋，應該係佢哋自己整嘅。不過凍檸茶就真係麻麻哋啦，好淡味亦都冇茶香。總括來講價錢幾平，而且麵類每碗都好足料，飲品就普通，都值得支持。

隱藏於石門工廠區入邊，一間隱世小店。個門口都幾難搵，因為門外只係寫住「石門G4」。老公叫咗芫荽皮蛋牛肉配拉麵，芫荽份量好多，多到湯底都變成綠色。湯底非常清新香口，芫荽愛好者必試。皮蛋份量都好多，差不多有一整粒。牛肉有點太淋，牛肉味欠奉。我就食咗天麻川芎白芷魚頭湯底配米線，魚頭分量十足，不過個湯味道偏淡，要加少少鹽先會夠味。但係魚頭本身就好夠味，亦都煮得好林，好食。小食我地點咗三寶，有雞潤鴨腎同沙薑雞腳。雞潤可以選炸/蒸，我地揀咗蒸。三款小食都幾好食，尤其是沙薑雞腳煮得好入味好淋；雞潤夠曬沙，唔好睇佢細細碟其實兩個人要食曬都有點濟；鴨腎屬正常水準無乜特別。凍檸茶中規中矩，淡淡地茶味唔太濃。不過唔知點解要用膠杯膠匙，好唔環保，希望店家可以改善。

即使食龍肉都冇味，店員傲慢無比，叫佢落單遲遲唔落，落完單，我朋友的嘢送左上來，過左15分鍾，我問佢是否漏單，我嘅米線未到，現場只得兩枱客，睇都冇睇，就話整緊，過左一陣，一直都冇，我就話取消他啦，跟手佢入到廚房先開始整我叫嘅米線，當場我覺得呢個店員真心要炒咯🙏🏻

陳黃記， 位於達利廣場地下， 雖然看似不起眼， 夜晚去試下。胡椒豬肚($40) 個湯底胡椒味好濃， 也有不少酸菜和豬肚， 開胃！芫茜皮蛋牛肉($43) 芫茜湯都好正， 成個湯底都係綠色， 好似紫菜湯醉雞($45) 雞肉十分滑， 配上清酒炸魚蛋拼魚片頭($32) 看似最普通, 其實最正。 全部都好大粒， 煙韌彈牙， 塊皮同魚肉能夠分開。其實除咗以上選擇， 仲有南乳炸雞球， 瑞士雞翼， 同埋藥膳湯， 我都見有好多人食。原本以為會好污糟， 不過入到去， 發現好乾淨， 算係喺工廈區一個比較好的選擇。

今日下晝，想食啲健康嘅嘢就去咗呢一間喺石門嘅米線店。呢間米線店嘅位置比較難搵，由地鐵站行去都要大約5分鐘左右。坐低左之後就睇下個餐牌有咩食，就發現其實啲配料唔算太多，啲湯底望落都唔錯。於是我就睇一睇食評，揀咗最多人推介嘅藥膳湯底配呢個魚腩。咁順便就叫埋我最鍾意食嘅醉雞蛋同埋炸牛丸。嘩碗麵一上到嚟勁多魚腩呀，同埋真係好重藥膳湯底味道。面條呢就比較有咬口，都非常之好食。啲魚腩都好新鮮好甜唔錯啊。至於個醉雞蛋就同普通蛋差唔多啦，但係個賣相呢就麻麻啦。炸牛丸同埋炸墨魚丸就炸得好好食，始終都係啲熱氣野炸完都係好好食㗎。

老實講我是為了天麻川芎而來，有魚頭同魚腩揀，魚頭真係唔識食，所以揀左魚腩。老闆好大方，俾左五六件大魚腩我，很滑，不過可能趕時間有點紅，紅的地方唔敢食。湯應該是無味精的，下次再試佢個人蔘雞米線。

石門站一出去就有好多嘢食，兩側嘅商場的食肆林立。行遠少少，就發現而間藥膳湯米線嘅店。黎石門之前曾經上網search過有咩好食，見到依間藥膳湯米線店上過一啲出名嘅食評平台。既然咁出名唔係唔試呀嘛。既然佢嘅藥膳湯米線咁出嚟，咁就梗係要叫返本藥膳湯米線啦。我就叫咗碗魚頭藥膳湯米線。一上枱，真係成浸藥材味散晒出嚟。啲藥材真係幾足料，雖然分唔清係啲咩藥材嚟。但我本人反而覺得啲藥材味太濃，濃烈都遮曬個魚既味，一啲魚鮮味都冇。嘅米線都一樣，成浸藥材味。整體其實係OK如果鍾意食到好濃烈嘅藥材呢嘅人來講應該好鍾意。

之前上網見到介紹陳黃記嘅藥膳湯底，就揾個機會試下～一出左石門站一直行就到，鋪頭入面都幾闊落，就算人多都唔洗同隔離枱手肘碰手肘咁食。叫左一枝雪梨山楂水，兩個小食同招牌嘅藥膳米線。雪梨水酸酸甜甜幾醒胃，兩個人share一枝啱啱好😋流心醉蛋好香酒味，蛋黃偏向似溏心蛋，煮得夠入味👍🏻瑞士雞翼嘅汁好濃，雞翼都吸哂啲汁，平時唔太食雞皮嘅我都覺得唔油膩，如果可以大份啲就好啦haha今晚嘅主角就係呢碗人蔘雞湯米線！入面有人蔘絲，枸杞，棗同雞塊，麵底有幾個選揀。湯底飲落有人蔘嘅甘味，唔咸無落味精，平時食麵都好少飲啲湯，今次都飲左大半碗😍👍🏻兩個人埋單$160左右，抵食又好食，下次再試下其他湯底嘅米線~

<<生在美食天堂，點可以唔識食>> <<I born in Paradise of Food，why not explore deeper?>> 香港人愛上吃粉麵是眾所周知加上養生既想法就出現依間陳黃記了主打川芎白芷魚頭湯，人參雞湯，胡椒豬肚湯等等睇得出為了迎合唔同消費者出左好多唔同既普通味道以我個人意見認為可能都係專門專做好幾款主打湯底好一點還好~川芎白芷魚腩~味道偏淡，不過魚腩啖啖肉(小心有骨)，藥料有落麵上，湯底散發微微味道還好~胡椒豬肚雞~味道偏淡，小辣，雞肉滑，豬肚就一般般總結/其他裝修:坐位闊落，燈光充足，家庭味，有電視服務:主動，不過繁忙時間會有錯漏其他:店鋪門口沒有明顯門牌，要搵食既朋友要細心留意

陳黃記第一次黎石門呢個小社區環境都清幽 自己本身住西貢 放假揸車入黎食好西之前睇過D報道知道呢間藥膳米線呢間陳黃記門面不算開揚有機會走過咗都唔知今次試川芎白芷天麻魚頭湯米線不過下午四五點魚頭已經沽清轉魚腩 自己本身愛吃魚頭多一點湯底藥膳味重得黎唔會太過火米線大大碗食唔哂咁濟加多個老味三寶 沙薑雞腳 、雞腎、仲有好特別嘅炸雞潤再飲埋個醒神雪梨水正正子total：兩碗米線加三寶加雪梨水 都係$120 放假的大滿足呀

石門工業區近年除左多左兩個大商場 亦開多左好多唔同類型既食肆 相信除左我地呢d沙田友 對打工一族黎講都係一個福音 上星期睇到fb介紹陳黃記 我就約左小胖男友去石門一試位置其實近住馬鐵站 但店外無大招牌 所以都要望真d先搵到當晚係星期二 但生意都不俗 眼見樓面得一位侍應哥哥 相常落力 但人多時仍然有點應接不暇我地點左兩個麵同兩款小食再加多碟菜流心醉蛋 賣相唔算好吸引 但味道真係好好 軟滑既流心蛋散發住濃郁既花雕酒香 簡直係醉雞有異曲同工之妙因為當晚招牌三寶賣晒 我地點左麻香雞腎 一放上枱已經勁香麻油味 質地有咬口得黎又唔會韌 仲要$25 幾抵食小妹揀左南乳炸雞配清雞湯底中式拉麵  南乳炸雞好大件 炸得好脆 雞肉亦夠入味 感覺上中式拉麵同清雞湯底會最夾小胖男友就揀左最簡單既雙丸米線 有牛丸同墨魚丸加埋強勁既潮式辣椒油 滴一小匙羹已經好辣 令原本清甜既雞湯多左一份椒香味 更開胃整體而言 味道同價錢都公道 下次要黎試埋個胡椒豬肚湯底先得

本人第一次寫食評,如有不足之處,煩請各位多多包涵!因為前排有報導陳黃記的藥膳米線，咁岩前日放假,中午係沙田做完私人事,就順便試一試陳黃記入到去有位坐,睇一睇餐牌 就叫左個天麻川芎白芷魚腩湯中式拉麵同黃沙雞潤未食已經聞到藥材味,心諗呢碗麵藥材味會唔會過重? 先飲湯底,發覺聞就重藥材味,飲落去係相對平和既,唔係好濃個隻睇麵合格有餘,魚腩肥左d,淋淋地,如果係鯇魚肉會健康一d黃沙雞潤都量多,但係對一般人來講好咸,我自己都覺得偏咸,或者黃沙雞潤本身咸的? 我也不知道,但撇除咸之外,OK 算好食PS : 如果雞腳有浸藥膳的我會揀雞腳, 揀米線可能會仲好食,仲有希望店主將來會有更多新藥膳配入米線(現在只有天麻川芎同人參雞)

今日同朋友去咗沙田睇戲 散左之後就去咗平時好少去嘅石門行街啦行到咁上下見累就周圍搵嘢食 見到呢間陳黃記 裝修簡約 但係價錢大眾化 咁就入去試下首先叫咗一個醉雞飯 雞肉浸曬喺花雕酒之中 酒味香濃 雞肉亦都好鮮嫩可口 令我一食上癮之後就叫咗一個炸魚腩 魚肉非常之軟滑 魚味十分突出 但係一啲都唔腥 外皮又炸得好香脆 非常之好食最後就飲埋一個雪梨山楂水 雪梨清潤而且山楂開胃 簡直係絕配 為我呢一餐解油消滯總而言之 呢間餐廳都算係沙田區嘅隱世美食