花園餐廳 (金百利廣場)

營業中

休息中

週末突然間想食港式嘅鐵板牛扒！喺銅鑼灣好自然諗起就去花園餐廳🍴已經唔知幾多年冇嚟過呢一間嘅花園裝修依然冇變過 滿滿嘅青春回憶意想不到係星期日嘅下午佢依然有下午茶餐啊🫣而且成個場都幾多人！！仲要$83就可以食到鐵板肉眼或者西冷，應該比起午餐或者晚餐抵食吧，仲要連餐湯同嘢飲🫢 .兩個人點咗兩份鐵板肉眼牛扒 $83份好快就上咗餐湯羅宋湯比忌廉湯出色很多西芹、紅蘿蔔、蕃茄好足料！最意想不到係仲有幾嚿牛腩碎肉呢度嘅麵包雖然只不過係用微波爐返叮，但總覺得滿滿嘅童年或者青春嘅回憶都依然咁好食😆😆兩份牛扒都點咗五成熟，但其實大家都知道港式牛扒唔會奢求太高🤣🤣，但塊扒真係好大塊！一餐當三餐都得！！！仲配兩條小棠菜，同埋薯條俾你，黑椒汁蒜蓉汁任你揀，我要咗黑椒汁，但唔算好辣，下面張相我已經切咗三份一份俾朋友，但佢都仲係咁大塊😂😂埋單合共$185，以呢個份量同價錢冇嘢可以挑剔，下午茶時間值得再嚟！

看完花展，時間已到下午茶時段。離開維園，來到銅鑼灣的花園餐廳午膳。下午茶餐的鐵板只是$83免加一，非常超值。～羅宋湯配牛油餐包羅宋湯雖然菜蔬不多，但味道不錯，甜甜酸酸，即時提起色慾。熱騰騰餐包配牛油，入口鬆軟。～鐵板牛柳賣相不俗，選了五成熟的牛柳入口嫰滑，醃得入味，份量也不少。薯菜滲入了蒜茸汁，再配茄醬吃，非常入味。～鐵板雞扒拼豬扒雞扒皮煎得微焦，白肉沾上蒜蓉汁也不錯。大大片帶骨豬扒非常腍，完全不韌，味道適中。～飲品餐後來一杯熱檸茶或水，一解肉的膩，超滿足。

➲ 銅鑼灣 花園餐廳港式餐廳嘅餐包都好難唔好食，即刻叮熱搽牛油，世一！餐湯個人偏好紅湯，唔酸分量多，食完都飽三成。花園餐廳係平民鋸扒之選，食過咁多之都一樣唔錯，排類大份，肉位靚唔多根，雞扒仲有兩大塊同薯菜，間唔時都會來。➳ 蝴蝶型肉眼牛扒 ⁽⁸/¹⁰⁾➳ 鑊仔牛柳 (紐西蘭) ⁽⁸/¹⁰⁾➳ 西冷牛扒 (紐西蘭) ⁽⁸/¹⁰⁾➳ A級肉眼牛扒 (紐西蘭) ⁽⁸/¹⁰⁾➳ 蒜茸香草雞扒 ⁽⁹/¹⁰⁾➳ 羅宋湯 ⁽⁸/¹⁰⁾➳ 餐包 ⁽⁸/¹⁰⁾⤵ 花園餐廳銅鑼灣記利佐治街1號金百利廣場4樓R2舖

西冷牛扒非常鮮嫩。牛扒嘅肉質非常軟，入口即化。牛扒嘅油花分佈均勻，非常入味。牛扒嘅口感亦都非常有彈性。牛扒嘅肉質非常有嚼勁，非常美味。我覺得西冷牛扒係一款非常適合配搭羅宋湯嘅牛扒。羅宋湯嘅濃郁口感可以襯托出西冷牛扒嘅鮮嫩口感，非常美味。羅宋湯係非常岩秋冬嘅湯。羅宋湯嘅濃郁口感可以暖胃，番茄嘅酸甜味可以開胃 湯嘅口感亦都非常順滑。湯嘅質地非常細膩，非常入口。

真的求求大家千萬不要來了，撇除完全沒有服務可言，食物咁冇誠意，憑咩收呢個價錢？真係好難食！吃到一吐氣，無心做生意，不如執咗佢，點解咁嘅質素都仲可以生存緊，不要再中伏了！一分都唔想比！！！！！！！要二百字先可以比劣評，有無搞錯！！！！！！！！！！！！！！！！！！！！！！！！！！！！！！！！！！！！！！！！！！！！！！！！真的求求大家千萬不要來了真的求求大家千萬不要來了真的求求大家千萬不要來了

係銅鑼灣行街，到左晚餐時間，周圍都好多人，唸住去金百利廣場睇下有咩食，所以就去左花園餐廳食牛扒🥩🍴都係港式懷舊扒房之一，由細爸爸帶我去食到而家大個🤭主食：西冷牛扒（紐西蘭）$149叫左7成熟，因為覺得鐵板都吾係好熱會辣好熟塊牛扒😋今次揀咗黑椒汁，淋左好多汁係上面好香，牛扒係厚切，肉質嫩滑，吾會太生太熟，好好食🤤跟餐仲有一個湯、餐包同飲品送，揀咗白湯，白湯好足料，入面仲有魚塊，餐包係熱辣辣，我最中意浸落碗湯到食😝最後飲品叫左凍檸檬茶少甜少冰，因為比較去油膩，食完之後好飽好滿足😌

D員工真係好得人驚，個黑衫男勁發脾氣，部分員工收碟及餐具時都「砰砰鵬鵬」，同佢地講野又唔應人的，D野又唔好食，只係因為唔想等位至坐低食啫！但以後都唔會去，餓死都唔去

係花園餐廳叫一個排餐，會有一個餐包同一個湯🥣，好大份夾抵食。佢個餐包係焗熱咗既超級軟熟同香口，搽啲牛油又正又開胃。個羅宋湯好足料，有好多雜菜同好濃既茄汁味。羊架🐑係放係鐵板上面，上菜時先淋黑椒汁，要用大塊紙巾擋住啲汁先唔會彈到自己。啲羊架切落去勁冧勁嫰勁多汁，加埋啲炸得好香脆既薯菜🍟，整體味道一流。

那天，我早退為了走到銅鑼灣睇眼科覆診，恰巧！舊男友約我出來食飯，問我想星期一還是星期四？既然我都出開銅鑼灣，一於選擇星期一！當晚，恰巧是他的農曆生日！他又想走到銅鑼灣買福袋給他自己，我又無 idea 食什麼？於是，他推介食 <花園餐廳> ！況且，又近他想買福袋的商店，我還問他幾點收舖？商店 8:30 就收舖，尚有1小時進食！他都急不及待催我食及為我幫忙切豬扒！這裡平日夜晚都唔 full，不用等位直接入座！Menu忌廉湯質感濃稠，夾雜薯仔粒、西芹粒、...等！餐包芳香鬆軟！鐵板串燒帶子拼豬扒配薯菜 $136嘩！賣相好吸引我呀！包括：彩色椒、洋蔥、帶子及豬扒 醬汁選擇：黑椒汁、洋蔥汁、蒜蓉汁我選擇了蒜蓉汁，當店員淋上蒜蓉汁，熱辣辣香噴噴，咋咋聲！他為我切豬扒切成一口 size 方便進食，入口肉質軟嫩！至於，墊底的薯條已經被醬汁浸淋了！蝴蝶型肉眼牛扒 $139店方把牛扒薄切分開，看似蝴蝶！賣相亦顯得很大呢！肉質軟腍入味，黑椒汁提升味道又惹味！

銅鑼灣花園餐廳一向以服務垃圾見稱，所有侍應都係黑口黑面，專登呼喝客人，將食物粗暴拋到枱面，行過時專登踢客人張椅，以發洩佢地憤世嫉俗的情懷同埋對社會既不滿。昨晚到花園餐廳食飯，有一個無戴眼鏡、矮過153、著黑衫既「經理」侍應唔肯主動帶位。我地自己入去坐底後佢自己即刻著火，整晚十幾次專登抺枱，用手肘碰撞客人，務求令客人有「賓至如歸」的感覺。將食物大力拋落枱是基本，個兩個位已經好迫，仲要行過專登踢客人。銅鑼灣店所有侍應態度都係垃圾，西面對客是呢間鋪的標誌；侍應高高在上，自我感覺良好不再是社會失敗者，客人貼錢買難受！

心血來潮想鋸扒食，講起鋸扒梗係諗到花園餐廳，以前細細個都好鍾意來花園鋸扒，見到好耐冇食，於是就喺銅鑼灣上咗金百利食花園，佢都唔係話勁多人都即刻有位！我哋一個叫咗美式什扒，咁另一個呢就叫咗西冷牛扒嘅，兩個都係配薯條，亦都係配蒜蓉汁嘅！我自己好鍾意食鐵板，係因為佢熱辣辣啦，淋個汁落去咋一聲，非常之正！什扒份量亦都相當之多啦，好似食極都食唔晒咁，西冷肉質亦都非常之鮮嫩，咬落去勁Juicy! 薯條可能都擺得耐，所以就有少少淋，做唔到香脆效果

同屋企人食飯通常都食爸爸最愛-花園餐廳好多時啲人都話花園餐廳嘅人態度唔好，其他岩嘅可以補充下係少數職員係咁首先電話訂位時嘅職員已經好和藹可親，無錯一入餐廳見到個位應該係經理就真係係無乜表情嘅，但其餘嘅其實都真係好好，又有笑容，都可以話係好愉快架啦不過無嚟一排，睇到價格都真係上漲左唔小，不過難得爸爸都仲接受到就好羊扒妹妹話梳打粉味好重,食左半份已經食唔到落去爸媽嘅什扒餐永遠都係咁足料，又有腸仔又有雞翼老公肉眼扒超大塊，肉質嫩滑我嘅煎豬扒拼牛脷，牛脷爽口好味，豬扒厚薄均勻不得不讚嘅係薯條，最尾先食都仲係脆，食唔晒塊扒都要食佢另外白湯妹妹又話味精重，飲到妹口渴，我又無乜嘢，覺得幾好味 🤤味道🤤： 4/5🏝️環境🏝️：4/5💵抵食💵：3/5💁🏼服務💁🏼‍♀️：4/5

話說我同女朋友去咗花園 叫咗一份羊扒加白飯羊扒我全部拎刀切開 切好晒 竟然咬唔開 厲害嘅係 個所謂嘅經理話拎去返焗 唔緊要 但都唔駛出嚟個陣 變咗全熟 我女朋友問佢 佢話我哋啲羊扒都係咁 一個字 勁 如果你哋啲羊扒係咁 好心就唔好拎出嚟賣 個個都游手好閒 最勁係有個肥仔 我問個女侍應要等幾耐 個女侍應以為我哋仲未出 之後個肥仔大大聲唔馴驚咁 佢哋返焗架 我心諗返焗又如何呀 唔駛食呀 個嗰都有飯食 點解我無得食先 話口未完 出到嚟 全熟 真心唔想比人食 無言 除咗個湯同有包食之外 食個飯都唔得 唔係你取唔取消嘅問題 我無錢食咩

花園餐廳相信係對好多香港人嘅回憶，細個同屋企人食過之後大個都冇再食過，而今次就心血來潮想回憶返平民鋸扒。牛扒份量非常多，以價錢錢來講配埋餐湯同飲品絕對係非常抵食。最經典嘅都係店員幫忙淋汁嘅時候，記得要拎起餐巾擋一下🤣

諗住試返下童年回憶，竟然差𠃊過茶餐廳鐵板餐，黑椒汁同蒜蓉汁可以冇味，羅禾湯勁酸。啲廚師有冇差到連嗰汁都唔識推，平價牛扒最重要就係嗰汁蓋着佢哋浸蘇味，黑椒汁冇黑椒味，蒜蓉汁冇蒜蓉味。嗰丅骨啲筋多到切唔L到，鬆肉粉咪落多啲，唔係咪落木瓜汁，嗰T骨仲要係炸🤣本人都做過平價牛排都冇做得咁差。點解仲未執？ 衰過好多大陸餐廳如果要對比。