濠園茶餐廳 (已結業)

今次嚟食下呢度個常餐，噉佢個餐有火腿通粉，個火腿通粉我覺得嗰啲湯底比較清啊，所以我加咗啲胡椒粉落去食會比較好少少。噉另外佢會包兩隻煎蛋，同埋一個方包嘅，噉再配埋杯熱奶茶囉。下次都係食返茶餐廳啲常餐會比較滋味啲。

今日再去小西灣濠園茶餐廳食下午茶，今次叫咗個蒜香雞中翼拼沙律，佢嘅雞中翼唔係炸的，食落冇咁熱氣，沙律入邊冇薯仔，主要係蘋果及菠蘿等生果，相比起上次叫咗炸薯條，食完唔會有太過飽嘅感覺，可以做到食完下午茶又唔會食唔落晚餐嘅效果

今日去開小西灣，下午茶時間揾野食，下午茶時間唔算多人，選擇方面都有好多款色，今次點咗個吉列豬排薯條加坏熱華田，份量一般，豬排幾脆唔錯，薯條口感唔粉，食物質素整體中上，下次有機會再試下其他款式

今朝嚟到濠園食早餐，見到隔離位嗰個叔叔個牛角包好似樣，隱約仲聞到多多少少牛油嘅香味飄過嚟，即刻嗌番個豬扒牛角包先。一啖咬落去，無錯個牛角包係幾好味嘅， 牛油味又幾香，不過塊豬扒乾爭爭得嚟硬掘掘，又無嚟味道，唔係路囉。之後聽番阿媽講牛角包嗌吞拿魚會好食好多。

濠園茶餐廳是一間街坊茶記，擺位密度高，環境衛生一般。雖然單看門面不甚吸引，但午市繁忙時段仍是幾近滿座。 羅宋湯口味稍鹹，整體味道可以接受。 窩蛋免治牛肉飯的味道可以黑椒甜醬汁作歸納。鹹蛋肉餅肥瘦適中，不像坊間茶記多用肥肉為主。味道方面，肉餅吃不出肉香，只能給予合格評分。 凍奶茶茶奶皆淡，沒有茶記應有水準。

星期日的早上，終於可以嘆返個健康早餐！平時返工趕到趕命，慢慢嘆只有今日。喜愛此間茶記的原因，有多不勝數的早餐(A-G)，除了C餐之外，如餐飽可改方包、多士加$2, 烘底加$2!估不到星期日都坐無虛席，人數都很多！我選擇了D餐，火腿三文治+牛奶麥皮配上熱檸水。火腿沒有牛油頗健康而且火腿並沒有煎香過。牛奶麥皮可選擇不加煉奶及配上煉奶，我決定不加煉奶!健康多一點嗎?熱檸水是女仕們的恩物，養顏又可以淨化腸道！

是這裡的長客，今天下午來到吃下午茶，熱奶茶+家鄉炒米粉，三十大元。奶茶香濃，有茶香，真估不到小西灣區也有這樣還水準的奶茶。這裡不需要排隊等位，但繁忙時間非常人多，找位也很難。米粉也炒的不錯，粉是干身的， 配合蛋跟蝦米，味道不錯。還有推介，是這裡的架喱很有水準。

是日的早上小弟在鰂魚涌跑步，回到小西灣邨已經是下午兩點之後，此時五臟廟亦開始發聲。今日唔想行得太遠，因此選擇在富景花園的濠園「落腳」。到步時正值餐廳的下午茶時段，落單要個下午茶餐，揚州炒飯及熱奶茶。 熱奶茶 - 落單後大約三分鐘率先到達，看上去的色水都幾深。小弟只是下了少量的白糖，呷一啖奶茶的感覺，它不算是特別厚身但飲得出有一陣茶味，同時掛杯效果亦十分明顯。 揚州炒飯 - 主角終於到達，未食都已經被賣相的顏色深深地吸引，至少見到紅(叉燒及火腿)、黃(雞蛋)和綠(生菜絲及蔥花)三色，可見餐廳利用了不少的材料來炮製。雖然炒飯的表面看上去較為光澤，但是吃入口反而沒有過份油膩的感覺，碟底並不是遺留過量的油份。雖然餐廳侍應做事比較爽手，負責收銀的老闆亦有禮貌，但是他們似乎只顧做生意而忽略了清潔。在小弟進入餐廳時，見到地上遺留了不少的垃圾，並未見有人進行清理。無可否認他們在食品質素上做得出色，而價格亦見得吸引。不過在餐廳清潔上還是欠缺了一點積極，印象的確打了一點的折扣。希望下次小弟再前來光顧的時候，能夠在餐廳清潔上得到改善。

二月初九‧霧轉大雨 請了一天假，晨早已起床，先吃早餐。八時未夠，這一區選擇也大多以茶餐廳為主，來這裡，因為想吃豬仔包。單吃豬仔包好像不夠，唯有打孖上，另多要了一份腸蛋多士。 豬仔包要了芝士火腿餡，硬豬包烘得熱熱的，吃起上來外脆內軟，吩咐要塗多點牛油，而豬仔包跟牛油一向是好朋友，配合起來是又香又好吃。芝士半溶，如果火腿可以煎一煎就更佳。加上雙腸及雙蛋，還有牛油多士，飽飽。 奶茶咖啡俱不錯，在這一區算是有點水準的了。 兩份早餐埋單36蚊，不貴。

媽和妹去了大家樂食咖哩,我唔去了,在家休息。於是叫了在濠園我最鍾情的"珍寶腸焗雞扖意粉"點知原來巳沒有這個了,事頭婆話只有"焗雞扖、牛扖或者豬扖, 嘩!!雙併變單併??!!價錢又沒有變,都係$35(唔包湯和茶).得一樣雞扖,又想食多一樣料,咁未話加餐肉囉,要加$8,嘩嘩!!!拿唔拿利d啊!!!後來都照叫喇,鬼叫佢焗得好食咩。一黎到餐肉兩塊,雞扖少過以前.不過我都理解既, 而家乜野都貴,連茶餐廳d餐都要縮水.

是日叫了吉列豬扖拉麵,試過差不多4-5次,確定他們的水準穩定才寫。豬扖水準頗高,外皮做得好香脆,送到黎仍然熱辣辣,一咬落去內裡, 真是外脆內軟!麵仍未浸湯,所以仍爽身,配料:旦、紫菜、粟米粒份量味道都配合得宜，整體上可以試試。底讚一點,事頭婆很細心,我叫了湯另上,想不到他們連豬扖也另上，雖然不太環保，但為客人想丫.

口癢叫了一客煎餃子...送到門口還是熱辣辣..外皮脆..皮又夠薄...咬落去..仲出煙添..茶和肉分配平均...好正!

10點幾, 人癢癢, 叫樓下濠園外賣...公司治,料交足,ham, cheese, 番茄, 午餐肉, 蛋, 蛋不是炒蛋..是完個荷包蛋切開..好味, 但多士烘不夠lone (事頭婆話烘底的)

大好星期天，約左個識左幾十年的街坊食下午茶，佢提議來這裡，原因得一個，因為有電視可以睇馬。兩點幾到來，坐滿應都是馬迷，因為眼光都注視在電視上面。呢度下午茶有非常多的選擇，由A到Q，成十七款咁多。我們要了焗豆牛尾螺絲粉及豬扒包的A餐，及札肉檬粉的N餐。我的A餐有螺絲粉又有豬扒包，份量豐富。焗豆牛尾原來只是茄汁焗豆加幾顆牛尾粒，味道幾酸，不過茶餐廳出品，係咁架啦；豬扒包用上雪藏豬扒一塊，加烘脆的硬豬仔包，味道不會差，食左碗粉加埋個包，幾飽；朋友的檬粉就一般水準，但見隔離檯叫的K餐星州炒米都有睇頭之餘又夠鑊氣，佢猛咁呻笨。兩位伙記的服務是不敢恭維，單是短短五分鐘內已經見他們送錯幾次野，包括拿了杯齋啡比我說是鴛鴦走糖﹝有無搞錯！﹞；我的豬扒包又拿了去前面檯，是那個小妹妹醒目地拿回給我的；她叫的「泡菜什菜卷湯拉麵」竟然沒有什菜卷，她問：「咁而家米變左泡菜拉麵？」伙記答：「係。咁即係搵笨X囉！」今時今日咁既服務態度，勁！埋單40蚊，又真係幾抵食的。又有段時間會全場靜晒，就係馬匹出閘之後嘞。