中午時間路過樂富, 才回想起跟樂富已一別多年. 見人事全非, 驚訝社會進步速度之高. 踏進翻新了的樂富商場, 發現跟以往實在大有不同, 更新更潮, 誰會可以聯想到那屋村商場的模樣? 一邊行一邊找個地方吃中午飯, 上到3樓, 就在扶手電梯旁, 看見這韓國菜餐廳, 就決定試一試了.  餐廳環境整齊, 而且配備韓燒專用的抽油煙機, 下次晚上過來的時候可以試燒. 時正中午, 就點了午餐兩客, 包括烤牛肋骨肉及韓式上湯海鮮烏冬跟蜂蜜柚子茶及蜂蜜生薑茶.  午餐全都跟有韓國特色前菜, 共兩款味道, 一清一辣. 前菜爽口開胃, 適宜在主菜來到前品嚐一下.  韓式上湯海鮮烏冬配有鮮蝦, 蜆, 獅子狗, 龍蝦丸, 肉絲, 金菇及時菜. 餸料豐富新鮮, 烏冬爽口嫩滑.  烤牛肋骨肉鐵板上菜, 底有洋蔥, 上菜時洋蔥及牛羊濃香撲鼻. 牛肉入口嫩滑有底味. 洋蔥清甜. 小菜的午餐配有白飯及靚湯. 白飯入口香甜. 靚湯足料 蜂蜜柚子茶甜甜酸酸很是開胃解渴.  蜂蜜生薑茶有點微薑味, 不辛不辣, 很暖胃. 
總共消費HKD144. 
離開餐廳, 回到這個既陌生又好像熟識的樂富. 打算走逛一會, 感覺一下這區的更多細微轉變. 

同舊同學約去旺角食下午茶，周街都好多人好逼，想搵個舒服又清靜嘅地方傾下計，於是我地就搵到呢間樓上舖。 Station 3係旺角金雞廣場，差唔多上到頂樓。店員安排我地坐係房，有大玻璃可以望到景，而且座位都幾闊落，坐得好舒服。 即刻睇下餐牌揀野食，飲品選擇相對比較多，原來三點鐘先開始有下午茶叫，於是我地叫左少少食住先，打算等到夠鐘再落單叫下午茶，會比較抵食 飲品先到，叫左紅莓果茶同花旗蔘蜜，兩壺都有底座熱住，我地由兩點幾坐到四點幾，臨走兩壺飲品keep住熱，冬天保暖一流 我地叫左一份蜜糖雞翼，雞翼好juicy，蜜糖比得好重手，絕對唔吝嗇 然後有兩件cheese cake share, 我地覺得New York cheese cake比較好味 傾下計，就消滅左上面嘅野食喇。 我地終於等到tea time，但又開始餓，於是叫左個多士，同埋一份lunch set 四點幾，食埋呢兩樣終於食飽喇 呢間餐廳環境都幾好坐，如果menu再多d選擇就會更吸引

Weedend 去左希慎嗰邊行下街順便去埋誠品睇下書，不知不覺就hea到晚飯時間啦。晚餐約左朋友一齊去登龍街搵食，時間都岩岩好。今次黎到出名多拉麵餐廳既登龍街並唔係食拉麵而係 食 牛 ！作為一個牛魔王既我，一知道依間專食和風牛肉既餐廳已經好想去，今次終於有機會啦！！入到去舖頭唔算好大不過都坐得幾舒服，而且食客比較我想像中多。Menu上面主要有8個set，牛當然係佔大部份啦，另外仲有羊架同魚柳供選擇。 最後我同朋友決定嗌個每日限定供應既頂板腱牛扒同埋吉列炸牛扒開心share。 朋友同我都係第一次食板腱，外面睇落好似比平時d牛扒細塊d但又厚d，一食落口真係不了，超香超有肉味，輕輕加少少蒜鹽，又有種好道既感覺，好夾。 跟住係我比較期待既吉列炸牛扒，一上枱我就完全被佢既香味深深吸引住。原來吉列炸牛扒係會連一個小火爐上菜，等d牛油溶左之後就可以略略煎一煎塊牛肉。初時我仲驚炸完再會好乾，但原來唔會架，入口即溶，而且仲好多肉汁添。

我雖然有女朋友拖拍, 但都唔會重色輕家人㗎!     今個星期家姐話要食放題, 又要坐得唔好迫夾夾, 仲有我個姨甥仔 (3歲) 好黐身㗎, 成餐飯都無啖好食.  上次聽到有同事講,  日· 悅極尚日式放題,   好啱要帶小孩的家庭去 .   看 看, 價錢中等. 呢度地方夠大, 位置好寬敞. 日·悅   基本分2大部分, 有order紙, 有部分飲品及甜品可以自己去拎。首先去拎咗部分冷盤，青口，蝦，螺.    場面真大, 食物款式多,  質數同酒店 buffet 有得 fight! 飲品最唔同就係有酒:啤酒, 清酒及梅酒, 絕大部分放題都無包酒嘅, 鍾意飲日本酒嘅我, 點可以執輸? 第一round, 先來個刺身船, 有刀馬貝, 油甘魚, 蝦, 帶子, 希靈魚, 赤貝, 全部都新鮮甜美.每4位亦會送活魚刺身, 好扺食。 仲有壽司, 手卷, 海膽軍艦   (呢個番本之選，最少來咗 3 round) 燒物, 菠蘿, 羊架, 鯖魚,燒大蝦. 天婦羅, 連壽喜燒,   都一應俱全.  我家兩老唔多食生冷嘢, 主攻熟食都好多款揀。 食到咁咗上下, 我個“可愛嘅“姨甥仔開始坐唔定, 扭住要落地玩, 我見家姐、姐夫食得咁開心, 我就替佢地帶個仔去玩下啦, 呢度有個兒童遊玩區, 舖晒墊, 又有得跳又有得笑, 阿姨甥仔不知玩得幾開心, 家長可以輪流看管, 又有時間返埋位繼續食。玩完一輪，姨甥仔話要食雪糕, 佢好嘴刁㗎, 唔貴唔食, 好在日· 悅, 有2個牌子嘅雪糕, Haagen-Dazs 及Movenpick, 實在是啱晒佢口味呀。呢一餐可以滿足晒老中少三代, 非常合心意及扺食，我地仲 plan 緊聖誕節再來一次添。

薄有名氣的雲來軒，本來早已聽說水準不俗，可惜位於略偏的棉登徑，幸好今晚終成小局。 傳統粵菜飯店裝潢，貼上不少明星名人照片及得獎之獎狀，令人未進店已信心大增。 翻開餐牌，圖文並茂，不少創意菜式看來非常吸引，多款都很想試，奈何二人飯局，點了一湯四菜，已經十分豐盛。 日本花菇雞腳燉螺頭 $68 小巧精緻，紫砂茶壺保溫度高，細細壺但材料豐富，湯頭醇厚味香濃，二人分享淺嚐亦可，心水推薦！ 拖地蜜汁黑豚肉 $128 招牌拖地蜜汁黑豚肉，果然名不虛傳，梅肉肥美鬆軟又多汁，鹹甜味道皆豐富，外皮亦燒得有點點焦香。 領奬水芙蓉蒸明蝦球 $148 芙蓉蛋白金黃漂亮，外表已經得分，芙蓉滑溜味美，蝦之精華，明蝦球肉厚夠爽，相比想像中有蝦味。 生煎金沙龍皇帶子 $238 這一道招牌菜沒有圖片般漂亮，亦不及前三道出色， 仔細方可以看見帶子及蝦餅其實是兩層，口感分別不大，可能是帶子混入了魚肉，魚餅及蝦餅配，味道幾好，但不及期望中出色。 醒胃話梅雞半隻 $188 砂鍋上菜，非常熱騰騰，雞肉炆至非常嫩而且入味，雞皮十分滑溜，但話梅似乎份量不足不夠味。 試吃找到的兩粒話梅，已經冇味、早已溶化了在菜式中。 星期四晚，果然客似雲來，飯名變得非常符合，建議必須定位。 雖然有非常欣賞亦有只是不過不失的菜式，總括來說，依然是家水準飯店，值得重臨再嚐其他菜。

You can't miss this drinks joint as the logo and illustrations really make a statement.I am not sure what the artist is trying to express but it looks like the character has a straw shoved up is nose!!!
Anyway, their cupcakes appealed to me so decided to go there and try it but they have been quite busy since it opened.HKers just love checking new things out because they worry they miss out.The menu is in English and Chinese.Got the softie floatie because it was sea salt softie which turned out baby blue and instaworthy. The orange soda fared better because it was refreshing with a cake stabbed on the straw. I liked it simply because I wanted to eat a cake.As well as fancy drinks, I decided to get a simple tea to see how they fare. Strangely they had oolong and iron buddha together so I tried that.
To be honest, I liked the plain tea which I had hot without sugar as plain tea simply beats everything.

襯星期日，好想幫手煮晚餐，等媽媽爸爸可以出去拍吓拖、休息吓。不過屋企附近無街市，要老遠搭小巴上慈雲山中心，先買到小秘書至愛嘅海鮮🤩 哈！ 做大事之前，當然要先醫吓個肚，諗住清清地簡簡單單食碗米線就開工，咁啱見到「101台式休閒餐廳」有麵餐，就試吓啦！101嘅下午茶餐選擇都唔少，而且價錢仲好經濟。可惜我選擇錯誤，揀咗個肉燥貢丸米線，肉燥感覺好油膩，而且賣相相當肉酸，不過叫咗就梗係要食哂佢👉🏻👈🏻 好在跟餐果杯珍珠奶茶都唔差，係甜咗啲🤪 成個餐加埋都係$30，就當買杯珍珠奶茶都抵啦🥴

最近係旺角發現到一間食石鍋飯好正嘅餐廳，呢間叫＂石鍋堂＂雖然餐廳空間非常迫，而且不能坐太久，但人流依然很多，未到七點已經有好多客人喺門口等囗，所以記得book台呀！ 望下餐牌就知價錢唔算貴啦！呢個係＂安格斯牛肉石燒手打烏冬＂又好睇又好食，而且仲有多款湯底選擇！ 醬油烏冬，入口好彈牙！而且配料都好豐富！ 石鍋堂海鮮手打烏冬，食材非常新鮮！ 仲有餐飮，好滋潤的紅棗茶，最適宜冬天飲用！ 呢個雜菜拼盤，好好味呀！ 牛仔骨石鍋飯一定要試試，飯焦超級好味！

之前試過銅鑼灣店很不錯，今日再去尖沙咀店吃午餐。 燒呑拿魚扒配香草意大利黃瓜- 燒呑拿魚扒有兩大塊，燒得火候剛好，燒得網紋漂亮，中間半生熟，顏色粉嫩，賣相吸引。呑拿魚外層燒得香，內層嫩滑軟綿綿，意大利黃瓜配香草汁爽甜，整體清新開胃。 香草鮮蠔芥末忌廉汁扁意粉- 有三隻日本蠔和蟹子舖面，賣相吸引，味道鮮甜。芥末忌廉汁creamy,wasabi味不算濃烈，配上洋蔥粒，很惹味。意粉口感不會太淋太硬。 是日甜品是Baileys Chocolate Cake, 外相精緻漂亮，朱古力mousse 香滑濃郁，不會太甜，裝飾伴碟的杏仁香脆。

西瓜食得多, 但變成蛋糕咁食真係第一次試。知道有西瓜蛋糕既始祖係澳洲, 不過之後係香港就好快都有得食。果時一開始成個IG都係佢, 粉粉紅紅既賣相真係好難叫女生唔尖叫。今日同男朋友黎到TST呢度先知道原來開左一間, 2:30時間人流未至於要等位不過都座無虛席, 一心為左呢件蛋糕而黎, 當然要一試! 餐廳有每人最低消費$70
因為食飽野先見到, 其實肚入面都仲未有太多位置, 所以叫唔到4件cake set, 只好一人一個甜品+一杯飲品西瓜草莓蛋糕 $65
終於可以一嘗呢個西瓜草莓, 粉粉紅紅呢個色再加上玫瑰花瓣, 賣相真係好靚~
一入口就已經食到淡淡玫瑰香, 但唔算太濃, 個人可以接受。蛋糕感覺唔似一般蛋糕, 一問之下原來係無麩質, 食起上黎都覺得幾健康. 因為呢件蛋糕但有唔同既質地, 由其係當中加入左西瓜, 所以唔似平時既蛋糕可以切到底, 西瓜帶點厚度, 入口既甜度係幾舒服, 唔似一般係香港係甜得假既果種口味, 有重清甜感覺, 有別於一般蛋糕既味道, 唔錯的!

經職員介紹之下先知原來係用上馬來西亞既西瓜, 因為馬來西亞天氣好適合生果生長, 所以唔會影響到品質問題, 有質素保證焦糖無花果千層酥 $58耐心等待既15分鐘, 其實傾下偈就好快過, 千層酥唔算好大件, 不過賣相都唔錯嫁! 今次冇簡到我中意既紅桑子反而叫左無花果, 因為感覺新鮮既無花果價錢比紅桑子高, 所以就叫左呢個喇!千層酥唔似平時咁會有幾層, 不過依然有多種口感, 焦糖, 忌廉, 無花果, 千層酥 同果粒酥餅, 酥化既脆身同忌廉都幾夾, 最中意就係唔好睇入面放左焦糖粒, 但其實食落一d都唔會覺得好甜, 我覺得食落係岩岩好唔過火~ 幾有驚喜


宇治抺茶鮮奶 $52 用上日本既宇治抺茶粉, 唔好睇佢咁單調, 飲落都幾濃~ 同埋都幾高身幾大杯 , 因為用鮮奶關係都幾飽肚 Flamingo $68 為左影相既點既飲品, 一黎之後先發現果枝並非普通雪條而係用新鮮荔枝肉做成既冰條, 因為要等冰條溶化先可以食到入面既荔枝肉, 我一於當佢係條冰條咁食, 雖然係用荔枝肉做成既冰條, 但唔算甜, 不過前後兩者我就比較中意宇治抺茶鮮奶, 因為味道較濃厚, 不過呢杯就岩d中意飲果汁但又唔中意太甜既人, 整體都唔錯 環境感覺都幾光新舒服, 價錢唔算太夠而且甜品都有質數, 下次又有個地方可以同朋友食下野聚下腳

肚餓仔，想求其搵啲野食，見到有雞蛋仔食，試下啦。 流心朱古力，好似幾正喎。 佢唔係即叫即整既，係一早放左係到，唔熱都算啦。 個樣好似好燶，都算啦。
一咬落去？下？流心朱古力呢？說好的流心朱古力呢？😭
係完全冇嫁！😡
有朱古力味既，講明流心，但係就貨不對辦，好過份啊！
咁樣收我20幾蚊，真係嬲。🤬

Came here randomly as I saw dishes and dishes of food by the window.It was affordable too, one dish only costs $2x.Being greedy, I decided to get 3 dishes which was only $4x. I didn't realize the plate and portions were going to be that big!!!!!
When I was handed the plate, it was so heavy I had to carry it with both hands as the joint is canteen style where you get the soup from the big vat.Anyway, here was the plate that I had!!! It was quite hearty and healthy as it was not too salty but the only thing that ruined it was the rice because it was too hard for my liking. Will definitely come back but probably for one dish!

這間美食聽同事講話好平,很久沒有見過的穩世小店所以就去試下

去到係下午時候,好多人
等了一陣,輪到我點野食
大大碗上枱 湯底夠熱而且有咖喱腩汁聞到少少油香味！
勁多配料真係不敢相信只需要$50！

配菜多,有咖喱豬皮 牛腩 軟滑牛根  而且都好入味,要比個Like佢
幼麵係雲吞麵的彈牙麵 份量好足

真係價廉物美的餐廳!

男朋友放大假 特登揀左間好坐又有情調既餐廳一齊食飯😍 聽人講過呢到既cocktail又靚又好飲 真係聞名不如見面 Honey bee($95): 擺低「嘩」左一聲 好岩打卡 好香蜜糖味 連埋窩夫同朱古力一齊食 好有驚喜 Strawberry Me ($95): 少女心大爆發 本身以為士多啤梨cocktail 陣水果味多多少少都有d藥水 點知飲落係勁新鮮士多啤梨汁既味 十分推介 海鮮拼盤($263): 見到每張枱都有叫 呢個價錢 竟然有咁多海鮮 兩個人叫夠晒！我自己就最鐘意生蠔 雖然唔算好肥美 不過好重蠔既鮮味～男朋友就最推介鮑魚 非常入味 火焰黑毛豬鞍扒($127): 另一個重點推介！擺落黎就有人倒酒同點火 本身以為只係影相用 點知燒完之後好香酒味 而且外面有小小焦香 正👍🏻👍🏻 仲叫左好多野食😋 環境舒服 仲有花生食 情侶或者一班朋友黎都好岩～

終於完SEM 就決定同同學去食放題賀賀佢!!CWB黎講呢間放題真係唔錯
我地就5點半入座 全單會加一後再85折!呢到食物既種類都幾多 同埋出面都會有D熟食同埋甜品拎!呢D係出面拎既 其他都一般般
但心太軟就係最好食既!!
唔會太大個
而且又真係會有流心既口感
唔會過份既甜
個殼都幾脆口  食物係上得幾快 款式都幾多
同埋壽司佢會整到好細舊
可以一啖一粒
方便想試多D款又驚太飽既朋友~

壽司既味道都唔錯
款式都幾多
漏單既情況都唔嚴重
只係試過比幾張單佢漏左一兩款
尚可接受
而飲品既款式都多
茶 酒 汽水 果汁一應俱全
但甜品就明明有自助加料區係就冇自己擠出黎既雪糕
呢點有D奇怪
整體黎講都唔錯既