豬屋日本料理

營業中

休息中

大圍有好多美食店，豬屋日本料理是其中一間，朋友介紹抵食好味於是前來試一試。店舖不是太大但裝修很有日本風味，我們坐低不久就有很多街坊幫襯，而且外賣源源不絕，只因價廉物美抵食。店舖是用QR code落單，餐牌選擇好多，外面一般日本料理店的食物這裏也有供應，而且價錢唔貴。沖繩便當$98便當材料相當豐富，有吉列千層芝心豬扒一件、汁燒金菇牛肉捲兩件、刺身：三文魚兩件、帶子兩件、有頭甜蝦一隻、咖哩飯、味付螺肉。我們叫了多飯混合咖哩汁一齊吃，咖哩香濃不辣帶少少甜。吉列豬扒不是一塊過而是一層層的，很符合千層的美譽，表皮詐得很香脆，由於肉是一層層的所以吃落很鬆軟嫩滑，刺身新鮮，金菇牛肉卷味正常。蟹味增甲羅燒$58嚟到個樣已經好吸引，蟹殼裡面滿滿嘅蟹膏和蟹肉，仲有附加三文魚籽和蟹柳絲，配上白飯加紫菜一齊吃味道鮮喊好味。椒鹽燒珍寶牛舌4件$48牛舌大大件配得上珍寶的名字，燒得唔乾，食落帶有小小黑椒的味道唔辣。照燒多春魚5條$38多春魚燒得唔乾，表面帶有燒汁食落甜甜地。芒芒梳打（跟餐優惠）$16芒果汁味道夠唔淡，加入梳打水十分支解渴。

我最近去左一間叫做豬屋日本料理嘅餐廳喇！🍣佢喺大圍，d野食平價又抵食，$200唔駛就食到咁多野！🍲我試咗佢哋嘅北海道豆腐魚餅同香煎脆脆軟骨餃子，真係好好味！😍豆腐魚餅外脆內軟，魚肉鮮美，令人回味無窮！而軟骨餃子煎得香脆，彈牙口感，一口咬落去真係好滿足！😋而家佢哋仲有限定嘅濃厚龍蝦🦞味噌湯拉麵套餐同三文魚蜆肉味噌湯！我試過都好正！拉麵湯底濃郁，龍蝦味噌香濃，仲有鮮嫩嘅三文魚同蜆肉，真係食到好滿足！湯嘅味道令人流連忘返！🍜唔止咁，佢哋嘅帆立貝煎得香脆，牛油同蒜香味道好香濃，令人食到停唔住！🤩 而皇帝蟹棒🦀肉質鮮嫩，加上牛油同蒜香更加提升味道，真係太美味啦！🍤最後，個士多啤梨🍓卷蛋軟滑，口感好好，一咬就化喇！真係好開胃又好好味！如果你係日本美食嘅愛好者，一定要嚟呢度試!!📍豬屋日本料理 (大圍)🏢 大圍田心街10-18號雲疊花園地下4號舖🕗星期一至日 12:00 - 16:00/ 17:30 - 21:45#大圍美食 #大圍必食  #食好西 #美食 #hkfood #likeforlike #instatravel #latergram #hktravel #photooftheday #t

呢度食午餐餐好抵，原來星期日都會有午市。一個刺身飯餐先至$72 ，成個表面都係刺身！ 好足料，有三文魚，有蟹籽，仲有立魚，螺肉，青瓜等等，食極都仲有，唔會食兩三啖就冇晒啲刺身粒粒。 跟餐仲有蒜味螺肉，就係平時食開嗰啲。同埋一個日式蒸蛋，都好嫩滑。我朋友就叫咗個便當。 便當都好豐富，鯖魚係成條，平時出面食，腥唔腥就睇彩數，但呢間係絕對唔腥！ 咖喱飯係甜咖喱，唔食得辣嘅都可以試吓。仲有幾片刺身，仲有幾片豬頸肉，想食好多唔同種類嘅人就啱晒啦。最後同場加咗隻雞翼同埋牛舌，呢度嘅串燒都唔錯，牛舌好厚好Juicy !! 雞翼都燒得啱啱好，仲係好多汁，好嫩唔會好老

今日黎呢間日本餐廳，係住大圍既朋友介紹，由大圍站步行去，都唔算太遠。餐廳格局溫馨，好似日本小店咁，店員態度好好。一黎就比佢多款既便當吸引，幾番掙扎下，簡左沖繩料理便當，好豐富!!主食有吉列千層芝心豬扒同埋汁燒金姑牛肉卷。千層芝心豬扒係用左好多塊既豚肉片炮埋一齊，中間再加左芝士，做到流心效果，又唔會有平時豬扒既筋位，幾好食。汁燒金姑牛肉卷都好貼心咁，切開左一半，令到進食更方面。刺身有三文魚 , 帶子, 甜蝦。三文魚剌身係厚切，有2大塊，好正!! 甜蝦都係我既推介! 仲有螺肉同埋咖哩飯，日式咖哩好甜，配飯一流! 朋友叫左特選五色丼，有三文魚 ,北寄貝 ,帶子 ,赤蝦 ,海膽。一開始仲有三文魚味噌湯，暖一暖胃再食魚生飯。魚生比得足料而且新鮮。價錢都係街坊價，係附近既不坊一試!

同朋友去開大圍食野，搵到呢間日本料理，平日7點去到唔算多人，可以揀位坐，之後先慢慢多人～我地一入餐廳就送上玄米茶，服務態度好好👍🏻我地叫左幾樣野食share下🤤🍱沖繩便當呢盒集合左多款野食嘅便當，好豐富😍 咖喱飯香濃惹味，唔會過辣～吉列千層芝士豬扒外脆內嫩，芝士香味同豬扒完美結合🧀汁燒金菇牛肉麵嘅牛肉嫩滑，金菇吸收哂醬汁嘅精華，口感一流🤤仲有埋螺肉同刺身，分別帶d爽脆同海鮮嘅鮮甜，三文魚、帶子有鮮味👍🏻🍚特色五色丼+三文魚麵豉湯三文魚滑嫩，北寄貝嘅甜，帶子嘅鮮、赤蝦同海膽嘅組合，鮮味濃郁，配埋醋飯真係一絕！視覺上吸引，味道都不錯👍🏻呢個丼送埋三文魚麵豉湯，湯入面有三文魚塊，肉質爽滑👍🏻加埋三文魚嘅油脂同埋麵豉湯嘅咸香令湯汁嘅味道更加鮮美🤤🐙關西風章魚小丸子係我最愛嘅章魚小丸子🤤總共有四件，外層酥脆，內裏章魚嘅鮮嫩與彈性真係岩岩好😋😋😋飲品：巨峰茉莉花綠茶係餐後解膩嘅好選擇👍🏻巨峰茉莉花綠茶芳香怡人，而且入口清新🤤飲完晒仲可以伶走成個樽繼續飲🥹呢到環境幾舒服，好岩傾計，我同fd最後係到傾計傾到關門先走😂同埋服務質素都相當不錯，性價比幾高👍🏻

今日經過大圍雲疊花園，就試下朋友介紹既日式料理餐廳 豬屋🐷，果然性價比超高‼️份量豐富又好味，很滿足的一餐😋👍 餐廳係日式家庭居酒屋風格，餐牌都好吸引，有好多唔同款式選擇🤩推介便當‼️❇️鹿屋便當 $92 便當十分豐富，每格都裝住不同野食，有咖哩飯、刺身三種：三文魚2件、帶子2件、有頭甜蝦1 隻、燒豬頸肉、小食螺肉。刺身新鮮足料，三文魚幾厚身，帶子夠嫩滑🤤豬勁肉都幾香脆，加埋醬汁食落幾滋味😋😋咖喱飯就係日式咖喱嘅味道😝❇️特選三色丼 $78 🍣三色丼有三文魚、帶子、蟹籽，重附送茶碗蒸及小食。呢個價錢嘅刺身飯真係好抵食❣️每款刺身都好新鮮，三文魚口感唔錯，帶子鮮甜，而且份量十分足料🤤👍👍另外我哋仲叫咗啲跟餐小食及飲品，都好抵食！❇️日式炸雞（3件）$15炸雞炸得香脆可口❇️蟹棒蟹籽沙律 $18沙律好大碗好足料❇️芒芒青桔百香果玄米烏龍茶 $18幾清新嘅配搭，甜甜嘅芒果同果香味好夾😋

特登去食豬扒飯，結果好失望，總體好甜，唔中意食甜既飯餸，炸豬扒幾厚實，但係汁咖喱太甜了，唔搭，配餐三文魚湯、螺肉，螺肉都好甜！係得豬扒好食，想爆炸，心情非常差。平時口味唔中意上海菜既就無食咖喱汁了。

今日接朋友收工，佢話好想試呢間豬屋日本料理🥹既然同佢咁耐冇見，一於同佢一齊試呢間嘢啦！🤣估唔到幾有驚喜喎🫣我哋7:15嚟到，見到好多人都等緊佢嘅外賣🫣，好好生意咁🤔而堂食嘅我哋等咗大概15分鐘左右就入得去Lu~一入去侍應就比咗杯暖笠笠嘅玄米茶我哋🍵我哋order 咗1️⃣沖繩便當💰982️⃣秋田便當💰94兩款便當都係跟刺身三種（三文魚2件🐟，帶子2件，有頭甜蝦1隻🦐）、咖哩飯🥘同味付螺肉刺身幾厚身同大塊，三文魚油脂分布平均，味道鮮甜，口感滑嫩👍咖哩飯係配日式咖哩醬，偏甜嘅味道，有粒粒薯仔同蘿蔔；味付螺肉肉質好彈牙，帶有蒜香同淡淡嘅甜辣，好惹味👍沖繩便當另配有吉列千層芝心豬扒 🐖同汁燒金菇牛肉卷🥩個千層芝心豬扒勁高質，開頭見佢唔係拉絲有啲失望，但咬落個芝士味衝出嚟，好濃郁、好好食！芝士控嘅我表示大滿足😍金菇牛肉卷個燒汁好香，味道唔錯。秋田便當另配有脆香吉列雞扒同汁煮豬軟骨。雞扒外層脆但薄、肉厚而嫩，帶有雞肉天然嘅味道，適合鐘意食食物原味道嘅朋友仔👍豬軟骨嘅肉好入味、燒到超級腍，軟骨好有咬口，每一口都充滿層次感。呢餐食到我哋超級飽、超滿足！估唔到兩個人唔到$200就已經食到咁大份、咁多款日式美食，

今日同朋友去開大圍一帶，去左附近嘅 豬屋 日本料理食晚飯。呢間餐廳主打日式便當，豬，雞，海鮮，都幾齊。餐廳用上各種日式擺設同海報佈置，甚有日本風情，配上一杯日本熱茶，餐牌選擇都幾多，飯麵主食，小食，沙律，炸物等都相當齊全。我同朋友叫左青森便當，內容物有 七味燒豬頸肉，蒜香牛油燒珍寶蟹棒，三文魚壽司2件，味付螺肉 配燒汁飯便當份量都幾大，燒汁飯香甜，飯粒有咬口，軟硬度適中。七味燒豬頸肉 好食，煎得香透，薄身食落juicy又有薄脆嘅口感。蒜香牛油燒珍寶蟹棒，好香牛油味但食落唔會太膩，調味剛好，口應軟綿綿。三文魚壽司2件，份量同味都正常，味道不錯。味付螺肉份量足，惹味有咬口。另一個主食叫左一個安格斯牛肩胛蕃茄濃湯烏冬。蕃茄濃湯非常夠濃，烏冬掛到湯，質感軟綿，食得出係靚烏冬。安格斯牛肩胛份量正常，都幾香牛肉味。半熟蛋微甜軟滑，好食！花之戀一啖食落好滿足，三文魚，醬料，飯比例剛好。餐廳仲有唔同特色甜品同飲品，有機會可再試一試~

叫咗外賣啲餸基本上係凍嘅 只可以稱得上微溫三文魚味噌湯冇三文魚 仲要加錢先有如果冇三文魚，其實唔會特登叫個味噌湯個芝士咖喱烏冬啲汁唔知點解得表面有仲要成舊嘢喺度 唔知點食 好似未煮熟咁要再翻熱先食到另外雞扒肉質好嚡 好乾 食完好口渴蕃茄湯味道好假 好油 唔似正宗蕃茄湯味以前有叫過品質OK 已經叫過幾次唔知係咪轉咗廚房嘅人手今次令人非常失望希望店家改進叫咗外賣都成$200其實等於可以出街食餐飯所以性價比真係好低諗住同屋企人食好啲，點知咁

大圍開左新商場咁耐都冇去過今日就過去玩下，在出mtr後有個橋，可以去到田心村探朋友，呢間在田心商場樓下嘅日本料理覺得吾錯，買外賣同朋友一齊食。點左份青森便當，有得揀是要黑椒汁飯定咖哩飯，，我揀左咖哩飯，仲有螺肉，日式蟹棒，煎豬頸肉同三文魚壽司，好豐富呀，全部都好好味，醬汁一流，三文魚壽司都好新鮮，肥美。仲叫左吉列千層芝心豬扒飯，今次揀黑椒汁，吉列整得好出色，外皮香脆豬扒又肉嫩，一點也不老，好正。仲有惹味洋蔥豬柳飯，份量多，豬柳很入味，都揀了黑椒汁啊，更加惹味，價錢合理，吾錯。

每次經過門口，都已經有好多人排隊，不論係堂食定外賣，人流都源源不絕，今晚終於都有機會入去幫襯吓😬用qr code下單快捷方便，所有調味料都乾淨整齊，企企理理~由於時間尚早，仲有幾張枱可以選擇，而牆邊嘅裝飾亦都別樹一格，彷彿置身於小日本👍🏻福岡便當~咖哩汁與白飯永遠都係咁令人開胃，份量非常足夠，男士食都絕對夠飽！除咗前菜之外仲有兩款小食，多款口味，令人喜愛！秋田便當~呢款便當有刺身、熟食，簡直一個便當滿足我兩個願望，而且三文魚係厚切兼油脂均勻，炸雞扒乾爽，唔油膩！👍🏻

大圍係一個覓食好地方，除咗連鎖商店亦都有唔少嘅小店等緊大家發掘。今日食咗雲疊花園樓下嘅「豬屋」，距地鐵站有點遠但係相當有驚喜嘅便當🍱。雖然係間係街坊小店，但佈置上都充滿日本地道餐廳嘅感覺，相當用心。因為今日唔算太肚餓，所以就淨係嗌咗一個便當同幾款壽司，唔同便當都相當吸引！最後係金菇肥牛卷同鹽燒安格斯封門柳間揀左後者，便當嚟到時都幾有驚喜😋 一來份量幾大，唔同配料都好豐富，二來牛柳嘅質素真的很好，薄切嘅牛柳有微微嘅焦香，而且生熟程度調教得好好；另外燒豬頸肉帶微辣，口感較煙韌，都好好食，不過因為本人係牛肉🐄控，所以都係鍾意牛柳多啲！😝 咖哩飯🍛唔止多汁，仲要係珍珠米，口感更軟糯🤤 平時日本便當伴碟嘅味付螺肉都係得幾顆，今次嘅便當竟然放得滿滿，都真係幾有驚喜！🍣壽司燒左口魚裙邊：燒過嘅左口魚裙邊帶甘香，而且油脂濃郁，永遠都係我既首選👍🏻海膽：雖然唔算好甜但口感都幾creamy，不過不失～火灸三文魚：內裡半生熟嘅三文魚軟嫰焦香，入口即融，推介！雖然只係食咗一個便當同埋三款壽司，但兩個唔算大食嘅女仔都覺得好飽😋 我諗其中一個原因係佛心店家真係唔吝嗇食材，所以便當都比regular size大，性

難得搵到一間係雲疊附近嘅日本餐廳價錢唔算好貴，但餐牌好多選擇，想食刺身又得，燒物熱食又有。野食有驚喜，以呢個價錢嚟講唔錯有時突然之間好想食日本野，唔使專登走去搵貴餐廳～ 豬屋幫到你🤣

平時都有堂食，今日外賣，雖然是經外賣平台，但包裝非常好，雜錦刺身飯有冰種，麵豉湯仲有三文魚肉，保持新鮮，還加送靚靚外賣袋，食物和堂食一樣份量，沒有偷工減料，會再續。