肯德基家鄉雞 (KFC) (已結業)

見KFC推出左避風塘新口味就去試吓，不過有點失望。所謂嘅避風塘口味只係有鹹味、一點點蒜香味，再加點辣味就算，同真正嘅避風塘有好大嘅分別。其實KFC嘅炸雞不嬲都唔差，今次見雞都查得幾好外脆內軟，早知食原味啦。

我好少食快餐，唔知道原來特色風味係定期更改。好耐之前喺KFC食過一次越南牛油脆雞覺得好好食，隔咗一排諗住返去再食啦，點知原來越南牛油已經冇咗，咁就試吓今期嘅三重芝士啦。雞件都炸得好脆，口感係好的。不過三重芝士令我有啲失望，所謂嘅三重芝士完全冇層次感，只係一堆芝士混入左炸粉，味道有少少似懷舊零食芝士波。葡撻就一貫香口好食👍🏻

去左銅鑼灣行街，朋友話想食kfc 新出既鹹蛋黃金系列，行到攰攰地，就去食個雞。Kfc 門市比我既感覺一向都麻麻，硬係充斥住一陣廁所清潔劑既味道，銅鑼灣呢間分店也是，所以坐近出口位置，遠離呢陣味。鹹蛋黃金系列叫左A2 套餐 2件黃金脆雞+大辣汁磨菇香飯+經典葡撻+百事 $47.5。個黃金脆雞其實係香辣脆雞，個雞表面有層鹹蛋醬，所以個雞好辣，不過加左鹹蛋味又真係幾正喎。另外叫左個M2 香辣脆雞餐+家鄉雞皇飯 配百事 $44，食完黃金脆雞再食香辣脆雞，失色左好多，因為黃金脆雞實在太香味，好邪惡。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

行行吓街個女話想食KFC雪糕, 咁就帶佢上去買個牛乳新地脆筒($6)俾佢啦! 點是落完order嘟卡嗰陣佢打嘅銀碼竟然係$17.5! 杯裝雪糕新地($12) 都唔使$17.5啦! 我就話牛乳新地脆筒乜唔係$6咩你打$17.5你打咗啲乜嘢？佢冇答直頭話退返$11 俾我! 收多咗錢退少咗錢一句唔好意思都冇張單又冇俾, 真係唔知應該話佢哋做嘢求其定係博懵!

人，有時總是想放肆一下。放肆的時候總會想起可樂，薯片，炸雞🍗而我就想起了KFC，為什麼會想幫這間KFC寫食評，是因為這間真的每次食都保持水準，就算是外賣也如一。與其說想放肆一下，不如說是因為他最新出的鹽酥雞廣告下午茶時段光臨，沒有人排隊，選了最新出的鹽酥雞三人餐＄136，一共有六件雞，三隻雞翼，兩個蘑菇飯，一碗雞皇飯，三隻葡撻，三杯汽水，還有一盒巴辣雞粒。分量非常多新出的鹽酥雞雖然並不可與台灣鹽酥雞對比，一如既往只是在雞表層有鹽酥的味道，但是雞肉非常香滑多汁，和家鄉雞一樣保持一貫水準這一餐放肆餐食得還是開心

早餐係好重要的，如果食到一份好味又滿足既早餐，不但可以令我果一日充滿力量，而且令我全日心倩愉快。做野專心D，禁就可以早D收工。今朝突登行遠D去買KFC早餐。因為我好掛住個牛角包。買左個滑蛋芝士牛角包早餐 ＋ 即磨咖啡 ＝$23諗住問下唔要飲品會唔會平D，點知係沒有單買的。衣個包一定要襯熱食，牛角包漲卜卜，香噴噴，又夠熱D芝士同蛋多到漏晒出黎。個蛋好滑，我聞到有少少牛奶味。每淡咬落去都會不期然禁講"UM，真係好好食雖然牛角包好肥，個早餐又唔算好平。但佢係比到力量，令你滿足，禁樣已經乜都抵反晒雖然KFC D早餐價錢比麥當當貴少少，但佢地個煎蛋真係好出色，下次要試下其他款早餐！！

KFC經常推出優惠券， 可以更化算食快餐， 在網上同時可以找到優惠券， 只要在下單前出示電話中所選套餐圖像，就可享有折扣價購買食物。 喜歡吃鬆餅， 加上近期有網上優惠，所以每朝早上都光顧。 合理價錢， 有雞﹑有炒蛋﹑有肉腸﹑更有我至愛鬆餅， 再跟一杯餐飲。 好滿足呀!

今日同女友入左鴨脷洲學車，跟住我地坐學院接駁巴士出番銅鑼灣，出到去行左陣街又無咩地方特別想行，跟住女友話想去沙灘坐下，我話不如買d野食入去野餐丫，跟住就去搵野食啦~~我又打開手機搵下有咩好食啦，見到KFC個app，㩒入去睇下，見佢有d兩人套餐優惠又幾抵喎，咁我地決定買個KFC入去食，買完之後我地搭車入淺水灣，入到去搵個靚位坐下，跟住就準備開餐啦，對住個咁靚既景，仲有陣陣涼風，再食KFC真係第一次試，雖然d 薯塊有少少林左，但d炸雞依然咁好味，今日買KFC外賣去沙灘食真係好好feel，同係舖頭食完就走好唔同，我覺得真正的享受到炸雞風味。

我夠膽講係香港生活既年青人，九成幾都食過老麥同kfc，但我點解有衝動為KFC寫食評？答案好簡單，係因為KFC個QC真係好差，人地麥記十年如一日，間間鋪既出品都冇差別，甚至全世界都係果種味，但KFC真係上落好大，每間鋪之間已經唔同，甚至同一間鋪唔同日子時間食都可以差天共地，運氣好買到好食既話可以堪稱美食，最差果次食過d炸雞係燶晒既都有今次推篤呢間鵝頸橋底既KFC，算係我食左咁多年泥最keep到水準既一間，味就唔駛多講啦大家都知，反而提下大家可以add下佢wechat，有時用下張電子cuopon，二人餐60蚊有找好抵，不過食太多小心熱氣丫！

星期六中午，天色陰暗加上微微細雨，令到身體抱恙的我心情更加低落。偶爾經過上校炸雞，對於愛好香口煎炸食品的我而言，無疑是極度誘惑，經過一番爭扎，決定暫時放下戒口的規條，食自己喜歡的食物沖喜一下自家情緒，一個人吃飯就是任性得起。入到去見到餐牌上推介，期間限定的甜蜜蜜脆雞，賣相都頗為吸引，遂點了一個三十多元的套餐，包括2件甜蜜蜜脆雞，1盒大的燒汁蘑菇飯及1件葡撻，當然還有飲品啦，算幾超值。而其中一個亮點為加$12元有一個朱古力心太軟甜品......是的，你沒有看錯，是心太軟…炸雞店居然有心太軟賣，還要是$12元，實在令人驚喜！店員説要等10分鐘，愛冒險的我當然不會錯過啦，照等！甜蜜蜜脆雞，外面用類似粟米片裹漿炸脆，面頭掃上蜜汁，食落外皮鬆脆，但不似脆炸辣雞那硬綳綳的脆，而是鬆軟酥脆的那種；蜜汁的甜加上内裡肉質微辣，配合得宜，期間限定值得一試。朱古力心太軟，原本以$12元的價錢，都沒有太大的期望。小小朱古力餅身，用小錫紙碗盛載，賣相欠奉，但估不到食落像即叫即焗似的，外面微脆，內裡充滿著濃香的朱古力漿，一點也不比坊間的甜品專賣店遜色，以個人口味而言覺得是甜了一點，但這個價錢就不要要求太高了。蘑菇

Met boyfriend here for breakfast before I headed to morning yoga. I usually eat breakfast at home but boyfriend insisted on eating with me this morning. So, KFC we went.As I usually don't eat anything more than cereal in the morning, I ordered a chicken and cheese toast combo for $17.50. I didn't want coffee or tea in the morning especially before going to yoga, so I upgraded to orange juice for an extra $6.The sandwich was pretty sad looking. It wasn't toasted and soggy.The filling was so minim

Came here for dinner because I saw an ad on the MTR that said that KFC was serving Korean fried chicken. I had to try it because it a long time ago, I mentioned to boyfriend that since KFC did all sorts of other countries like Taiwan and Japan, they had to one day realize that they can do Korean fried chicken since there is a craze for it and they already do fried chicken anyways.They had two different sets. One with mashed potato, fried chicken poppers and soft drink for $36 or with mushroom ri

見今日早左少少到銅鑼灣, 就諗住食得豐富 D D 咁啦. 所謂豐富 D 其實都只不過係 KFC 早餐, 我叫左個 2 號餐, 雞扒包再加杯咖啡. 服務員唔算快手, 不過店裡沒甚麼客人, 不一會便準備好我的早餐, 可以走人了. 對於返工前買的早餐, 唔駛點等呢一點真係好重要呢! 一返到公司就即刻開動, 麵包和雞扒都還是暖的, 可惜包身偏硬, 雞扒味道還可, 只係稍為淡左少少, 雞肉還是比較"鞋", 始終和一件件的家香雞有段差距. 醬汁亦略為少左 d, 不過整體而言已算不錯.咖啡是即磨咖啡, 可惜咖啡味不重, 奶亦不香不滑, 不過還是熱呼呼的就別要求太多了.

今日行入肯德基TEA, 居然有個意外驚喜。話說上年又係過年時節, 朋友一家來香港玩, 我盡地主之誼陪去迪迪尼, 小朋友除了玩, 就係食, 難得金叵蘿情有獨鍾熱狗檔裡一種有趣小食, 一日內食了3 次。話有趣, 係因為這款小食有個脆批底, 味道十足PIZZA, 但切成長條形, 上面鋪的亦非莎樂美腸而係成條熱狗腸, 仲用竹籤串住, 即燒即賣, 夠熱夠脆, 小朋友自己手執一串似食串燒, 邊行邊食好開心, 我們大人都跟著吃了兩串。點知朋友一家聖誕再去迪迪尼, 小朋友返來向我投訴小食店已無賣上次的串燒 HOT DOG, 表情好失望, 但我也愛莫能助。又點知…今日行入肯德基, 居然見他們推出的新茶餐就係這款令小朋友念念不忘的 HOT DOG…啊, 唔係, 原來係叫 PIZZA DOG 才對, 「狗」別重逢, 當然自己先來一客, 不忘即刻影張相 whatsapp 俾小朋友爹地邀功, 下次他再帶寶貝女來香港, 叔叔識路帶你去食串燒HOT DOG 啦!仲有最後一點驚喜係, 隱約記得在迪迪尼買要廿幾三十蚊一串, 現在茶餐價20蚊仲包杯汽水, SIZE 不變, OK 喎。

軒尼斯道友光大廈1樓，總之整個1至4樓，都是一個食肆林立之地。可是，除了春夏秋冬之外，再加上暫時仍圪立不倒的小肥牛之外，這兒的一樓一餐廳的變更率一直都是高企。友光大廈1樓，以我所知已經易手了好多次，開了的酒樓都好似是趕唔切執笠咁，幾乎是年幾兩年就換一次，做業主的也真有點納悶。近日，過馬路收到傳單，說KFC重返銅鑼灣，而地點就在友光大廈。在此，說一說我對香港地理的認識及理解，灣仔區是由大佛口 (軍器廠街)開始直至堅拿道西 (鵝頸橋)，未過橋依然是灣仔。可是有不少店舖位於鵝頸橋旁，就要說自己位於銅鑼灣，實在是有點夾硬黎。Anyway，地點的正確與否不重要，最重要是這壹樓壹正唔正。連鎖品牌的壹樓壹，我再加入了近日我所 study 的 McDonaldization，一切可以量化的東西都是有一定而且標準的品質的，亦即是說，在那裡叫雞都好，你得到的都是同一種服務，同一種味道，同一種的感覺。始終這一類型的壹樓壹是提供快餐，根據的近日 Study 的 McDonaldization，快餐店的選擇是少的，你只可以選 ABCDE，而沒有其他。埋到 counter，叫個 number，就有一份一人餐，兩件