國際咖哩館

營業中

休息中

國際咖喱館係因為有好多唔同款嘅咖喱可以選擇而出名嘅，而且喺灣仔已經好多年歷史，已經係街知巷聞😋而且咖喱都有啲款式好貼合香港人嘅需要，而且外國人或者香港人又可以嘗試吓比較偏濃味，或者味道比較特別嘅咖喱🍛店員都好貼心，因為小編對咖喱唔太了解佢都會好貼切咁問係鍾意食濃味大概辣度，而選擇返一款適合啱食嘅咖喱🍛-比較推介比大家嘅係古馬雞，古馬呢款醬汁味道係偏淡，但係又好有香氣，有微微嘅椰香，裏面嘅配料仲有蕃茄薯仔洋蔥，但係佢哋嘅咖喱係偏向水狀，另一方面嚟講其實都幾啱撈飯😋如果大家唔鍾意食飯嘅話可以配薄餅，份量又唔會太多，而且佢哋嘅薄餅都係比較香口厚薄適中

「國際咖喱館」喺灣仔有好多年歷史㗎啦。餐廳門外貼咗好多有名人幫襯嘅剪報，算係區內有名氣嘅咖喱店。▫️吉列豬扒 (HKD100)▫️沙嗲半打(HKD80) ▫️咖喱雜菜煲(HKD70) 吉列豬扒價錢我冇寫錯，真係賣$100一塊！無可否認炸豬扒係我哋點嘅食物之中最好味嘅一款，豬扒經過油炸之後入口竟然一啲油膩感都冇，外層薄脆，係唔錯嘅。咖喱汁味道比我想像中淡，同埋冇乜辣嘅味道。啊姐介紹沙嗲可以三款(豬、牛、雞)混合咁我哋咪試吓囉。沙嗲醬係幾重花生味嘅，串燒唔似即叫即燒嗰隻，上枱時係微暖及肉質有少少硬。咖喱雜菜煲可選跟白飯或薄餅。

有一日落咗灣仔 去咗國際咖喱食咖喱😈睇完個Menu搵到一款好特別嘅咖喱 就係花生醬味嘅咖喱啦😋😋叫完嘢食15分鐘早上台💪🏼佢嘅賣相一啲都唔討好🤣🤣但食落真係有好濃郁嘅花生醬味道大家經過都可以黎試下呀🔥🔥

🌸國際咖喱館係灣仔有好耐歷史，小編都算係由細食到大，佢既咖喱好香，而且夠辣🌶️重點係香港𝐬𝐭𝐲𝐥𝐞，所似好岩香港人既口味💕-𝐅𝐨𝐨𝐝 𝐑𝐞𝐯𝐢𝐞𝐰 食評 🥘咖喱牛脷（中辣）配印度薄餅 $𝟗𝟔好足料，成碟有𝟓舊厚身牛脷，而且牛脷好重牛味同埋煮得好鬆軟🥹小編好耐冇食，今日食返都好讚嘆🤤有炸乾蔥鋪係牛脷上面，令到口感多左層次👍🏻推薦！-其實小編都隔左好耐無幫襯，今日幫襯返都仲係回憶中既味道，本來想推薦一啲以前食過既菜式，但係上網睇到好多人都話佢水準退步左，所以小編唔想為介紹而介紹，令到大家嘥𝐪𝐮𝐨𝐭𝐚🫠不過牛脷係真心唔錯👍🏻📍 國際咖哩館 灣仔大王東街26-30號地下環境：🌸🌸🌸味道：🌸🌸🌸🌸服務：🌸🌸🌸衛生：🌸🌸🌸性價比：🌸🌸🌸🌸-#hkfoodie #foodbitxh #foodbitxh_wanchai #hkeat #hkig #hkfood #香港美食 #instafood #hkfoodblogger # #打卡美食 #instamood #香港好去處 #銅鑼灣美食 #灣仔美食 #灣仔美食地圖 #灣仔美食推介 #灣仔美食系列 #打卡餐廳 #相機食先 #香港美食地圖 #香港美食指南

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍國際咖哩館🤍黑咖哩羊平時食咖哩都會諗到去重慶大廈呢啲地方，估唔到灣仔都有出色嘅咖喱餐廳。羊肉份量多又大塊肉，少有既黑咖哩，帶有好香既香料同辣遮蓋了羊的騷味未試過可以試下味道幾特別～

經過這間國際咖喱館，見入面有人食緊，而且又有座位加上個名又咁勁所以試吓，坐低之後叫咗個洋蔥咖哩雞配印度餅。上菜之後點知完全聞到有咖喱香味，一於除低口罩再聞清楚一點，點知也是一啲咖喱香味都冇，未食之前還抱住一點希望點知一食就真是失望到極點。咖喱係完全冇咖喱味只得鹹味，而啲雞好明顯是與咖哩分開來煮因為係無味的，印度餅孤寒到只得二塊而且仲係好細塊。結論：賣這種價錢（$121）但質素是與茶餐廳幾十蚊差唔多，某些茶餐廳還好食過佢，都唔明點解還生存得到，這次真係徹底中伏。

初試呢間國際咖喱館。聽聞過原來開咗好多年。所以鍵盤入邊嘅裝修都係比較舊試。本來想單點幾款菜式，睇完個Menu睇到眼花撩亂😅 後來侍應姐姐推介我哋食個二人餐。我哋揀咗雜菜咖喱角（今餐係牛咖喱角，但係可以轉雜菜咖喱角）、咖喱蝦、非洲辣雞。跟咗一個飯同一份薄餅。 之後再追加一份吉列豬扒咖喱汁另上。 個雜菜咖喱角好好有家鄉風味，似 home made 嗰隻。咖喱蝦就正正常常冇乜特別，但係個咖喱汁係好味嘅。非洲辣雞味道都幾特別，同平時食開嘅非洲雞好唔同，甜甜辣辣咁。個咖喱吉列豬扒就真係必食！吉列豬扒炸得超好食😋 侍應姐姐超級親切。送俾我哋自己揀咖喱汁嘅味道。本身咖喱吉列豬扒同咖喱蝦個汁係一樣啲，侍應姐姐俾我哋轉另外一款嘅咖喱。 本人覺得跟飯配咖喱係好啲嘅。個薄餅都係一半，不過亦係好有 home made feel 。 我哋最後都只係食晒啲飯，薄餅就食淨一半。 如果突然間想食咖喱，呢度都係唔錯嘅選擇。

有幾位同事話呢間咖哩唔錯，所以最近終於去試。一打開menu選擇極多😂，第一次黎真係唔知叫咩好。問左staff有咩推薦，揀左古馬雞無咁重椰汁味。由於薄餅望過好似賣相一般，所以叫左飯，加左paratha 2個人share食。🔅古馬雞 ($110)咖哩幾大碗，有微微椰香，有菠蘿、番茄、洋蔥等等，仲有大大隻雞脾。雞都幾滑👍🏻，斬成4大件。不過咖哩偏水狀，似咖哩湯多啲🤣，個人就偏好濃稠啲既texture 🤣，同埋少辣係完全唔辣🤣。🔅油酥餅 ($25)食咖哩點可以唔叫paratha！啱啱炸起，好酥脆😍。不過炸既始終偏油，要自己用紙巾印一印先。💬比較surprise係俾左暖水我地😳，都幾貼心。不過可能位置比較近toilet，同事話有up味🙈。咖哩就普普通通，如果油酥餅唔油就perfect啦🙈。

好多年前一直都有幫襯呢間餐廳，因為當年水準下降已經差不多10年冇幫襯過。今日經過灣仔諗住懷緬下以前所以入咗去食，點知食物質素仲差過以前，啲薄荷雞完全唔同咗以前，而家似酸菜雞多少少又酸又難食。另外一個椰汁雞完全好似飲緊湯咁，最後我叫咗燒牛仔骨硬到好似乾屍咁。服務睇唔係好，啲嘢又難食，以後請都唔會再黎。講真呢間野係我父母嘅年代都係一間好出名嘅餐廳但係今日我帶佢哋重有舊地感覺完全係差到冇得再講，亦都唔會再嚟食，連我父母以前當呢度係飯堂都話唔會再嚟。因為真係好大分別，個侍應又一直吹我哋買單因為佢趕住收工。

落到灣仔剛好中午時間，四圍睇下有咩好食，響條橫街有間咖哩店，玻璃仲貼滿報紙。呢排響屋企研究緊斯里蘭卡咖哩，一時引起，打算入出嘗試一下偷下師。本人喜歡羊，所以直接睇咖哩羊，。。。。。。。。。。。。嘩12款咁多，心猿意馬都唔知點算好，唯有搵個店員推薦一下邊啲辣一啲的，佢數咗幾款，黑咖哩未曾試過，就黑咖哩啦。店員仲再三提醒黑咖哩比較濃味，未必個個喜歡。上到台，賣相唔錯，羊肉份量多。味道方面，香料係比較濃味，網上話係把香料炒到焦香所至。不過我覺得濃就濃，但果種咖哩嘅香味就唔夠，辛辣亦不足。未食過可以試下，食完唔使到試。跟黑咖哩羊肉配送或簿餅，不過簿餅比較細件。環境清靜，我去到果陣差不多1點，可能過了飯市，人唔多。價格方面，唔記得有冇加一，我覺得就偏高咗少少。

昨天去灣仔上課，特地去國際咖哩館吃它的明物乾咖哩，本想回憶以前的味道，怎知...可惜...很難吃。我點了中辣乾咖哩羊，但近乎不辣又沒有咖哩味，配菜炒得不夠香，不夠惹味，配菜佔了70%，羊肉少之餘有幾塊很肥，結果主要是吃配菜。另外叫了一客薄餅(忘記拍照)，賣相不錯，吃落完全是凍的，不是即叫即製，$24只有2塊。結算$180，完全不值，這一餐好失望。午飯時間大約1:30只剩下我一枱客，其質素可想而知。 我也不好意思坐太久而離座。

一年多未去這以前常光確的店,今日路過借緣再訪。回味以前的咖哩牛尾煲只選少辣，反而多了清新的芫茜香味鮮而不辣，伴白飯最捧，牛尾肉鬆輭入味。古馬羊少辣羊肉入口溶化，汁液香料味濃，八角花椒更有陳皮，混合成上好咖哩汁。沒有失色的厨房，但份量比 往時少了。

元宵節🍄🍄和朋友訂了這間專食咖喱的小店。因為第一次黎，所以也想不了那麼多，就試了一個四人聚餐。朋友想喝酒，但啤酒的價錢不便宜🤔店員話因為套餐包飲品，只需加$25就可喝生啤，所以最後就這樣決定了！我們的四人套餐選了咖喱角配青檸汁、咖喱牛、咖喱魚、干炒雞、薄餅、白飯、雙色西藺花椰菜花等，再自己加了半打串燒牛和蔥油餅。辣度選了中辣，因為店員說正常的辣度是中辣，不過其實都唔算辣！🍄🍄覺得整體上味道不錯，那個雞很入味和惹味。咖喱牛也炆得很軟熟，自己再點了蔥油餅雖然感覺很油，但味道比套餐附的薄餅好吃。🍄🍄最欣賞那個咖喱角配青檸汁，裡面的咖喱配料滿滿的，脆脆的口感和青檸汁很夾！唯一不足是那牛串燒，實在太醎，但那沙爹醬甜甜的，🍄🍄很喜歡，有點可以中和太醎的串燒。店員服務態度不錯，上菜也很快，可以再來試試其他的菜式。

不知是否因為咖哩，只有條秘方在手，就可以複製出來。九龍有「雙龍咖哩」左右孖舖鬥爭歷年至今，香港有「新舊國際」 舊老細新舖，屹立至今可算分出勝負，『人不爭一時爭千秋』老牌食店加老牌服務員介紹，巴基斯坦黃咖哩，自己選了《牛脷》配《薄餅》國際這款巴基斯坦黃咖哩，沒有勁多洋蔥蒜粒，反而有點像港式咖哩樣貌，但汁量充足，牛脷份量豐富。吃起上來充滿丁香和荳蔻的咖哩味，香而不算濃，阿姐建議叫中辣，因為少辣係完全唔辣，大辣就會好辣，最初吃起上來覺得中辣是唔辣，同「九龍的雙龍」相比就會覺得小辣都不如，吃起原來有回甘，辣味慢慢開始出來，（但係下次我都係會試下大辣）咖哩不配飯都不會覺得太鹹。牛脷夠巨型分量不少。厚切不一，有些非常厚，牛脷有點兒過熟，爽口就欠奉，但真的非常腍，沒牙都食到。薄餅唔油，但係亦都唔香口，味道我個人覺得一般般。下次吃白飯會好些。～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 15服務質素＝(滿分20) 12裝修整潔＝(滿分20) 13性價比率＝(滿分10) 7回頭指數＝(滿分10) 7總評分 ＝(滿分100) 70分

看推荐这家咖喱，本身我也喜欢吃咖喱，就周末去试试，去的比较早，还没有人，点了一个猪排，一个虾，看到猪排上的时候快哭了，竟然不是吉列猪扒，不过味道也还可以，虾要了三巴虾，里面是不带土豆的，要另外点，饼是冷的，米饭拌咖喱好吃