籠太子點心專門店

營業中

休息中

夜晚十一點幾十二點，要搵野食都唔係容易既事，香港由以前的不夜城變晒乖寶寶，冇晒夜生活。 太子呢間點心開到零晨2點。是日中湯係蟲草花湯，大大碗$20 抵另外叫幾個點心，炸両幾出色，普通腸粉都唔錯，但佢話係皮蛋牛肉腸就唔係好覺有皮蛋。燒賣正常發揮合格肉餅飯有驚喜，肉餅有口感，彈彈下，唔係實的的。仲幾厚下添。最最最深刻係佢個辣椒油，唔算好辣但好香，仲要食落脆脆地，原來佢加左好多櫻花蝦。少少辣，有油香，再加上脆脆地既口感，令食物既層次提升。

從來未食過蝦餃餡料有臭布味 好似好耐無洗的毛巾味又有少少腊肉味 🤢總之好奇怪 鳳爪好硬 未食過咁實的蒸鳳爪點心 😵‍💫另外短髮樓面auntie 唔會問你食完未 仲有一件點心都突然收走你快速跑走叫都叫佢唔住 好似想你快啲埋單走咁（未坐滿客的而我只坐了不到30分鐘）有個洗碗膠兜洗完已放通道旁枱邊方便比佢哋收走 估佢唔到佢隔一張枱的另一邊攝個身埋黎佢格肋底忽然貼向我個鼻前面又係粒聲唔出收走個兜 你叫聲借借我塊面可以向後比個位你的 點解要咁粗魯呢（唔滿客當時得4/5枱唔係好趕忙的）永無下次幫襯 我好想支持小店先選去呢度飲茶 但呢間我支持唔住 bye bye

喂喂，今日有個悶燶嘅好去處報你知！我喺間茶樓爽食咗一頓有料到爆嘅點心😋。首推，個燒賣啊，真係要讚下，個皮薄到見得到裡面啲肉，一咬落去「噗嚓」，肉汁四溢，啲豬肉餡好夠哂彈性嫩滑，正👍！跟住我再嘗咗芒果布甸，呢個真係夏天必食之選！芒果香得嚟，又唔會過甜，啱晒啲鍾意清新唔膩口嘅朋友。轉個角度嚟講下嗰個創意滿分嘅南瓜煎堆仔，啖啖甜美嘅南瓜餡，外皮炸到香脆，真係勁正！令人回味無窮架～ 講真嘅，每款點心都維持實相，份量同賣相兼備，食嘅時候真係滿足到。最後，講下隻石班荷葉蒸飯，呢個就要等少少時間，不過候得值！蓋開嚟，米飯吸晒魚肉同荷葉嘅香，撈兩撈，更加係嘩～味道出奇地匯合得好，魚肉保持咗啲嫩滑，每一啖都是新鮮嘅享受。真心推介，喺度食下點心，舒服得滯呀😌！總括嚟講，食完呢頓點心，心情都好咗好多，下次仲要再嚟！真係「食到笑咗」嘅境界啊！

仲記得上次食完飲茶好滿足，今日就再嚟試下其他款！先講講呢個金蒜蒸排骨，啖啖肉，金黃色嘅蒜米鋪上面，郁下碟香味四溢👃，咬一口，肉質鬆軟得黎保持咗啖啖肉嘅口感，真係好過癮！🤤再講吓個原隻鮮蝦腸粉，真係出乎意料咁好食！腸粉嘅米皮滑到不得了，一滾就入口，個蝦嘅鮮甜同米皮完美結合，我準備再點多一啲。😋北菇滑雞飯，攞起嚟揭開荷葉，飄出嘅香氣幾乎攞命😍，飯粒喺北菇同滑雞嘅滋味中吸滿咗精華，咖哩賣相一流，每一啖都食得出主廚嘅心思。👍唔少得傳統口味，煎蘿蔔糕，外邊脆脆地，內裡蘿蔔味實在，佢啲蘿蔔絲嘅甜味同煎嘅脆香，襯埋甜醬，即刻食晒兩件！講完之後，我真係等唔切要再食過一次啦！💕總結，呢間飲茶地方，菜品質素高，服務一流，啱哂想食好嘢又唔想太嘜嘅朋友！等我趕緊先埋單，走先啦！🏃‍♂️👋

開到好夜越夜越精彩嘅一間太子點心小店茶位三蚊一位我就嗌咗一籠北菇蒸雞飯都係29蚊幾抵食北菇蒸雞飯是一道美味的中式傳統菜餚，食材主要包括雞肉、香菇和大米。雞肉的鮮嫩搭配香菇的香醇，加上米飯的軟糯，口感豐富，味道鮮美。這道菜餚營養豐富，含有豐富的蛋白質、維生素和礦物質，可以滿足人體對各種營養成分的需求。烹飪北菇蒸雞飯的過程需要花一些時間，但是製作方法相對簡單，不需要太多烹飪技巧。這道菜餚適合一家人共同分享，是一道很好的家常菜。同時，北菇蒸雞飯也是一道比較健康的食品，適合追求健康飲食的人群食用。總的來說，北菇蒸雞飯是一道美味、營養豐富、適合家庭食用的食物，不妨在家裡嘗試製作一下。

剛一進來員工就一臉黑臉往我們桌子上摔筷子，我們以為欠她一百萬！！放置東西在桌子直接砸過來，差點就以為是個沒血沒肉的怪物！轉眼間就和另外一個女員工在門口談笑風聲一邊吸著香港禁止的電子煙，噢差點就以為是一個冷血的呢！付款的時候一直催促，大吼大叫，不知道的以為催債啦。更過分是還沒吃完就開始收拾我們的碗筷，趕我們走！兩個抽電子煙的女員工，態度極其惡劣，如果妳不會說粵語，那十分建議你不要來受氣！吃過太子周圍所有的飲食，這家獨居一單！如果老闆可以看到，考慮開除這兩個無素質敗壞香港風氣的女員工！

去得籠太子食嘢都係貪佢抵食🥢雪山叉燒包💰$23🥢鳳爪排骨飯💰$29🥢不是炸兩💰$28🥢煎蝦膠釀茄子💰$22☕️🫖茶錢每位$3講真價錢真係好平兩個人去食都係百幾蚊已經好飽帶食物嘅質素就一般感覺以前好食啲特別係不是炸兩以前你食好脆、個腸粉皮好滑今次食就覺得差咗其他嘢食味道就正常冇乜特別環境上就覺得餐廳殘咗好多其實都唔係開咗好耐保養方面就真係差啲另外職員嘅數目都好少樓面都係得一兩個人所以有時你想拎餐具或者落單你都要自己起身去拎或者行去收銀搵人幫你好似啲舊式茶樓咁🤣

今日9月8號 ,在黑雨下停工停課諗住近近哋去竉太子飲茶，十一點左右打去已開門，問阿姐附近有冇水浸，佢答我佢點知！。講多句因為我係深水埗過嚟睇睇附近會唔會塞車，佢同我講佢喺附近住點知啫！我再講你喺太子最基本都知道太子交通情況啦，佢就好晦氣咁同我講，佢住附近㗎，點答到我😕😕 大佬呀， 你住附近都知自己條街會唔會水浸啦，答一句真係咁難咩， 你同我講你條街冇水浸，起碼我停到車入嚟食飯先啦打電話問咗幾間決定去邊度食，係得你答得咁晦氣，唔想返工咪同老闆請一日假囉。。。。。

好好食嘅點心!叫咗個鮑魚燒賣,一籠兩件,不過一件都幾大粒,鮑魚口感不錯而且好入味,同燒賣一齊食好夾😻燒賣蝦肉爽口彈牙,真心推介👍🏻另外推介佢嘅瑤柱灌湯餃,灌湯餃好大隻皮薄餡靚,瑤柱味好香,湯底比我飲晒😹👍🏻好好味

平時都係中午飲茶, 今次就揀咗夜晚去飲茶食點心, 而呢間點心店每位茶錢只需$3, 一於就去試下佢哋既點心喇😋(當晚點咗19種點心, 而以下都係性價比高既點心) 💡原隻鮑魚燒賣(2粒) ($32)🥇肉質飽滿既燒賣配上彈牙既鮑魚仔, 食落好滿足啊^^ 💡籠太子蝦餃皇 (4粒) ($30)🍤外型較細粒, 皮較厚, 但勝在入面既蝦肉無偷工減料~ 💡鮮蝦菜苗餃 ($26)🥦🥟外皮薄而透明, 加上啖啖都係菜苗同蝦肉 , 必點! 💡鮮蝦腐皮卷 ($25)🍤新鮮即炸, 熱辣辣脆卜卜既腐皮卷一d都唔油, 令人一啖接一啖咁食< 💡雪山叉燒包 ($23)❄️雪白色既外皮蓬鬆柔軟, 加上香甜既叉燒餡料, 口感超正~~ 💡鮮芒果布甸 ($22)🍮🥭布甸同外面既酒樓唔同, 外型偏細同埋無煉奶, 味道略甜, 同上面既鹹點打番個和啦😙 💕點心店座位舒適, 雖然點心既味道唔係特別出眾, 但價錢合理, 加上即叫即製, 絕對係佢坐無虛席既原因😀

Chicken Feet Ribs Rice:The chicken feet were braised to perfection, and the sauce was a delightful balance of savory and slightly sweet flavors. Each bite offered a burst of umami, and the fall-off-the-bone ribs added a rich depth to the dish. The fragrant rice soaked up the delectable sauce, making it a heavenly combination. This dish is a must-try for any dim sum enthusiast seeking an authentic Hong Kong dining experience.Quicksand Custard Bun:The creamy custard oozed out like quicksand, engul

籠太子點心專門店（太子）星期日午市唔駛等太耐就有位埋單$121，唔收加一（服務反而比好多去過既酒樓好，起碼爽手冇錯漏），茶錢剩係收$3，CP值算中上食物整體唔錯，特別係蝦餃，但個皮蛋牛肉腸差啲，食唔到皮蛋，牛肉又冇咩味

太子區內食肆真係越黎越多，菜系種類繁多 記得呢間點心鋪啱啱開張時黎幫襯過，味道一直唔錯，價錢又好合理。事隔多年，依家再食番估唔到佢keep到水準喎～一個人食唔到d咩，就叫左最大路嘅《鮮蝦腸粉》$29。一條過嘅擺法，每件腸粉都包裏住一隻明蝦，夾落就知腸粉皮好軟滑，唔厚實。佢d豉油唔係死咸，唔算甜口，反而芝麻油香重少少，就算件腸粉一直浸住，都唔會咸再黎個《醬皇蒸鳳爪》$23我至愛一籠有4隻完整嘅鳳爪，蒸得軟爛，最底層鋪左d烏冬，醬皇有少少辣，食得好惹味 同埋好重要係佢唔會一pat醬咁墶落d鳳爪度，賣相都開胃d茶位$3，唔收加一服務費，呢度真係唔話得我見其他點心鋪一出左名就係咁加價，d食物質素反而每況越下，真係食第一次誇啦啦再去就吹 喇叭。始終做街坊生意，實實在在先可以長做長有

4個人去找地方飲夜茶，太子旺角係openrice 幾間食店心評分幾間都幾高， 朋友最後選擇了這間， 由太子地鐵站行過去大約5分鐘，座位唔係座得太舒服，有些枱係六人長枱，即有機會要搭枱座，只有一張圓枱，我見有好多熟客。我地叫咗大約15樣點心，大部份都好好食，有d比大酒樓更加好食，雖然店小但點心有上當水準，好值得去。服務方面，女店員唔係好識講廣東話，講嘢有啲惡，但男店員嘅服務係非常好，個別店員問題。食物好會再帶朋友光顧 。

一進店一舉頭就看到一個個雀籠, 完全反映店鋪取名原因 - “籠太子”。整間店鋪都是水綠色的, 裝修很有文青風, 感覺很舒適。(雖然裝修不俗, 但雀籠都鋪滿塵, 該清洗一下 😅)我們總共點了十一碟點心, 我並不會將所有點心點評, 重點是介紹比較特別的或出色的。鮮蝦腐皮卷 - 一吃是腐皮的味道, 但卻是蔬菜的質感, 非常特別, 另外我完全吃不到鮮蝦, 或許已經被一堆菜掩蓋了。不是炸兩 - 腸粉包著的不是油炸鬼, 所以才稱為不是炸兩, 吃不到𥚃面的是什麼, 但都是炸得脆脆的。鵪鶉蛋燒賣 - 這個最驚喜的是腐皮, 它有非常濃厚的鮮豆味, 相當清新!香蒜春卷 - 外暖內熱, 第一口咬下去想像不到𥚃面會這麼熱, 食物熱騰騰已經加分, 餡料蝦肉也是非常新鮮再加分👍🏻香芒沙律盞 - 這個有點失色, 看圖片以為很特別, 卻是普通的沙律, 加上香芒汁及沙律醬, 底部承托的只是一塊薄薄的脆片。鮮芒果布甸 - 意外叫錯了這個布甸, 比上面原來要叫的好得多, 除了布甸太細之外, 味道本身很甜, 在上面鋪上芒果蓉後就更甜!整體上吃得出點心都是即叫即做, 大部份都好吃的, 而且也坐得很舒服, 難怪當晚是坐無虛席。