佳記甜品

營業中

休息中

晚飯後去散步經過見到好多人，癮唔住入去食個宵夜。蒜蓉雞翼尖真係好開胃！雞翼內嫩，啖啖肉汁。蒜蓉香氣四溢，味道濃郁香辣，入口即化。每一口都帶嚟滿滿嘅蒜味同雞肉嘅鮮嫩，味覺享受無窮。三色腸粉加魚蛋真係好正！腸粉白滑嫩，彈牙又好入口。混埋唔同嘅醬有獨特嘅口感同鮮味。加埋魚蛋，帶嚟一份豐富嘅咀嚼感同鮮美嘅海鮮風味。最後來碗糖水，蓮子百合紅豆沙。紅豆沙濃郁香甜，口感綿密滑順。加埋蓮子同百合，帶嚟一份清香同嚼勁。每一口都有紅豆嘅甜味同蓮子百合嘅獨特風味。

佳記甜品，位於元朗教育路大坑渠側。 好多年冇食b仔涼粉了， 難得入到元朗， 剛好食完晚飯就去佳記甜品。點了B仔雜果涼粉$46、哈密瓜西米露$32、蒜蓉香辣雞翼尖$24。 ▪️B仔雜果涼粉 ～ 份量多，涼粉爽口，每款生果都新鮮，最喜歡芒果，非常甜美。 ▪️哈密瓜西米露 ～ 甜到適中，清涼可口。 ▪️蒜蓉香辣雞翼尖 ～ 雞翼尖蒜蓉味唔算出，但係辣度好勁， 都幾惹味。 整體食物可以，但環境清潔度要改善，有蚊滋。🏷️溫馨提示～ 整個用餐體驗均屬個人分享意見， 只作參考😊。

元朗b仔涼粉出晒名讀書時期中學已經食到熟哂都差唔多20年而家搬到九龍住，都要特登每個月返去食一次，真係好好食價錢又唔貴真係低食30-40蚊就有咁大個甜品又足料又多水果楊枝甘露／芒果西米撈／芒果紫米露／芒果布甸／西瓜or紅毛丹布甸超級好食。 我次次食完都要再加外賣2個糖水同B仔涼粉走拎到手痛。 另外惹味小食腸粉魚蛋燒賣必食（雞翼尖太辣食唔到），豬皮蘿蔔都超好食。甜品類就芒果／榴槤糯米卷都必點，食完真係好滿足

食完飯諗住去b仔食個糖水 平時嚟親都一定會食雞翼尖 今日試下其他野先 去到太多人決定買返屋企慢慢食😝今次嗌左個楊枝甘露同埋芋頭芋圓西米露 兩個都超級足料👍🏻小食就嗌左腸粉 $10@4條好抵食

每次去元朗，必定去B仔涼粉食甜品。今次叫左楊枝甘露同椰汁香芋西米露。楊枝甘露：好大碗，芒果好多，好足料，但今次味道偏酸椰汁香芋西米露（熱）：夠熱，份量都係好足，有椰汁味

嚟過食甜品幾次…但係一直都無試到B仔涼粉🥹今次再入元朗…終於食到啦！！🐾B仔涼粉份量好足…我同朋友兩個人完全食唔晒…唯有放棄啲涼粉🥲🥲啲生果都算幾甜…下次會叫多一至兩個朋友去再戰B仔涼粉😊🐱🐱評分（5🐾滿分）食物🐾🐾🐾環境🐾🐾服務🐾🐾🐾衛生🐾🐾抵食🐾🐾🐾

平時都會去買B仔涼粉，雖然啲糖水唔係話好食，不過天氣熱，想食啲糖水，係元朗都無咩其他選擇。今晚如常去幫襯，已經同呀姐講左3次要西瓜西米撈，但係佢都係落錯單，我已經即時提醒個呀姐佢落錯單，但係佢鬧返我轉頭，又唔肯改單。因為佢落錯單，啲糖水加左花奶，我對奶有食物敏感，最後一啖都無食到。完全係比錢買難受，以後都唔會幫襯。

一場嚟到元朗梗係要幫襯一下呢間元朗名物，雖然佢係一間糖水舖，但係叫咗咁多樣嘢食之中最好食嘅竟然係腸粉。西瓜涼粉同海底椰涼粉嘅涼粉比出面其他甜品舖食到嘅大粒啲，咬落去爽啲，不過似乎海底椰係比較襯涼粉，西瓜都係唔係咁襯，冇落到花奶，只係小小甜，可以話係相對健康啲嘅甜品。蜜瓜沙冰比想像中理想，其實開頭想叫奇異果沙冰，因為諗住唔想咁甜，奇異果通常酸酸地，點知佢冇晒奇異果， 揀無可揀之下就揀咗蜜瓜，沙冰入邊真係有幾粒蜜瓜球，而且唔會係藥水味，所以幾好。冰丸杏仁豆腐係咁多樣之中最難食嘅，首先冰丸原來就係雪糕糯米糍，放落杏仁豆腐都係有少少奇怪嘅，不過最重要係佢嘅杏仁豆腐唔好食，實滴滴，似布甸多過似杏仁豆腐，完全唔掂。

夜晚嚟嘅時候，呢間元朗B仔總店經常係座無虛席，外賣亦都要排長龍～老闆娘總係熱情招呼每一個嚟嘅客人～佢哋嘅鮮什果涼粉真係出名嘅招牌菜，清新爽口又好開胃～唔可以唔試佢哋嘅蒜蓉雞翼尖，每一塊都整得恰到好處，嫩滑香辣，蒜蓉香氣四溢～另外，佢哋嘅牛肉燒賣都係一絕！彈牙嘅牛肉丁同滿滿嘅餡料，一口咬落真係令人回味無窮～呢間元朗B仔總店真係保持住傳統味道同獨特風味，無論係服務定係食物，都係一流嘅水準。每次來都能夠感受返屋企嘅溫馨感覺。所以，如果你想要嚐下地道嘅港式美食，呢個地方絕對係首選！唔論係堂食定係外賣，你都會愛上佢哋嘅人情味同好味道。❤️🍽️

唔知點解我屋企人好鍾意喺呢度買糖水， 好多人都話難食但係我又覺得普普通通一半啦又唔太差， 屋企人買咗芒果西米露俾我我都覺得OK， 個西米露唔太甜但係芒果幾香， 又冇其他人講到咁差嘅😉

叫咗外賣番薯糖水加芋圓，燉蛋，腐竹糖水番薯糖水打開冇芋圓，蝕左$10因為芋圓要加$10架，真係勁嬲😤 番薯又有渣，垃圾燉蛋冇蛋香腐竹糖水勁一般總之全部都低水平，仲話出名，應該係出名難食，垃圾之最

滷水雞翼：入味，唔使噒骨，啲肉一咬就甩。不過偏鹹滷水味偏淡。腸粉：混醬自動多汁（我平時叫開多醬，下次要叫佢少啲醬先得），腸粉都係煮得啱啱好。👍🏻魚蛋燒賣：魚蛋普通，唔知有冇咖啡汁呢？有嘅應該幾好味。燒賣好食嘅！作為燒賣狂熱愛好者，夠晒魚肉味，煙靭加分。煮得啱啱好，唔會太淋太硬。燒賣豉油亦都好好味，果然係老字號！結論：推薦指數⭐️⭐️⭐️⭐️作為新元朗人，啱啱搬入元朗兩年，推廌平時掃街嘅話可以食吓燒賣咁，出色嘅！腸粉滷水雞翼嗰啲想飽肚都可以試吓唔差。

蒜茸香辣雞翼尖 - $22海底椰涼粉 - $30蒜茸香辣雞翼尖外觀保留雞皮原色，每一隻雞翼尖滷至非常非常入味，鮮香蒜味、辣椒香氣、都融入了雞翼尖，口感軟嫩又不過爛，辣度又夠有尾勁。😋建議揸車入嚟嘅朋友可以買兩袋雞翼尖外賣，返屋企送啤酒睇波，簡直一流。😋


元朗食完晚餐 來食甜品睇住B仔涼粉愈來愈貴😂但份量依然很多 兩個人食真的有點多 最後還是食唔哂喇～🤭最好還是3個人一起食😂水果大部分都幾甜 好味大大粒涼粉 口感都好好👍🏻

我對這份芒果涼粉外賣感到失望。一個小時後品嚐，涼粉卻變得硬如石頭，難以入口。儘管芒果的味道還算不錯，但整體而言，這份外賣讓我感到不滿。我不建議大家嘗試這道菜，因為涼粉的質地問題讓整體體驗大打折扣。希望店家能改善這個問題，提供更好的食物品質。